<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D604: khro bo rnam par rgyal ba'i rtog pa gsang ba'i rgyud<br><table><tr><td>
<input type="button" onclick="location.href='tcompletep.php?id=D604&coll=D&volcur=0';" value="show page break" />
<td width=150><td>
<input type="button" onclick="location.href='tcompletel.php?id=D604&coll=D&volcur=0';" value="show line break" />

<td width=150><td>
<a href="tcompleteu.php?coll=D&id=D604&volcur=0" style=font-size:25px;">བོད་ཡིག</a><td width=150><td>e-texts based on the Esukhia Input <a href="https://github.com/OpenPecha-Data/P000001" target="_blank"><img src="../sub/link.png" width=20></a></table><hr><p style="font-size:18px;">text in 2 volumes<br><br><span style="color:red;border: 2px solid red;border-radius: 5px;padding:3px;">volume 1 (rgyud 'bum pha)</span> - <a href="tcomplete.php?id=D604&coll=D&volcur=1">volume 2  (rgyud 'bum ba)</a> - <br><br>bya'o/ /snying rje'i mchog ces bya ba'i gzungs rdzogs so// @##/ /rgya gar skad du/ kro d+ha bi dza ya kalpa gu h+ya tan+t+ra/ bod skad du/ khro bo rnam par rgyal ba'i rtog pa gsang ba'i rgyud/ bcom ldan 'das 'jam pa'i dbyangs la phyag
 'tshal lo/ /de nas 'jam pa'i dbyangs kyi ni/ /khro bo 'di ming gshin rje'i gshed/ /mtshon cha me lce 'bar bas 'khrugs/ /drag la mthu rtsal drag ldan pa/ /de mthong nas ni khro bo gzhan/ /thams cad kyi ni lag cha shor/ /de bzhin du ni 'jig rten pa'i/ /
 lha rnams lus kyis 'dud par byed/ /gzhan yang thal mo sbyar byas te/ /skrag nas stod pa mang po byed/ /lha rnams mang po ji snyed kun/ /'jam dpal khro bo'i gzi brjid kyis/ /gzir bzhin du ni rab smras pa/ /bcom ldan bdag cag sangs rgyas dang / /
 chos dang dge 'dun skyabs mchis kyis/ /rab tu mi bzad 'jigs pa'i gzugs/ /gzi brjid 'bar bas phyogs khyab pa/ /khams gsum 'khrugs par mdzad pa mthong / /gang tshe lha dang lha min rnams/ /skrag nas skyabs su dong ba na/ /de che 'jam
 pa'i dbyangs kyi ni/ /khro bos slar yang zhi bar gyur/ /gshin rje gshed ces bya ba yi/ /khro bo chen po zhi ba la/ /de nas skyabs su dong ba yi/ /lha rnams kun gyis zhus pa ni/ /khyod kyi brtson 'grus mchog 'tshal bas/ /ci lta bur na mnyes par bgyi/ /
 ci ltar yang ni dang bar 'gyur/ /bdag cag the tsom chen po mchis/ /khro bos lha rnams tshig gsan nas/ /gshin rje'i gshed kyis bka' stsal pa/ /lha rnams thams cad khyod nyon cig /nga ni dus gsum sngon du 'byung / /sangs rgyas kun gyi sngon du byung / /
 nga ni dus gsum phyis kyang 'byung / /nga ni dus gsum da ltar 'byung / /nga ni lnga brgya tha ma'i tshe/ /nga yi bstan pa 'byung bar byed/ /bstan pa thams cad nub pa'i tshe/ /nga yi bstan pa 'byung bar byed/ /las ngan mtshams med byed pa'i tshe/ /de tshe nga yi bstan pa
 'byung / /zas ngan lci ba za ba'i tshe/ /de tshe nga yi bstan pa 'byung / /gos ngan dug hrul gyon pa'i tshe/ /de tshe nga yi bstan pa 'byung / /nga ni dus gsum 'byung ba'i sku/ /bstan pa thams cad nub pa'i tshe/ /de tshe nga yi bstan pa 'byung / /ji lta bur ni zhir 'gyur
 yang / /nga ni thams cad zhi ba'i sku/ /ji lta bur ni khros gyur yang / /thams cad khros pa nga yi sku/ /gzi brjed chen po khyed rnams kun/ /gang tshe gsum la skyabs song ba/ /de tshe nga yi mi bzad pa/ /khro bo yid la gnas par gyis/ /dkon mchog gsum
 ni gnas pa dang / /de yi bka' yang bskyang ba dang / /sems can kun la snying brtse'i phyir/ /nga yi yid ni zhi 'gyur gyis/ /khyed rnams skyabs su dong ba yi/ /byang chub sems dang ldan pa yis/ /thams cad don ni bsgrub pa'i mchog /yi ge 'bru ni bcu bdun
 po/ /nga yi snying po yid las byung / /lha rnams kun gyis gzung bar gyis/ /gshin rje gshed po bdag nyid/ /snying po rab tu gsungs pa na/ de nas sa ni g.yos par 'gyur/ /rgya mtsho yang ni rab tu 'khrugs/ /gnod sbyin dang ni srin po dang / /sha za
 la sogs phung bar gyur/ /lha rnams kun ni phyag 'tshal zhing / /yan lag kun nas spu langs nas/ /gshin rje gshed po khro bo yi/ /khro bo snying po de bzung ngo / /de nas dam chos bsrung ba'i phyir/ /khro bo rnam par rgyal ba yi/ /rtog pa 'di ni de dag la/ /gshin
 rje gshed kyis rgyas par gsungs/ /de nas khro bo rnam rgyal gyi/ /rtog pa khro bo nyid kyis gsungs/ /snying rje byang chub sems ldan pa'i/ /lha rnams kyis thos dga' gyur nas/ /dkon mchog gsum ni bsrung ba'i phyir/ /so so yi ni rtog pa
 bshad/ /de dag gis ni rtsa ba'i rgyud/ /khro bo nyid kyis rab gsungs pa/ /khro bo rnam rgyal zhes bya 'di/ /'jig rten 'das dang 'jig rten pas/ /sngon nas phyag byas khro bo yi/ /zhal nas ji bzhin thos nas kyang / /khro bo nyid kyis gsungs pa yi/ /rgyud 'di
 byang chub sems rnams kyis/ /snying rje de bzhin rgyas pa dang / /rnam pa mang por byin gyis brlabs/ /'jam dpal gyi rtsa ba'i rtog pa khro bo rnam par rgyal ba las rgyud 'byung ba zhes bya ba'i skabs te dang po'o// //de nas khro bo rnam par rgyal/ /'jam dpal khro
 bos bshad pa yi/ /brtag pa rmad du byung ba'i mchog /mdor ni rab tu bshad par bya/ /de la 'di yi dkyil 'khor ni/ /dngos grub thams cad sbyin mdzad pa'i/ /'jig rten gsum po 'khrugs par mdzad/ /mang po zhes bya'o/ /thams cad du ni
 dkyil 'khor 'di/ /gnas ni gang du 'grub par 'gyur/ /sngags pas thog ma nyid du ni/ /de yi gnas ni brtag par bya/ /shing gcig pa'am dur khrod dang / /khyim stong dang ni bzhi mdo dang / /mchod rten dang ni mu gnyis dang / /thibs po stong pa lam srang
 rnying / /skyed mos tshal dang ri yi rtse/ /chu yi 'gram dang nags tshal dang / /yang na mtsho yi 'gram dang ni/ /lha chen gyi ni gnas kyang rung / /ba lang lhas sa ma g.yul gyis/ /khyad par du ni yul gtsang bar/ /gang du yid ni dga' bar yang / /des ni
 dkyil 'khor rab tu bya/ /de nas rig 'dzin nan tan gyis/ /sa ni yang dag sbyang bya ste/ /ba tshwa med cing ma gas pa/ /mnyam zhing zug rngu med pa la/ /shar dang byang ni mtho ba dang / /kha dog snum pa lhag par bzang / /ba las byung ba rnam lnga dang / /ldan pa yi
 ni lci bas byug / ci rigs par ni byugs nas kyang / /slob dpon gyis ni khrus byas nas/ /smyung ba byas te mnyam bzhag nas/ /khro bo'i bsrung bas byin gyis brlab/ /phal chen zhes bya ba'i/ /dkyil 'khor gsang mchog nub mo bri/ /zar
 ma'i ras sam ras bal las/ /thig skud gsum sgril mdzes pa yis/ /grwa bzhi dang ni sgo bzhi par/ /mkhas pas dkyil 'khor thig btab ste/ /thog mar shar dang byang nas ni/ /lho dang nub kyi bar du 'o/ /thig skud de ni phyogs mtshams nas/ /de nas
 kyang ni drang bar bya/ /shar dang lho yi mtshams dang ni/ /nub dang byang gi mtshams dag tu/ /thig gis rab tu tshad byas te/ /gru bzhi par ni thig gdab bo/ /rim pa gcig pa mdzes pa la/ /sgo bzhi dag gis mdzes par bya/ /lho phyogs kyi ni sgo phye la/ /
 lhag ma rnams ni gcad par bya/ /dkyil 'khor dang ni 'tsham pa yi/ /dbus su pad+ma bri bar bya/ /pad+ma dang ni phyogs bzhi sgo/ /the tshom med par mnyam par bya/ /mdzes byed sgo yi phyed du bya/ /'gram pa 'dab ma'i tshad dang mnyam/ /nye ba yi ni mdzes
 byed kyang / /mdzes byed dang ni 'dra bar bya/ /cho ga bzhin du dkyil 'khor te/ /kun tu thig ni btab nas kyang / /phyi nas tshul bzhin rig 'dzin gyis/ /dur khrod thal bas bri ba ni/ /rtag tu shar byang la sogs pa'i/ /grwa yi nang ni de dag tu/ /mkhas pas
 be con phyag rgya bri/ /phyogs kyi sgor ni bzhag /gzhan yang lnga pa ni/ /pad+ma'i steng du bsam par bya/ /de bzhin phyi sgo'i nang dag dang / /phyogs rnams de dag thams cad du/ /mi ro mgo med rnams/ /dur khrod thal bas dngar
 te bri/ /de phyir phal chen yin/ /khru gang la sogs rim pa nas/ /khru brgyad pa yi bar du ste/ /de las lhag par yong mi bri/ /rtag tu bdag nyid mchod pa ni/ /khru gang pa ni bri bar bar bya/ /zhi ba dang ni rgyas pa dang / /mi rgyal sgrub pa khru dor bstan/ /sems can
 kun ni bskrad pa dang / /de bzhin gzhig la khru gsum pa/ /khru bzhi dbang dang dgug pa yi/ /las rnams kyi ni mchog tu gsungs/ /khru lnga nad dang mi nad dang / /dgra rnams med par brtsal ba'i mchog /khru drug bgegs rnams thams cad
 dang / /gdon rnams nges par zlog par byed/ /khru bdun pa ni lha yi rnams/ /dbang dang dgug pa'i las rnams byed/ /khru brgyad pa ni dngos grub kun/ /sbyin sreg mchog tu shes par bya/ /de ltar ci rigs bris nas ni/ /de nas gtsang mas nye reg bya/ /chu yi phyir ni
 chu yi snod/ /chu ni rab tu dgang bar bya/ /de bzhin me tog don du yang / /me tog sdug gu dri zhim dang / /me tog phreng bas snod mchog gzhan/ /legs par dgang zhing mdzes par bya/ /dri yi don du bya ba ni/ /tsan+dan dkar po dmar po blang / /a ga ru dang sbyar ba yi/ /
 gu gul bdug pa de bzhin no/ /mar me mar gyis mar me dang / /mkhas pas snying po 'jam pa'o/ /drag po yi ni las dag las/ /mi yi tshil gyis bya bar bshad/ /gtor ma nya dang sha la sogs/ /sbyar thug la sogs lhag par dbul/ /de ltar der ni tshogs
 bsags nas/ /de nas rig sngags 'chang ba yis/ /sangs rgyas kun la phyag byas te/ /byang chub sems la dmigs nas ni/ /ri mo yi ni las rnams dag /gal te 'dri bar mi nus na/ /phal chen dbus dag tu/ /pad+ma sngar bris gang yin pa/ /de yi
 steng du ni/ /mkhas pas yid kyis bsam par bya/ /kyi ni sngags mchog gis/ /bsam pa dag ni byas nas kyang / /grwa yi be con bzhi po yang / /sngags nyid kyi ni bsam par bya/ /gal te 'dri bar nus na ni/ /sngags nyid steng du gzhag par
 bya/ /sgo yi bzhi po yang / /gal te bri bar ma nus na/ /de bzhin 'dzin sngags kyis/ /byin gyis rlob par gsungs pa ste/ /de yi nang du rang sngags kyi/ /byin gyis rlob par bya ba'i phyir/ /rkang lag mgo bo dpung pa dang / /de bzhin gzhan yang
 dpung pa dang / /gzhan yang de bzhin lag pa'i phreng / /thod pa keng rus mi lpags rlon/ /ro yi phreng ba bsam par bya/ /de yi nang du rang sngags kyis/ /byin gyis rlob tu gzhug par bya/ /de ltar cho ga bzhin bsams nas/ /mjug tu khro bo gshin rje gshed/ /
 sngags brjod pas ni spyan drangs nas/ /rang gi snying pos bzhugs su gsol/ /khro bo 'khrugs pa 'jigs mdzad pa/ /sku ni me lce 'bar ba 'dra/ /gzi brjid 'phags pa bsam pa ni/ /sku mdog stang zil bcag 'phro 'dra/ /zhal drug skra yang kham par 'dug /
 smin ma kham pa mig kyang ser/ /spyan gsum mig ni zlum pa ste/ /phyag ni bcu gnyis pa yi gzugs/ /de bzhin steng na bzhugs/ /zhabs drug gis ni mdzes par byas/ /tri shUl ral gri dbyug dgra sta/ /sbyin pa'i phyir ni phyag brkyang ba/ /lcags kyu
 yi ni mtshon cha dag / g.yas pa'i phyag na de bzhin bsnams/ /de bzhin g.yon pa'i drug po yang / /thod pa mdung thung mda' bo che/ /mdzub mos bsdigs dang zhags pa bsnams/ /phyag na dbyug to bsam par bya/ /mi mgo rlon dang skam po dang / /
 phreng bas rnam par brgyan/ /stag gi pags pa'i na bza' gsol/ /sku yang che la gsus khyim che/ /zhal gyi dbyibs ni du ma ste/ /skra ni rgya mtsho 'khrugs pa 'dra/ /zhal gcig bzhad cing zhal gcig zhi/ /zhal gcig 'jigs par bgrad pa'i zhal/ /zhal gcig
 zhal ni gdangs pa ste/ /ljags kyang bskyod par mdzad pa dang / /zhal gcig zhal ni mche ba gtsigs/ /de ltar snying pos legs par ni/ /spyan drang mchod yon dbul bar bya/ /de nas dri dang sbyar ba'i chus/ /mchod yon cho ga bzhin phul nas/ /
 kyi ni spyi bor yang / /me tog dmar po gzhag par bya/ /blo chen gyis ni khro bo la/ /de nas tsan+dan dmar po dbul/ /dri yi 'og tu me tog rnams/ /tsan+dan gyi ni gtor ma dbul/ /me tog me tog phreng ba rnams/ /me tog sngags kyis dbul bar bya/ /me tog
 sngags kyis rim bzhin du/ /me tog cho ga bzhin phul nas/ /rang gi snying po sngags kyis kyang / /khro bo yi ni spyi bo dang / /khro bo gtso bo'i snying gar ni/ /snying po rnam par dgod par bya/ /mtshog mar de yi mtshog ma dang / /de yi gtsug tu
 spyi gtsug gzhag / de yi lus la go cha dang / /mtshon cha'i tshogs la mtshon bzhag ste/ /'di skad bstan pa 'di dag ni/ /me tog dag gis dgod par bya/ /de ltar ci rigs mchod nas kyang / /bdug pa rang gi sngags kyis dbul/ /de nas mar me rab
 'bar ba/ /phyogs brgyad du yang da god par bya/ /'byung po'i gtor ma khro bo la/ /phul nas phal chen gyi/ /phyi rol du ni mkhas pa yis/ /sme gtor rnams ni sbyin par bya/ /khro bo gtso la de phyogs te/ /de nas yang ni bdug pa 'bul/ /de yi phyi
 rol chu bcas snod/ /me tog gis ni bkang ste bzhag /cho gas khrus kyi smyung ba yi/ /slob ma dag ni bos nas kyang / /sngags kun gyis ni gzi bskyed la/ /khro bo yi ni snying po yis/ /lag gnyis me tog byin nas ni/ /gos kyis gdong ni g.yog par bya/ /
 dkon mchog gsum ni dran byas la/ /slob dpon gyis ni gzhug par bya/ /rang gi snying pos me tog nyid/ /dkyil 'khor la ni gtor du gzhug /de nas be con zhes pa yi/ /phyag rgya sngags pas de la bstan/ /dkon mchog gsum ni gsang ba yi/ /dam
 tshig de la sbyin par bya/ /de nas grub par bya ba'i phyir/ /sngags pas chu dang me tog gis/ /khro bo'i gtso bo'i gsang sngags dag /dbang bskur nas ni de la sbyin/ /de nas khro bo'i snying po yis/ /cho ga bzhin du dbang bskur nas/ /me tog bdug pa'i phreng
 ba yis/ /snying po de la sbyin par bya/ /khro bo yi ni snying po mchog /des kyang de ltar mnos nas ni/ /de nas bla ma phyag byas nas/ /ci nus sbyin pas mchod par bya/ /sngags pas bla ma mchod byas na/ /dngos grub thob 'gyur gzhan du min/ /slob ma snying po byin nas
 kyang / /phreng ba tsan+dan la sogs pas/ /mchod nas de yi 'og tu ni/ /phyi rol du ni sngar bzhag pa'i/ /dri chu la sogs bkang ba'i snod/ /de blangs mchod yon phul nas ni/ /'jam dbyangs khro bo mi bzad pa'i/ /mthu rtsal drag po gshegs su gsol/ /
 bzhud nas kyang ni yon chu de/ /dkyil 'khor la yang dbul bar bya/ /rgya chen sa yi dkyil 'khor na/ /dngos grub mtshungs med 'dod pa yi/ /rig sngags 'chang gis de ltar ni/ /mchod pa rtag tu legs par bya/ /de nas dngos grub thob par 'gyur/ /'jam
 dpal gyi rtsa ba'i cho ga zhib mo khro bo rnam par rgyal ba'i rgyud chen po las phal po che'i dkyil 'khor rim par phye ba ste gnyis pa'o/ / //de nas gzhan yang gsang sngags rnams 'byung ste/ oM namaHsarba ta thA ga te b+h+yaHpre ta mu kha kha da kla swAhA/ dbus kyi yi
 dgas kyi'o/ /oM namaHsarba ta thA ga te b+h+yaHA kro d+ha bi dzA ya/ agIr dz+wA li te dzi hwe pre te shwa ri hU~M phaT/ 'di ni grwa'i be con bzhi'i sngags so/ /oM namaHsarba ta thA ga te b+h+yaHoM pre ta thod lak+pa ya hU~M phaT/ shar gyi sgo'i kyi'o/ /oM pre ta big+h+nan+ta ka hU~M phaT/ lho sgo'i
 kyi 'o/ /oM pre ta dz+wa la hU~M phaT/ nub kyi sgo'i so/ /oM k+Shi pra pre tod ga ta hU~M phaT/ byang sgo'i kyi'o/ /oM namaHsarba ta thA ga te b+h+yaHpre tamA le bi kr-i te/ pre tamA le bi kr-i te/ pre tamA le bi kr-i te/ gu h+ya pe tsi ka mu khi sarba ra k+Sho pa dzuSh+To hU~M phaT/
 phreng ba'i 'o/ /'di ni kyi dkyil 'khor gyi sngags kyi tshogs so/ /da ni khro bo gshin rje gshed spyan drang ba la sogs pa'i sngags la sogs pa 'byung ngo / /oM na mo bud+d+ha d+harma saM g+he b+h+yaH/ kro d+ha bar bI ra sarba ma ye na/ A gats+tsha/ A gats+tsha/ oM AHhU~M/ i daM pre ta/ A sa
 na Na/ pre tod ga tan/ rak+Sha ra k+Sha swAhA/ khro bo'i rgyal po gshin rje gshed spyan drang ba'i sngags so/ /oM dz+wA la dz+wA la ti bi gra ha hU~M phaT/ go cha'i 'o/ /oM A kro d+hi kA ya mAn+ta ka ha nam tha b+hany+dza hU~M phaT/ 'di ni khro bo'i rgyal po gang gis rtog pa 'di yin pa de'i sngags yi ge 'bru bcu bdun
 pa'o/ /oM AHhU~M/ de nyid kyi snying po'o/ /oM kA la hU~M phaT/ mtshog ma'i 'o/ /oM ya mAn+ta ka e ka bI ra hU~M/ spyi gtsug gi'o/ /oM bai ba swa tAn+ta ka hU~M/ mtshon cha'i 'o/ /'di ni khro bo'i rgyal po gshin rje gshed kyi yan lag lnga pa'o/ /oM e ka bI ra
 ya mAn+ta ka bi sa ra swAhA/ mchod yon dbul ba'i sngags so/ /oM b+hi mAn+ta ke ta dzo ba lin ni swA hA/ lha bshos kyi sngags so/ /oM bA ka tsi ta sho ni tra ra tra/ saM gan+d+ha bi gra hi swA hA/ dri'i sngags so/ /oM di bya srek+mA l+ya d+hA ri Ne swA hA/ me tog gi sngags so/ /oM tsi ti d+hu ba
 pri yA ya swA hA/ bdug pa'i sngags so/ /oM dI pya dz+yo tiSh+Tha ti swA hA/ mar me'i sngags so/ /oM sarba a mI She b+h+ya ba ha ri Ne swA hA/ sme gtor thams cad kyi sngags so/ /oM di bya na b+h+yo dzi ni/ ha ra ha ra dra~M dra~M khA hi swA hA/ gtor ma thams cad dbul ba'i sngags so/ /
 oM khu khu ni pre tok+ta te/ pre ta mA le la li ni/ m+lA m+lA kle d+ha kle d+ha pri pri ti shi phreM driM driM driM draH khu khu ni gri ha ba liM swAhA/ mang po'i dkyil 'khor gyi gtor ma'i sngags so/ /'jam dpal gyi rtsa ba'i cho ga zhib mo khro bo rnam par rgyal ba las phal po che'i dkyil 'khor
 gyi sngags rim par phye ba ste gsum pa'o/ / //de nas gzhan yang 'jam dbyangs kyi/ /khro bo dpa' bo gcig pu ni/ /tshad med gzi brjid bdag nyid che/ /de yi phyag rgya bshad par bya/ /thog mar dkon mchog gsum po yi/ /dam tshig mngon par bstan
 byas nas/ /lag pa g.yas pa cho ga bzhin/ /legs par rab tu bcing bar bya/ /rig 'dzin dag gis rtag par ni/ /lag pa'i sor mo thams cad kyis/ /mthe bo legs par sbas pa ni/ /rab tu bsdams pa bzang po bcing / /cho ga zhes pa'i be con rgya/ /snying
 po sngags sam logs shig tu/ /sngags pa phyag rgya sngags kyis bcing / /gzhan du nam yang mi bcing ngo / /oM na mo bud+d+ha d+harma saM g+he b+h+yaH/ oM sarba ta thA ga te kro d+ha bi dzA ya/ ag+nir dz+wA li ta dzi hwA/ pre ta shi ra hU~M phaT/ be con gyi phyag rgya dang sngags so/ /phyag rgya gcig
 phur gyur pa 'di/ /khro bo'i snying po sngags 'bar byed/ /mtshon cha ma lus pa yi gtso/ /bdud rnams thams cad zhi bar byed/ /ji ltar dkyil 'khor du bri ba/ /de yi cho ga bshad par bya/ /be con dbyig pa lta bu'i tshul/ /'di ni be con zhes par grags/ /khyad
 par du ni de yi rtser/ /mgo bo mkhas pas bri/ /mang po rtag tu bri/ /de las gzhan du nams kyang min/ /rig 'dzin gyi ni cho ga bzhin/ /rgya 'di dur khrod thal bas bri/ /yang na 'di nyid logs shig tu/ /gang gi tshe na bsgrub 'dod pa/ /sgrub pa
 dngos grub 'dod pa yi/ /rang gi dkyil 'khor dag tu bri/ /de nas phyag rgya bsgrub pa yi/ /dkyil 'khor 'dir ni bshad par bya/ /snga ma bzhin du gru bzhi pa/ /phal chen 'dir yang bri/ /de yi dbus su be con bzhag /phyogs brgyad rnams su'ang de
 bzhin no/ /phyag rgya dgu dang ldan pa yi/ /phyag rgya'i dkyil 'khor zhes kyang bya/ /de bzhin du ni lho yi sgo/ /phye ste de nas mchod pa bya/ /phyag rgya sngags ni ma lus pa/ /khro rgyal rang gis spel ma bya/ /de yis 'dir ni mchod gyur la/ /rim gyis gsang ba'i mchod byas
 'gyur/ /oM na mo bud+d+ha d+harma saM g+he b+h+yaH/ oM A sarba ta thA ga ta kro d+ha bi dza ya/ ag+ni dz+wA li tA pre ta shi ra hU~M phaT hU~M/ 'di ni khro bo rnam par rgyal ba'i gong du bcug pa'i be con gyi phyag rgya'i sngags so/ /'dis las thams cad bsgrub par bya'o/ /de nas dngos grub kun gyi
 mchog / khro bo'i gtso bo de kho na/ /gsang ba'i mchod dang ldan pa yi/ /be con sgrub pa bshad par bya/ /snying po ze ba mdzes pa yi/ /pad+ma 'dab ma brgyad byas la/ /'dab ma rtse mo'i phyogs brgyad du/ /be con khro bo'i bar bcug bri/ /dbus su dgu pa bzhag nas ni/ /
 gzhan rnams shar phyogs nas brtsams te/ /bskor ba'i tshul du bzhin/ /me tog dag gis gzhag par bya/ /be con kun gyi sa bon hU~M/ /spyi bor gzhag par bya/ /thog mar oM dang ldan byas te/ /oM dang namaHmchod par 'gyur/ /aH'di khro bo
 rnam rgyal gyi/ /sa bon dam tshig yin par bshad/ /oM AHhU~M/ oM na mo bud+d+ha d+harma saM g+he b+h+yaH/ sangs rgyas kun gyis mngon par bstod/ /be con rnams ni thams cad kyang / /rang gi dam tshig bskul bar ldan/ /thams cad rang gi dam tshig ldan/ /
 de bzhin gshegs pa'i rigs las byung / /bskul ba tshig ni rab ldan zhing / /khro bo'i lta bas brtags pa dang / /rang rang rtags kyi bskul na ni/ /de ma thag tu las byed 'gyur/ /AH'di khro bo rnam rgyal gyi/ /khro bo'i lta bas bltas pa'o/ /rang gis dam
 tshig dang ldan pa/ /hU~M dang ldan pa bskul ba bzhin/ /zhi ba rgyas pa dbang dang dgug /dbye ba dang ni bskrad pa rnams/ /gsang ba'i mchod pa'i sbyor ba yi/ /bdag gis mdor ni bshad par bya/ /de yi thog mar yi ge oM/ /de las gzhan pa sngags 'phel
 byed/ /de bzhin gshegs pa'i dam tshig nyid/ /gsum pa yin par yongs su bsgrags/ /bzhi pa dngos grub ster bya'i phyir/ /'dir ni sngags la bskul ba'i tshig /oM sarba ta tA ga ta zhes brjod pa sngags kyi bdag nyid do/ /mjug gi hU~M ni khro bo yi/ /
 sngags ni 'phel bar byed par bshad/ /de las gzhan ni khyad par du/ /rang gis bskul ba'i tshig gis byed/ /dbang du bya bar 'dod pas ni/ /rang gi ngo bo smos par bya/ /lha dbang dbang du byos shig ces/ /brjod nas tha mar swA hA sbyar/ /zhi bas phyir ni bskul ba
 nyid/ /mjug tu pau ShaT brtag par bya/ /de bzhin gshegs rigs las byung ba'i/ /dpal ni mtshungs med 'dod pa yis/ /bskul ba'i tshig gis mjug tu yang / /namaHswA hA rtag tu sbyar/ /rgyas pa'i phyir ni sngon bzhin du/ /bskul nas pau ShaT sbyar bar bya/ /
 rgyas phyir bskul ba'i thog ma dang / /tha mar khro bo'i hU~M yang sbyar/ /gsad pa la ni phaT ces pa/ /'bar ba 'di la lhag pa yin/ /rigs rnams brlag par bya ba la/ /hU~M dbus khro dang ldan pa'i phaT/ /de bzhin bskrad dang bskul ba yi/ /mgo dang mjug tu hU~M
 gzhag go/ /yang dag 'bar ba'i phaT kyang gzhag /gsang ba'i mchod pa'i cho gar grags/ /de ltar mchod pa'i rim pa der/ /be con dgu ni byas par 'gyur/ /gsang ba'i mchod pa'i sbyor ba yis/ /bdug pa me tog de bzhin dri/ /de bzhin gtor ma mar me dang / /
 bzlas pa med kyang 'grub par 'gyur/ /dbang du bya dang dbye ba dang / /bskrad dang gsad la sogs pa ni/ /ji skad gsungs pa'i tshul dag dang / /de ltar sbyor ba de 'dra las/ /tshes grangs dag dang skar ma dang / /smyung ba dag kyang bya mi dgos/ /gsang ba'i
 mchod pa'i cho ga shes/ /phyag rgya'i dkyil 'khor legs byas la/ /khrus byas khrus ni ma byas rung / /ji ltar 'dod pa rang dgar spyod/ /ci yang rung ba'i gtor ma dang / /lo ma me tog 'bras bus kyang / /gang dag gshin rje gshed po yi/ /snying po phyag rgya mchod
 byed la/ /byang chub sems dang ldan 'gyur zhing / /rab tu gus na zla drug gis/ /de ni ci 'dod dgos pa rnyed/ /ji ltar 'dod pa'i las kyang byed/ /'jam dpal gyi rtsa ba'i cho ga zhib mo khro bo rnam par rgyal ba las be con gyi phyag rgya'i dkyil 'khor gsang ba'i mchod pa rim
 par phye ba ste bzhi pa'o/ / //de nas be con phyag rgya yi/ /ji skad gsungs pa de dag bsgrub/ /de yi dkyil 'khor gnyis pa'ang gzhan/ /dkyil na zhes bya ba/ /bsgrub pas mtshan mo dur khrod du/ /dur khrod dag gi thal ba yis/ /gru bzhi pa la sgo
 bzhi bri/ /mi ro'i ro smad dag dang ldan/ /bla re rnga yab me long dril/ /me tog phreng bas mdzes par bya/ /lha rdzas mang po dngar/ /thod pa brgyad kyis rnam par spras/ /phyis ni be con phyag rgya yang / /mgo med ro yi steng du bri/ /dkyil na zhes bya ba'i/ /
 thams cad grub byed dkyil 'khor 'di/ /khro bo'i gtso bo'i phyag rgya yis/ /mchod pa ji skad gsungs pa bya/ /sme gtor thams cad byin nas ni/ /gtsang ma go cha bgos nas kyang / /'bum phrag gcig ni sngar bsnyen pa/ /byas nas 'di ni brtsam par bya/ /phyugs chen
 dag gi khrag gis kyang / /shis pa'i thod pa bkang nas kyang / /de bzhin mi las byung ba'i sha/ /phyag rgya la ni dbul bar bya/ /phyugs chen gyi ni tshil bu las/ /mar me 'bar ba byas pa dag /de yi phyi rol phyogs brgyad du/ /sngags bsrung de
 la dbul bar bya/ /cho ga shes pas de lta bur/ /byas nas mjug la bsgrub par bya/ /dpal ldan gos ni dmar po gyon/ /tsan+dan dmar pos bskus nas ni/ /cung zad dag kyang mi byed par/ /mar gyi brgyad la gcig pus bya/ /dpa' la sems drag mthu ldan
 pa'i/ /grogs ni gsum dang lhan cig tu/ /sgrub pa blo ldan sems stobs can/ /dbang po legs par bsdams pa yis/ /kyi ni dkyil 'khor du/ /sgrub pa la ni 'jug par 'gyur/ /de nas mtshan mo rgya bcings te/ /brtan par 'dug la legs par bzlas/ /
 bgegs rnams sna tshogs mtshan gcig tu/ /'byung ste de las rgyal bar bya/ /de ltar srin po'i tshogs chen las/ /rgyal nas phyag rgya 'grub par 'gyur/ /mi 'grub pa yi las rnams kyang / /de nas thogs pa med par byed/ /'jam pa'i dbyangs kyi khro bo yis/ /bskul
 nas 'dir ni dogs pa med/ /ha na bi s+pho Ta bany+dza bany+dza zhes/ /bskul ba'i tha mar hU~M brjod cing / /g.yon brkyang ba yi tshul gnas nas/ /khros pas ri rtse bgrod dka' dang / /ra ba yang thog sgo khang dang / /pu shu khang pa dngar ba dag /skad cig gis ni rnyil bar byed/ /d+ha
 ra bi s+pho Ta bany+dza zhes/ /bskul ba'i mjug tu hU~M brjod na/ /ri bo dang ni mang po dang / /de bzhin lha min sgo dag dang / /de bzhin sa dang gzhan dag dang / /ji ltar 'dod pa 'gas par byed/ /pa tsa bi d+h+wanasaM sho zhes/ /bskul nas tha mar hU~M brjod na/ /phyag rgya 'di yis chu
 rnams ni/ /thogs pa med par skam par byed/ /mtsho chen dang ni chu bo dang / /rgya mtsho dag kyang skam par byed/ /stam b+ha ya zhes lan gnyis brjod/ /tha mar hU~M dang de bzhin mu/ /de nas de yi mjug tu hU~M/ /se na stam b+ha zhes sbyar na/ /pa tsa bi d+h+wa nas ya sho Sha ya sho Sha ya da hU~M
 phaT/ ri mo la ni gnas pa bzhin/ /nges par myur du gnon par 'gyur/ /tha mar hU~M bzhag de nas driM/ /k+She b+ha ya zhes lan gnyis brjod/ /de yi tha mar yi ge ma/ /mkhas pa dag gis sbyor ba ni/ /dpung rnams 'khrug pa 'gyur ba la/ /khros na ngo mtshar ci zhig che/ /tha mar hU~M
 dang ga gzhag la/ /de nas tiSh+Tha tiSh+Tha gzhag /sngags pas gal te sbyar na ni/ /cho ga 'di ni glang po gnon/ /ha na bi d+h+wa~M sa mar ya/ /bskul nas tha mar hU~M brjod cing / /de bzhin tha mar phaT brjod na/ /dpung dag rab tu 'chi bar 'gyur/ /kha kha khA hi khA hi zhes/ /bskul
 nas tha mar hU~M brjod na/ /dpung rnams phan tshun 'khrug par ni/ /thogs pa med par rab tu 'gyur/ /tha mar hU~M dang de bzhin phaT/ /driM driM dza dza driM driM dag /nges pa dag tu sbyar na ni/ /sngags pa khro dang ldan pa yi/ /khrag gis char 'bab byed par gsungs/ /tha mar hU~M brjod ha
 ha hA hA bai tAli hU~M phaT/ ces bdag gis bya/ sngags pa dpa' dang ldan pa yis/ /bskul nas myur du rmongs par 'gyur/ /tha mar hU~M brjod ha ha ha/ /de bzhin an+ta ya dang phaT/ /bskul ba 'di dag dang ldan na/ /'gro bdag ni ldongs par byed/ /tha mar hU~M brjod de nas hU~M/ /
 de bzhin driM driM dza dza gzhag /tha mar dring dang phaT ldan na/ /'gro ba de ma thag tu 'bebs/ /khro bo chen po 'di yi ni/ /phyag rgya de ltar grub gyur na/ /de tshe las rnams thams cad ni/ /yid kyis bskul ba tsam gyis byed/ /byang chub sems dpa' thams cad/ /dam tshig rab tu skong
 ba yin/ /sgrub pa gang dang gang 'dod pa/ /de ni thogs pa med par byed/ /gal te der ni ma grub na/ /'di yi sngon du bsnyen pa ni/ /cho ga bzhin du 'bum byas la/ /de nas blo ldan bsgrub la 'jug /de tshe de bzhin gshegs pa yi/ /snga ma'i dam tshig bskul ba bzhin/ /
 de nas slar yang sngags rnams la/ /thogs pa med par de bzhin sbyar/ /phyag 'tshal ba dang kun tu ldan/ /de yi thog mar oM gzhag la/ /oM zhes bya ba gzhan yang gzhag /AHzhes bya ba gnyis pa'o/ /de yi tshig gi mjug tu hU~M/ /bzhag ste de nas tshig rnams kun/ /de ltar
 kro d+ha bi dza ya/ /ag+ni dz+wa li dzi hwa ta shrI/ /tshig rnams gzhan ni brjod par bya/ /de nas de yi tha mar hU~M/ /de bzhin tshig gi tha mar oM/ /mtha' mar A bzhag de yi mthar/ /hU~M dang si Ti lag gnyis sgom/ /pra pu ta zhes lag gnyis sgom/ /de nas de bzhin
 gshegs pa yi/ /bka' lung gis ni phyag rgya de/ /gzir nas rang gis bzlas brjod bya/ /de ltar bzlas brjod 'bum byas nas/ /khro bo chen po de yi ni/ /kun la ci rigs bskul nas su/ /las rnams thams cad bsgrub par bya/ /khro bo gtso bo'i de yi ni/ /bka' bzhin byed
 de gzhan du min/ /gang gis sngon du bsnyen byas pa/ /de yi bskul ba'i cho ga ni/ /ji skad gsungs pa'i las rnams la/ /ma grub na ni nges par sbyar/ /gzhan du sngags ni gzir byas na/ /bdag nyid nges par 'chi bar 'gyur/ /khyad par du ni dpa' bo yi/ /khro bo'i gtso bo'i
 snying po ni/ /phyag rgya 'dis ni gzir byas na/ /'gro ba ma lus 'khrug par 'gyur/ /sngags 'di gang du bzlas pa der/ /'jig rten 'jig rten las 'das pa/ /de dag kun gyi lus rnams ni/ /dogs pa med par 'jig par 'gyur/ /phyag rgya 'di yis gzir gyur na/ /dpag
 tshad bdun gyi dkyil 'khor na/ /gzhan gyi sngags rnams gang yod dang / /dgra rnams dregs pa med par byed/ /'byung po skrag par byed pa dang / /de bzhin lha rnams 'gugs par byed/ /khro bo rab tu dga' bar byed/ /gshin rje gshed po'i mthu yang bskyed/ /
 ro langs rigs dag ni/ /de bzhin rab tu 'jigs par gsungs/ /byad dang gnod pa skrag pa yang / /rab tu bskul na 'jigs par byed/ /bgegs rnams thams cad 'jigs par byed/ /'chi ba thams cad med par byed/ /phongs pa thams cad med byed la/ /be con
 phyag rgya drag por bsgrags/ /dgra dang de bzhin gzhan dag kyang / /skye bo dag la 'di bcings bstan/ /gshin rje gshed po sbyar na ni/ /de yi mod la srog kyang 'phrog /mdor na snying po phyag rgya yi/ /cho ga rang gi dam tshig can/ /khro bo'i zhal nas gsungs pa 'di/ /
 gsang bar rab tu bstan pa yin/ /sngags pa khro bo'i gtso bo ni/ /gshin rje gshed po gcig dpa' ba'i/ /snying po phyag rgya be con dang / /snying po dag gis sbyar bar bya/ /'jam dpal gyi rtsa ba'i cho ga zhib mo khro bo rnam par rgyal ba las be con gyi phyag rgya'i cho ga zhib mo
 rim par phye ba ste lnga pa'o/ / //de nas yi ge bcu bdun pa'i/ /rtsa ba'i sngags ni gang yin pa/ /de yi phyag rgya gzhan dag kyang / /ro langs zhes ni bya ba yod/ /gshin rje gshed po drag brtson pa'i/ /snying ni dga' byed gsang ba'o/ /sngags pa dag gis gang
 dag tu/ /bcings pa der ni byin rlob pa/ /ro langs zhes bya'i phyag rgya 'di/ /khro bos gsungs pa bshad par bya/ /dur khrod dag gis thams cad ni/ /gang la rtag tu rag lus pa'o/ /de nas lag pa gnyis ka yi/ /sor mo phan tshun bsnol byas te/ /sor mo gung mo
 gshibs te bsgreng / /mdzub mo gnyis kyis srin lag gnyis/ /mthe bong gnyis kyis srin lag gnyis/ /legs par bzung nas dgug par bya/ /mthe'u chung gnyis kyang nang du dgug /de bzhin du ni mthe bong gnyis/ /phan tshun bsnol te brkyang bar bya/ /shes rab
 can gyis ro langs 'di/ /rtag tu tshul bzhin khro bos bstan/ /khro bo gtso bo'i gsang sngags gang / /yi ge bcu bdun legs gsungs pa/ /de nyid 'di dang sbyar bar bya/ /ro langs phyag rgya ldan pa ste/ /bdag nyid 'dod pa thams cad de/ /ha har gyur pa'i dkyil 'khor
 du/ /cho ga bzhin du sbyar bar bya/ /ha har gyur pa'i dkyil 'khor ni/ /khro bo 'bar byed bshad par bya/ /tshig bzhin du ni sbyar bar bya/ /phal chen bshad pa bzhin/ /'di yang gru bzhi lham par bya/ /khyad par dag tu phyogs kun tu/ /mkhas pas me ni sbar bar
 bya/ /khru brgyad lhag chad med par ni/ /cho ga bzhin du bri bar bya/ /sgo sgo dag tu gsal shing gis/ /phug pa'i khrag can gzhag /dbus su mgo dang bral ba yi/ /mi ro ro smad gsal bar gzhag /phal chen dkyil 'khor bzhin/ /tha mar
 phreng ba dgod/ /khro bo yi ni gtso bo'i sngags/ /mtshog ma spyi gtsug la sogs med/ /yi ge bcu bdun blo ldan gyis/ /mgo med ro yi steng du gzhag /zhal drug pa la zhabs kyang drug /de bzhin phyag ni bcu gnyis pa/ /rab tu 'bar ba drag po'i gzugs/ /
 snga ma bzhin du gzhag par bya/ /mang po sbyar ba ni/ /snga ma bzhin du bzhag nas kyang / /me tog bdug pa phreng la sogs/ /sngags des de la mchod par bya/ /'dir ni gtor ma sha chen du/ /gsungs pas gzhan gyis mi bya'o/ /khrag gis gtor ma'i cho ga dang / /de
 bzhin bdug pa kun sme ba'i/ /de nas dpal ldan rig 'dzin gyis/ /ro langs phyag rgya bcings nas ni/ /gtor ma me tog dbul la sogs/ /rnam pa kun tu khro bos bya/ /dkyil 'khor gyi ni khor yug gi/ /phyogs brgyad dag tu mar me dgod/ /dur khrod dag gi mgal
 dum mam/ /yang na gsal shing dag gis bud/ /seng ldeng dag gi gzar bu yis/ /tshil chen dag la lan bdun du/ /lho phyogs me la bsregs nas ni/ /de nas khro bo bsgrub par bya/ /de la mngon du bsnyen pa dang / /bzlas pa dang ni bsdams pa'ang med/ /rig 'dzin nyid
 kyi sems stobs nyid/ /'di yi rgyur ni shes par bya/ /lho phyogs sgor ni nan tan du/ /rma med pa yi ro bzhag ste/ /snying gar ro langs rgya gzhag la/ /de la rab tu bskor bar bya/ /de nas khro bo chen po yis/ /shin tu bkrus shing legs par brgyan/ /dri dang me tog dmar sngon
 gyis/ /legs pa dag tu mchod nas kyang / /mkhas pas ro langs phyag rgya yis/ /thog mar bdag nyid bsrung bar bya/ /gshin rje gshed byed yan lag lnga/ /de bzhin lus la sbyar bar bya/ /dpa' bo mthu chen bdag nyid kyis/ /ral gri lag par blangs nas ni/ /dpa'
 bo'i rkang pa g.yon pa yis/ /de yi snying gar man nas ni/ /khro bo yi ni gtso bo yi/ /yi ge bcu bdun sngags bzlas so/ /oM A kro d+hi ka ya man+ta ka /ha nam tha b+hany+dza hU~M phaT/ 'di ni rtsa ba'i sngags yi ge 'bru bcu bdun pa'o/ /de'i sngags drag pos bskul ba dang / /
 de ni g.yo bar 'gyur/ /ha har gyur pa 'khrugs pa dang / /de bzhin ha ha'i sgra yang 'byin/ /de nas bdag gis langs pa la/ /mtshon cha rnon po 'bar ba yis/ /bcad pa'i sha dang khrag bcas pa'i/ /mchod yon de la dbul bar bya/ /rig pa 'dzin pa de yi ni/ /sems
 kyi drod ni de shes nas/ /mchod yon blangs te dkyil 'khor ni/ /ha har gyur pa 'jigs par byed/ /de nas bdag nyid chen po de/ /'jigs su rung ba'i gzugs mthong nas/ /gshin rje'i gshed po dpa' bo yi/ /ro langs phyag rgya bstan par bya/ /de nas gshin
 rje'i gshed po ni/ /lus la gnas pa des/ /ro langs nyid kyi rgya mthong nas/ /rig pa 'dzin pa de yi ni/ /sems drod rig nas 'dod pa'i mchog /sbyin par byed la gdon mi za/ /khro bo'i rgyal po slar gshegs nas/ /mi ro sa la 'gyel bar 'gyur/ /de yi lus
 ni de nyid kyang / /gser du 'gyur ba gdon mi za/ /de tshe grogs po rnams dang yang / /sems can rnams la ci bder sbyin/ /bdag nyid chen po dpa' bo yi/ /bsgrub pa bshad pa 'di yin te/ /sems ni rab tu dpa' bas bya'i/ /ngan song gzhan gyis yong mi bya/ /sems
 zhan pa yi sgrub pa pos/ /khro bo'i rgyal po de bsgrubs na/ /de nas langs nas myur bar ni/ /grogs dang bcas pa gsod par 'gyur/ /ro langs phyag rgya mi shes na/ /des ni ci ltar drag 'gyur kyang / /khro bo'i rgyal po de yi ni/ /sgrub pa po ni gsad par 'gyur/ /rig
 'dzin mchog gis gang dag tu/ /de bzhin gshegs pa'i dam tshig gis/ /brgyan cing khro bo bskul ba yis/ /ro langs phyag rgya bcings pa der/ /gdon mi za bar khro bo ni/ /legs par byin gyis rlob par 'gyur/ /myur du mchog kyang stsol bar mdzad/ /'gro
 bar gyur pa gdon mi za/ /oM na mo bun+d+ha d+harma saM g+he b+h+yaH/ A kro d+hi ka ya mAn+ta ka ha nam tha b+hany+dza hU~M be thA bi rak+Sha ra k+Sha mAn ta thA ga to A dz+hA pa ya ti swAhA/ de bzhin gshegs pa'i dam tshig gi bkas brgyan pa/ ro langs kyi khro bo'i phyag rgya'i sngags so/ /ha har gyur pa'i dkyil
 'khor du/ /ro langs phyag rgya rang sngags dang / /ldan na myur du khro bo ni/ /nges par byin gyis rlob par mdzad/ /dpa' bo dag gi sbyor bar ni/ /sngar bsnyen la sogs byed na yang / /sgrub pa por ni 'dod pa bzhin/ /khro bo nges par myur du 'grub/ /
 yang na ro langs phyag rgya 'di/ /skyes bu sems ni mi dpa' bas/ /ha har gyur pa'i dkyil 'khor du/ /bdag nyid kyis ni dam tshig gis/ /mkhas pas bzung nas bzlas par bya/ /'di nyid kyis kyang dbang bskur nas/ /ci ltar nus pas gang du'ang rung / /khro bo mchog gis ri
 mo'am/ /dkyil 'khor cho ga bzhin byas pa'am/ /de bzhin sku gzugs gzhan yang rung / /yid dang dbang po bsdams byas te/ /thog mar tshig 'bum bzlas par bya/ /de ltar sngon du bsnyen pa ni/ /ci ltar 'dod par byas nas gdod/ /phyi nas smyung ba byas nas de/ /ro langs
 phyag rgya bsgrub la 'jug / ha har gyur pa'i dkyil 'khor ni/ /cho ga bzhin du dur khrod bri/ /yang na sems ni mi dpa' bas/ /dur khrod thal bas khyim du bri/ /khyim de stong pa yin yang rung / /gal te khyim de mi stong na/ /ha har gyur pa mthong ba dang / /zhag bdun lon ma thag
 tu 'jig / de nas mang po las/ /gsang ba'i mchod pa ci rigs byas/ /de nas lho phyogs sgor 'dug ste/ /byang gi phyogs su kha bltas la/ /rang gi dam tshig las gsungs pa'i/ /ro langs phyag rgya bcings te bzlas/ /zla ba mar gyi tshes brgyad la/ /blo ldan
 cho ga shes pa yis/ /mtshan ma bstan cing 'dug nas ni/ /nyi ma shar gyi bar du bzlas/ /de nas khro bos dgongs pa yis/ /ro langs lha mo 'grub par 'gyur/ /khro bo lha yi sngags dag dang / /bskul ba'i tshig ni mchog rnams kyis/ /ji skad gsungs pa'i las rnams
 ni/ /thams cad de nas byed par 'gyur/ /be con zhes bya phyag rgya la'ang / /de dag nyid la myur du sbyar/ /sbyar na dogs pa med par yang / /'di ni de dag byed par 'gyur/ /ro langs phyag rgya sgrub pa bri/ /sngags pa rnams la 'dir gsungs so/ /de ni zhan pa'i sems
 rnams kyis/ /sgrub pa dag ni gsum pa 'byung / /cho ga bzhin du sngar bshad pa'i/ /mang po de tshe bri/ /gang yang rung bar ci rigs par/ /sngags de rnams kyis sbyar bar bya/ /de nas mang po yis/ /dkyil 'khor blta na sdug pa 'di/ /khyim
 mam yang na gzhan yang rung / /der ni dkyil 'khor bri nas ni/ /de dbus spyi bo la/ /ro langs ma ni 'dir bzhag go/ /khro bo yi ge gzi bskyed pa/ /zhi zhing kun du dga' byed pa/ /ro langs snying po'i phyag rgya ni/ /bcings nas de la sbyar bar bya/ /de
 nas ro langs phyag rgya yis/ /gsang ba'i yi ge bcu gsum pa'o/ /zhi ba gzhan yang shes byas nas/ /ci ltar 'dod par bzlas par bya/ /oM A hU~M bai tA li rak+Sha ra k+Sha mAM swA hA/ ro langs phyag rgya'i snying po 'di/ /gang yang rung bar ci 'dod par/ /bcur bsgyur ba yi rnam
 grangs su/ /cho ga bzhin du bzlas nas ni/ /rmad du byung ba'i las rnams kyang / /yid kyis bsam pas byed par 'gyur/ /gsang bas rig sngags dam pa 'di/ /las rnams thams cad byed pa'o/ /de nas da ni 'di yi las/ /khro bo'i rgyal po nyid kyis kyang / /cho ga zhib
 las gang gsungs pa/ /de dag mdor ni bshad par bya/ /rmugs dang gnad dang rmongs pa dang / /de bzhin dbab pa'i cho ga dang / /dbang du bya dang byed pa dang / /gsad pa dang ni bskrad pa dang / /phan tshun 'thab cing gsod pa dang / /de bzhin gzhan yang mig 'phrul dang / /zhi dang
 rgyas par sbyor ba dang / /de bzhin dga' bar byed pa dang / /'gugs par byed pa'i cho ga yang / /mdor bsdus nas ni bshad par bya/ /ro langs phyag rgya las sgrub phyir/ /cho ga bzhin du sngar bsnyen byas/ /so so'i don rnams bsgrub pa'i phyir/ /cho ga 'di ni rnam par brtsam/ /rma
 bya'i mjug ma'i sgro dag gi/ mdongs brgya bam por sbams nas kyang / /seng ldeng yu ba 'phan med pa/ /bzang po khru gang tshad la ni/ /bu mos bkal ba'i skud pa yis/ /mkhas pa dag gis bcing bar bya/ /yu ba de yi rtsa ba la'ang / /mchod rten bzang po legs par bya/ /gro ga la
 ni gi'u wang gis/ /khro bos mthar byas ro langs bri/ /mkhas pas mchod rten 'og tu gzhag /de nas zla ba gzas zin pa'i/ /nub mo phal chen gyi/ /dkyil 'khor mtsho 'gram bris nas bzlas/ /de nas grub phyir sngags pa yis/ /mjug ma de la yid
 gtad nas/ /lag pa g.yon pas bzung nas ni/ /zla ba de la blta zhing bzlas/ /sems ni bdud kyis ma 'khrugs pa'i/ /sems dpa' chen po kha cig la/ /drod dang dud 'thul 'bar ba dag /mjug ma de las 'byung bar 'gyur/ /dro bar gyur pa mthong na ni/ /byang chub sems
 dpa' 'dra ba yis/ /sems can rnams ni thams cad la/ /des ni phan 'dogs gnod pa nus/ /mjug ma bzang po de las ni/ /du ba 'byung ba mthong na yang / /myur du mi snang bar yang 'gyur/ /'dod pa'i gzugs can yid mgyogs bzhin/ /rgas pa dang ni 'chi ba med/ /
 gnod sbyin rnams ni yongs su bskor/ /sems can chen po de yi gzis/ /gal te de ni 'bar 'gyur na/ /rig 'dzin dpal dang ldan par 'gyur/ /nam mkha' la ni myur du 'gro/ /bde ba kun dang ldan pa yis/ /rig 'dzin rnams kyi mchog tu 'gyur/ /gal te zla ba gzas
 btang la/ /de tshe grub par ma gyur na'ang / /mjug ma lan cig bskor ba yis/ /dpung rnams gnon pa'i dngos grub dang / /gang yang rung ba gcig kyang gnon/ /myos pas dregs pa'i glang po dang / /stag dang seng ge wa rnams dang / /rta dang shing rta bya rnams dang / /gru dang gru
 chen bzhon pa rnams/ /bskor na thams cad gnon par byed/ /mnan pa dag las thar bar yang / /mjug ma 'dis ni gdon mi za/ /de nas gzhan yang ro langs kyis/ /rmugs par bya ba gsang bar bshad/ /de nas tshil chen blangs nas ni/ /de yang thod pa'i nang du gzhag /
 e shwa ma ra dmar po yi/ /shing bal 'jam po'i snying po bya/ /gdol pa'i me yis 'bar byas na/ /nyi ma zla ba gzas zin tshe/ /thod pa'i dud pa blangs nas ni/ /zla ba'am yang na nyi ma dag /btang ba'i bar du bzlas par bya/ /yang na arga'i shing bal las/ /de yi 'og tu lcags
 thur gyis/ /mig gnyis dag ni bsku bar bya/ /de ltar mig gnyis bskus pa yis/ /gang dag bltas pa de dag ni/ /rmugs par 'gyur bar gdon mi za/ /de nas gdong bkrus bltas na ni/ /slar yang de las thar bar 'gyur/ /de nas gzhan yang rmongs pa ni/ /rmongs
 par byed pa mchog bshad do/ /arga gcig gi rtsa ba dang / /ga na ka yi rtsa ba dang / /a shwa ma ra ru rta dang / /mo ha ni yi rtsa ba dang / /ma hA na la'i rtsa ba dang / /sha ra bu kar ldan byas shing / /me tog rnying par ldan/ /mdun so dag dang ldan byas te/ /skyes pa dag
 gam bud med/ /gsang ba'i pags pa dang ldan pa/ /bu mo 'dod pa ma spyad pas/ /mar gyi brgyad la legs par btab/ /phyis ni bud med khrag dag dang / /bong bu'i khu bas sbru bar bya/ /dur khrod thal ba dang sbyar te/ /de nas mar gyi tshes brgyad la/ /thog mar
 mang bris nas/ /rig pa 'dzin pas mtshan mo bzlas/ /stong rtsa brgyad ni legs bzlas nas/ /de nas rdzas ni grub par 'gyur/ /rmongs par byed pa'i phye ma 'di/ /sems can kun la sbyar na ni/ /de nas rmongs pa byed par 'gyur/ /'di la the tshom mi bya'o/ /'thab mo dang
 ni rtsod pa dang / /rgyal po g.yul ngo chen po la/ /bdag gi phyogs ni bsrung ba'i phyir/ /sbyor ba shes pas 'di bskul ba'i/ /ba dan dag kyang bsgreng na ni/ /dgra rnams kun tu rmongs par 'gyur/ /phye ma 'di yis reg na ni/ /de ma thag tu mi rnams rmongs/ /tshur zhugs
 na ni thar bar 'gyur/ /nges par gzhan du ma yin no/ /de nas gzhan yang dbab pa yi/ /cho ga'i mchog ni bshad par bya/ /ci nas 'byung po thams cad ni/ /mod la 'bab par 'gyur ba'o/ /stag gi pags pa dang ldan par/ /sbrul gyi shun pa btags na ni/ /dug dang
 yung ba'i rtsa ba dang / /mo ha na dang ma la ti/ /ra yi gcin las btags nas ni/ /de nas de dag ril bur bya/ /tsa na ka yi 'bru tshad la/ /bdun nam brgyad dam dgu 'am yang / /gzhan yang ri bong khrag dag dang / /gur gum las su btags nas su/ /bdun nam brgyad dam dgu
 dag tu/ /ril bu snga ma bzhin du bya/ /de nas snga ma'i ril bu la/ /sngags pas thod pa'i snod du gzhag /mar gyi tshes brgyad mtshan mo ni/ /brgya rtsa brgyad du bzlas par bya/ /gur gum can ni a ri sta'i/ /snod ni gtsang mar gzhag par bya/ /de bzhin stong
 rtsa brgyad bzlas te/ /rtse mo rab tu sbyar bar bya/ /sngar ni legs par sbyar byas pa'i/ /ril bu tha mal bdug pa la/ /btab na myur du 'bab pa ni/ /ring por mi thogs gzhan du min/ /bsams nas myur du btang ba ni/ /de nas gur gum ril bus bya/ /de nas gzhan yang
 grub pa 'di/ /dbang du byed pa gang gis mchog /rig pa 'dzin pa'i yid las 'byung / /las kyis nges 'gyur bshad par bya/ /ra k+ta zhes ni 'dir grags pa/ /rtsa bar rak+ta mU li ka/ der blangs sha ra pu ka dang / /mi las byung ba'i mdun so dang / /tshub mas
 gtsubs pa'i shing lo ni/ /lding zhing lhag dang bcas pa dag /gzhon nu mas ni mtshan mo btag /phye ma mchog de lan bdun du/ /bdag gi khu bas sbru bar bya/ /de nas bdag gis sbyar ba de/ /pad+mo snying po la bzhag la/ /gtsang mas mar gyi tshes brgyad la/ /blo
 ldan lag pas bzung nas ni/ /sngags kyis stong du gdab par bya/ /phye ma'i rgyal po dbang byed pa/ /de nas dngos grub thob par 'gyur/ /bza' ba'am btung ba dag la sbyin/ /yang na phye ma gdab par bya/ /yang na rlung gi phyogs su btang / /yang na gos la lan
 cig gdab/ /yang na byug pa'am so yi rtsi/ /gang yang rung bar sbyar na ni/ /de la 'di ni lan cig gis/ /myos shing dregs pa'i dgra dag ni/ /rgyang nas kyang ni dbang du 'gyur/ /bran bzhin du ni legs par byed/ /phye ma 'di yis rig pa ni/ /shi na'ang rjes su 'brang bar
 'gyur/ /gal te rgyang ni ring po nas/ /phye mas reg par mi 'gyur na/ /de yi gzugs brnyan byas nas ni/ /phye ma 'di yis gdab par bya/ /zhag bdun gyis ni rig 'dzin gyi/ /ming ni de yi thos nas kyang / /bdag dang rang ni nor bcas pa/ /gdon mi za bar dbang du 'gyur/ /de
 nas sbyor ba 'ba' zhig gis/ /'khon pa'i las dag bshad par bya/ /rma bya'i mdongs ni bzang po dang / /de bzhin sbrul gyi shun pa dang / /rta dang ma he'i spu dag dang / /ka na ka yi sa bon dang / /a shwa ma ra 'i me tog dang / /de bzhin glang po'i pi pi ling / /'di
 rnams thams cad mnyam byas te/ /byi ba byi la'i khrag las btab/ /bdag gis ril bu mnyam par bya/ /byas nas cho ga shes pa yis/ /mtshan mo stong rtsa brgyad du bzlas/ /byi ba dang ni byi la yi/ /spu yi bdug pas bdug par bya/ /de nas sbyor ba shes pa yis/ /
 de las ril bu gcig blangs nas/ /gang dag dbye bar bya ba ni/ /de dag gcig gis spyi bo la/ /ril bu'am yang na phye ma dag /dbye bar bya ba'i phyir gdab bo/ /dbye bar byed pa'i mchog 'di ni/ /khro bo nyid kyis gsungs pa'o/ /de nas 'di ni gsad bya ba/ /sbyor
 ba'i tshul bzhin legs sbyor na/ /dogs pa med par 'grub 'gyur ba/ /gsod byed mchog ni bshad par bya/ /mi dbang rnam pa du ma yis/ /dkon mchog gsum la gnod byed pa/ /de la sbyor ba 'di sbyar gyi/ /ngan song gzhan la ma yin no/ /'di ni byang chub
 sems ldan la/ /grub par 'gyur gyi gzhan du min/ /de bzhin gshegs pa'i dam tshig 'di/ /dngos grub thams cad ster bas na/ /cho ga bzhin du legs par bsrung / /gzhan du byas na 'grub mi 'gyur/ /de bzhin gshegs pa'i dngos grub kun/ /'dod na
 srog chags phan 'dod pas/ /'og dang 'phur ba'i dngos grub kyang / /bshol ba med par bsgrub par bya/ /khro dang gtum pa'i spyod pa can/ /'dod phyir gsod par 'dod de la/ /de bzhin gshegs pa'i dngos grub dag /rmi lam du yang ga la 'byung / /snying brtse
 bzod dang de bzhin byams/ /rang bzhin gyis ni snying rje can/ /ji skad bstan pa'i sngags pa ni/ /byang chub sems nyid sems byed la/ /de bzhin gshegs pa'i dngos grub kun/ /gdon mi za bar de la 'grub/ /gdug pa rnams ni 'dul ba'i phyir/ /sbyor ba
 'di ni kun tu gsungs/ /dkon mchog gsum la cher gnod la/ /bya bar bshad kyis gzhan du min/ /sems gdug bsgrub par bya ba yis/ /rkang pa'i rjes kyis blangs la/ /de nas gtsang ma'i ma he yi/ /gcin gyis de ni sbrus nas kyang / /de yis
 gzugs brnyan byas nas ni/ /dur khrod thal bas bsku bar bya/ /sol ba tsher ma rnon po dang / /de bzhin rus pa phub ma dag /de yi snying gar gdab par bya/ /de bzhin gzhan yang lto ba dang / /rna ba sna dang mig dang kha/ /rab tu bkang nas g.yang sar bzhag /rkang pa
 g.yon pas mnan par bya/ /de nas ro langs zhi ba'i sngags/ /phyin ci log tu bzlog ste bzlas/ /bsgrub par bya ba'i ming smos nas/ /sgrub pa stong rtsa brgyad bzlas la/ /bzlog pa'i rim pa 'di nyid kyis/ /phaT gnyis dag gi bar du gzhug /las 'di byas pas
 nges par ni/ /bsgrub par bya ba sbos gyur nas/ /nges par 'chi bdag dbang du 'gyur/ /blo dang ldan pas bsgrub bya yi/ /dregs pa de ltar bsal byas na/ /na ba kun gyis btab pa de/ /de nas slar yang thar bar bya/ /gzhan du byas na mod la ni/ /nges par 'chi
 bdag mdun du 'gro/ /dkon mchog gsum ni bsrung ba'i phyir/ /gnod par byed pa thams cad la/ /nad la sogs pa sbyar na yang / /'chi bar 'gyur ba 'di bshad do/ /dam tshig shes la mi bya ste/ /gal te byas na bdag nyid 'chi/ /bskrad par bya ba'i cho
 ga yang / /'jam dbyangs rab tu dpa' bo yi/ /khro bo nyid kyis ji skad du/ /gsungs pa da ni bshad par bya/ /seng ldeng las byas phur bu ni/ /sor brgyad tsam du byas pa la/ /yungs mar tsha bas byugs nas ni/ /dur khrod thal bas gdab par bya/ /
 de nas khwa ni rang shi ba'i/ /de yi pags pas dkri bar bya/ /sgrub pas nub mo phur bu de/ /skud pa dmar pos bcings nas ni/ /de nas ro langs phyag rgya ni/ /skrod cig pa yi tshig ldan pas/ /bsgrub par bya bas ming smos te/ /mkhas pas stong rtsa brgyad bzlas pa/ /
 de nas bskrad par 'dod pa yis/ /bsgrub par bya ba'i sgo kar ni/ /phur bu de ni gdab par bya/ /'di ni skrod pa'i mchog tu gsung / /'on kyang brgya byin stobs ldan pa'i/ /bsgrub par bya ba'ang bskrad par 'gyur/ /de nas gzhan yang gcig la gcig /'thab dang
 rtsod pa bshad par bya/ /dkon mchog gsum la gnod byed par/ /rig nas ci ltar 'dod pa ni/ /de dag rang gi phyogs 'khrugs par/ /sngags pas ji skad gsungs bzhin bya/ /ba ra he dang ri tsi ra/ /pa tra dang ni ke shi ni/ /de bzhin tha ma su ka ri/ /rdzogs pa'i
 byang chub bzhugs bzhugs pa/ /mthu chen sman ni 'di rnams las/ /gang yang rung ba gcig blangs te/ /lo ma rlung gis btab par sbyar/ /de bzhin ba la ka ta dang / /go snyod nag po ldong ros dag /'di dag btags te phye mar bya/ /mi yi tshil gyis sbrus nas su/ /
 ro langs stong rtsa brgyad du bzlas/ /nam langs pa ru gyur pa dang / /gdug pa 'khrug par byed ces bya/ /gang gis bsnams te de dag ni/ /rang gi phyogs rnams phan tshun 'khrug /gcig la gcig kyang 'thab par 'gyur/ /yul 'khor dang ni grong khyer dang / /dpung la gnod
 pa bya ba'i phyir/ /phan tshun gsod par bya ba la/ /gdug pa 'di ni sbyar bar bya/ /phan tshun 'thab cing gsod pa dag /ci rigs bstan pa 'di yin no/ /de nas gzhan yang mig 'phrul gyi/ /cho ga tshul bzhin bshad par bya/ /dur khrod dag gi thal ba yis/ /mig
 'phrul dngos po 'grub par 'gyur/ /mi thod bzang por thal ba dang / /ri bong dag gi khrag blugs te/ /phal chen dkyil 'khor gyi/ /ji skad gsungs pa bris pa bzhag /de yi nang du ro langs la/ /mchod pa chen po byas nas ni/ /der yang lho phyogs sgo dag tu/ /
 zhugs thab tu ni me bus te/ /de nas thal ba de la ni/ /mar gyis bdugs te sbyin sreg bya/ /de nas thal ba de la yang / /stong rtsa brgyad du bzlas byas te/ /stong rtsa brgyad po de nyid kyis/ /nam langs par ni nges par yang / /mkhas pas mig 'phrul rtsed mo rnams/ /thal ba des
 ni byed par 'gyur/ /me tog dkar la thal ba des/ /lan re dag tu bskus nas ni/ /nam mkhar gtor na nges par yang / /rdzogs pa'i sangs rgyas ston par 'gyur/ /thal ba de yis snga ma bzhin/ /me tog ser po la bskus te/ /de bzhin nam
 mkha' la gtor na/ /'dod chags bral ba stong dag dang / /nyid kyi gnas bcas sangs rgyas kun/ /ston par byed de gzhan du min/ /me tog dkar pos 'jig rten pa'i/ /lha rnams kyang ni snga ma bzhin/ /gang dang gang gi 'dod pa dag /yid la bsam pas
 ston par byed/ /me tog sngon pos de bzhin du/ /gnod sbyin srin po snga ma bzhin/ /mkha' 'gro grul bum dang / /yang na gang dang gang 'dod pa'o/ /chu las lan bdun bzlas pa ni/ /gyen du gtor nas nges par yang / /mig 'phrul slar yang
 bsdu bar bya/ /yang na khu tshur bcangs pas so/ /khwa yi sgro bdun mi rus kyi/ /yu ba dag la bcings nas su/ /de la thal ba de bskus te/ /mig 'phrul bsam la ci 'dod par/ /tshogs kyi nang du bskor nas ni/ /mtsho dang rgya mtsho rgal ba dang / /de bzhin
 khang pa li ba dang / /g.yul dang 'khrug cing 'chi ba dang / /ltad mo chen po mchog rnams ni/ /rab tu sbyar ba ston par 'gyur/ /khu tshur bcangs pas de bzhin sdud/ /sa yi 'og kyang ston pa dang / /'gro ba mang po 'dus pa dang / /gyen du 'gro dang de bzhin
 'khrug / rang gi dpung dang rgya mtsho'ang 'khrug /mjug ma de dang thal ba yis/ /gzhan yang gang dang gang 'dod pa/ /de dag nges par byed par 'gyur/ /khu tshur bcangs pas de bzhin sdud/ /de ltar mig 'phrul mdor bsdus pa/ /ji skad bshad pa de
 bzhin bya/ /ro langs de yi ngo bo nyid/ /zhi ba'i phyir ni tshul bzhin bzlas/ /bdag gam 'on te gzhan yang rung / /bsgrub bya zhi ba'i tshig smos te/ /stong rtsa brgyad du bzlas byas nas/ /me tog dkar po bzang po ni/ /bsung zhim yid du 'ong ba dag /tsan+dan
 dkar po'i chus btab nas/ /rgya mtshor 'gro ba'i chu nang du/ /zhugs nas re re la bzlas shing / /brgya rtsa brgyad ni dor bar bya/ /'on kyang bdag gam gzhan yang rung / /mtshungs pa med pa zhi bar 'gyur/ /rgyal po'i yul lam ljongs dag gam/ /grong ngam yang na grong
 khyer dag / zhi ba'i las de byas pa yis/ /zhi bar 'gyur ba gdon mi za/ /de nas rgyas pa'i las rnams kyang / /tshul bzhin du ni bshad par bya/ /mchod rten la mchod sna tshogs pa/ /byas nas de yi mdun 'dug ste/ /ro langs phyag rgya chen po ni/ /rdzogs
 sangs rgyas kyis mchod pa bzlas/ /gal te mchod rten ring bsrel can/ /yin na de ma thag tu 'gyur/ /bsgrub bya'i ming smos bzlas na ni/ /skyes pa bud med rgyas par 'gyur/ /dam chos mchod rten mdun du ni/ /cho ga bzhin du khri bzlas na/ /ci srid rgyas par
 'gyur gyi bar/ /de srid rgyas phyir rim gyis bzlas/ /de bzhin gshegs pa'i mchod pa dag /mkhas pas mchod rten kun la bya/ /ring bsrel can la cho ga bzhin/ /khyad par du ni bshad par bya/ /thog mar mchod rten drung du ni/ /mkhas pa dag
 gis dkyil 'khor bya/ /de nas der ni me tog dag /shin tu yid 'ong dgram par bya/ /me mar rab tu 'bar ba brgyad/ /mkhas pas de la dbul bar bya/ /shin tu yid 'ong chu dang bcas/ /sna tshogs pa yi bshos phul nas/ /gu gul bdug pa phul
 nas ni/ /byang chub sems dang ldan pa yis/ /de bzhin gshegs pa thams cad la/ /zhe sar bcas pas phyag byas nas/ /mchod rten la ni mngon phyogs te/ /zhi dang rgyas phyir bzlas par bya/ /dam pa'i chos kyang bklag pa dang / /dus dus
 su yang mchod rten bya/ /de ltar nyin mtshan phyed byas na/ /zhi ba dag dang rgyas par 'gyur/ /rgyas pa'i las ni bshad zin to/ /gzhan yang sgrub pa po la ni/ /'jig rten thams cad nges par yang / /dga' bar 'gyur ba bshad par bya/ /ji ltar ma la bu
 sdug pa/ /de 'dir de bzhin gzhan du min/ /mkhas pa yis ni gi'u wang dag /nges par bdag gi khrag dang sbyar/ /lan grangs mang du sbyar nas kyang / /mkhas pas de ni thod par gzhag /de nas zla ba gzas zin tshe/ /zla ba
 la ni mig bltas shing / /btang gi bar du legs par bzlas/ /nang par bdag gis dpral ba la/ /thig le gcig ni byas nas kyang / /de nas rgyal po'i 'khor du 'gro/ /'gro ba dbang byed sbyor ba 'di/ /mdor bsdus nas ni bshad pa ste/ /
 rgyu dang mi rgyu 'jig rten dag /mthong ba yis ni dga' bar 'gyur/ /'di ni 'jig rten pa rnams kun/ /dga' bar byed pa bstan pa yin/ /de nas dgug pa'i cho ga yang / /'jam dbyangs mgon po gcig pu yis/ /khro bo'i zhal nas gsungs
 pa dag / mdor bsdus nas ni bshad par bya/ /bud med bu mo shi skra las/ /mar gyi brgyad la nan tan du/ /zhags pa legs par bkal byas te/ /de nas thod pa'i nang du gzhug /de nas zla ba gzas zin par/ /'gyur ba'i bar du nyin re bzlas/ /
 zla ba gzas zin gyur pa dang / /chu 'gram gtsang ma dag tu yang / /der ni phal chen gyi/ /dkyil 'khor des bris mchod pa bya/ /khro bo'i gtso bos gsungs pa yis/ /ro langs khro bo ldan pa la/ /gtor ma rgya chen byas nas ni/ /de nas
 phyi rol 'byung po la'o/ /de nas de la lag gis mnan/ /mi thod nang du 'dug pa yi/ /zhags pa ci srid g.yo ba'i bar/ /zla ba la bltas bzlas brjod bya/ /de nas gyen du 'phar na ni/ /bsgrub pa la ni 'grub ces bya/ /de tshe zhags pa blangs nas ni/ /'jig
 rten lha rnams skad cig gis/ /bsams pas de yi drangs nas ni/ /de nas rig pa 'dzin pa yis/ /yid kyis bsams sam tshig gis kyang / /gang dang gang 'dod legs par byed/ /brgya byin la sogs lha rnams kyang / /de yi bka' bzhin nges par byed/ /skad cig
 gis ni nam mkha' las/ /rdzu 'phrul che dang ldan pa dang / /zhags pa des ni drangs nas su/ /'dod pa'i mchog ni rab tu dbul/ /gnod sbyin bu mo'am dri za mo/ /yang na lha yi bu mo dag /bdag gi drung du skad cig gis/ /zhags pa des ni drangs nas su/ /de nas
 rig pa 'dzin mchog gis/ /yid du 'ong ba'i las rnams byed/ /gal te bsgrubs na dman pa dag /'dod pas gdungs par gyur pa ni/ /de tshe zhags pa de nyid kyis/ /lha yi ngo bo bkug nas ni/ /dogs pa med par bsten par bya/ /'dod pas gdungs kyang
 bud med min/ /dga' dang mya ngan gyis gdungs na/ /nad dang gtso bos sma phab pa/ /gcin dang rdul dang dri ma can/ /mi yi bud med rtag tu spang / /gal te 'dod pas gdungs gyur na/ /lha yi bud med bsten par bya/ /'on te sems dpa' chen po de/ /de tshe
 brtse ldan ma yin na/ /lha yi dbang phyug dge ba dang / /gnod sbyin gdug pa dag gis bskor/ /rang gi gzhal yas khang na/ /'dug cing gang du 'dod par 'gro/ /gzhal med khang ni bzang po dag /lha rnams de la rab tu dbul/ /bcud kyis len ni du ma
 dang / /dpag bsam shing gi 'bras bu yang / /lha yi dbang phyug mnyam ldan pa/ /dogs pa med par thob par 'gyur/ /bkres skom nad las nges par thar/ /rig pa 'dzin pa kun gyis mchod/ /zhags pa 'gul lam g.yo na ni/ /dngos grub 'di 'dra thob par
 'gyur/ /'gul lam g.yos sam gzhan pa dag /gal te grub par ma gyur na/ /ma grub pa yi zhags pas kyang / /'jig rten pa yi las rnams bya/ /skyes pa'am yang na bud med dag /yid la 'dod pa bsams nas ni/ /mtshan mo zhags pa de brkyang
 ste/ /de ni de na phyogs su bzlas/ /bsgrub bya ming ni tshig dang bcas/ /de ni tshig gis mjug tu sbyar/ /zhags pa gang na 'dug pa der/ /nam mkha' las ni bya bzhin du/ /bdag gi drung du skad cig gis/ /the tsom med par 'ong bar 'gyur/ /
 mi dbang slas dang bcas pa 'am/ /yang na skye bo phal pa'am/ /ba lang rta dang shing rta dang / /'bras bu'i me tog gang yang rung / /de bzhin 'dod pa'i rdzas dag kyang / /mthong ba'am yang na thos pa'ang rung / /de yi ming tshig bskul
 ba dag / de tshe des ni 'gugs par 'gyur/ /yul gzhan dag na gnas pa ni/ /dpag tshad brgya na 'dug pa yang / /dam tshig dag gis bskul na ni/ /zhags pa des ni nges par khugs/ /khro bo 'khrug pa ro langs sam/ /khro bo rnam rgyal
 cho ga 'dir/ /zhags pas grub pa'i las rnams dang / /ma grub grub pa gang yin de'i/ /lha dang lha min gnyi ga dag /dgug pas cho gar gsungs pa ste/ /ro langs ma yi cho ga 'di/ /tshul bzhin rim pa bzhin du bshad/ /'jam dpal gyi
 rtsa ba'i cho ga zhib mo khro bo rnam par rgyal ba las ro langs ma'i cho ga zhib mo rnam par phye ba ste drug pa'o/ / //'di ni ro langs cho ga mchog /rig pa 'dzin pa rnams la ni/ /dngos grub chen po mchog ster ba/ /tshul bzhin mdor bsdus bshad pa yin/ /
 de nas khro bo'i cho ga ni/ /zhib mo rmad du byung ba'i mchog /khro bo'i pad+ma'i zhal nas byung / /yang dag rgyas par bshad par bya/ /sngags kyi grangs ni bcu bdun po/ /khro bo nyid kyis gsungs pa gang / /thos pa tsam gyi mod la yang / /lha dag
 kun tu rmongs par gyur/ /'jam pa'i dbyangs kyis rab bskul ba/ /khro bo de nyid 'bar ba yi/ /bzlas pa'i grangs ni nges pa dag /cho ga zhib mo 'dir bshad bya/ /thog mar drug 'bum bzlas pas ni/ /sngon du bsnyen pa byas par 'gyur/ /
 de nas bu don cho ga yi/ /phyis kyang drug 'bum bzlas par bya/ /de bzhin ri rtser 'bum bzlas na/ /grub par 'gyur te gzhan du min/ /phyis ni mkhas pas ci 'dod par/ /sgrub pa la ni 'jug par bya/ /de nas khro bo rnam rgyal gyi/ /sngon
 du bsnyen la sogs pa'i rim/ /sgrub pa po la phan pa'i phyir/ /cho ga 'dir ni bshad par bya/ /gcig tu dpa' ba'i khro bo nyid/ /bdud rnams thams cad tshar gcod pa/ /dngos grub thams cad rab stsol cing / /'tshe ba thams cad 'jig mdzad pa/ /
 thog mar khro bo'i rgyal po yi/ /khrus kyi cho ga nyin re bya/ /de nas khro bos bskul ba yis/ /bsrung ba rang gi lus la bya/ /b+haM gi sa bon las byung ba'i/ /yid kyis pad+mo'i stan la 'dug /bdag nyid de yi steng du yang / /sa bon hU~M las gyur
 pa'i sku/ /bsgom par byas te bsgoms nas kyang / /bdag gi spyi bor yi ge oM/ /mig gnyis su ni yi ge AH/ /bsrung bar bya ste de nas yang / /sngags ni yi ge bcu bdun po/ /zlos shing de bzhin gshegs dran nas/ /rang gi lus la sngar
 bkod pa'i/ /snying po snying gar gzhag par bya/ /de nas khro bo'i mtshog ma yis/ /bdag gi mtshog mar reg par bya/ /khro bo gtso bo'i spyi gtsug kyang / /phyis ni gtsug tu gzhag par bya/ /de nas lus la go cha yang / /lag pas cho ga
 bzhin du bya/ /de nas bdag gi lag gnyis la/ /blo dang ldan pas mtshon cha dgod/ /rang gi dam tshig ldan pa'i rgya/ /mkhas pas cho ga bzhin bcings nas/ /khro bo gtso bo'i ro langs ma/ /bdag gi snying gar gzhag par bya/ /de bzhin be con
 phyag rgya yang / /shin tu drag pa'i mtshon cha'i gnas/ /lag pa g.yas pas bcings nas ni/ /khro bo'i mchod pa 'jug par bya/ /khro mchod bshad pa bzhin byas pas/ /'dod pa thams cad stsol bar mdzad/ /phal chen dkyil 'khor dang / /gzhan
 yang rtag par sku gzugs dang / /ci srid bstan pa'i ri mo la/ /yid kyi mchod pa bya bar bsgrags/ /lha yi me tog dri zhim dang / /bil ba'i lo ma bzang po dang / /spos chu dag gis sa la 'am/ /yang na sku gzugs dag la mchod/ /dgos pa kun gyi
 don sgrub pa/ /sku gzugs mtshan nyid bshad par bya/ /sngar bsnyen cho ga bzhin byas nas/ /de nas sku gzugs byed du gzhug /gser ram yang na dngul yang rung / /de bzhin khar ba'am zangs la bya/ /ra gan in+d+ra nI la dang / /mching
 bu shel dang rin chen te/ /rgyal srid 'dod pas gser la bya/ /longs spyod 'dod pas dngul la bya/ /nad rnams 'jig phyir khar bas bya/ /zangs ni 'dod pa rab tu ster/ /dgra rnams gshig phyir ra gan te/ /rang gi longs spyod 'phel ba'i phyir/ /in+d+ra
 nI la dag las bya/ /mchog dang 'dod pa thams cad ster/ /mching bu rnam pa sna tshogs pas/ /nor ster bar ni yongs su bsgrags/ /dri med shel las byas na ni/ /zhi dang rgyas pa'i mchog rnams ster/ /rin chen las byas ral gri dang / /sa 'og
 lha yi dngos grub ster/ /thams cad grub par bya ba'i phyir/ /da ni tshad rnams bshad par bya/ /gser las sor brgyad tsam byas te/ /mchod na rgyal srid dpal yang 'thob/ /longs spyod rtag par 'dod pa yis/ /dngul las sor bcu'i tshad du bya/ /khar
 ba de bzhin nad sel ba/ /sor grangs bcu drug tshad du bya/ /sor ni nyi shu tshad dag tu/ /zangs las byas te mchod par bya/ /ra gan gyi yang zangs bzhin du/ /sor grangs nyi shu gnyis kyi tshad/ /in+d+ra nI las byas pa yang / /sor grangs bcu drug tshad du bya/ /
 mching bu las ni sor brgyad shis/ /shel las sor grangs bcu gnyis so/ /rin chen sor ni brgyad par bya/ /de ltar ji skad gsungs pa yi/ /sku gzugs 'dod pa kun ston pa'i/ /dngos grub 'dod pas legs par mchod/ /yan lag ma nyams gsal la
 bzang / /rtag par bzo bo mkhas pas bya/ /mtshan nyid snga ma rnams dang ldan/ /mtshon cha bzang pos rgyas par byas/ /la chibs zhal yang drug /spyan gsum 'jigs par gzigs pa'i tshul/ /gzi can phyag bzang bcu gnyis pa/ /zhabs ni gsal
 bar drug dang ldan/ /mi mgo phreng ba rnams/ /se ral kha yi thabs su thogs/ /g.yon brkyang ba yi tshul du bzhugs/ /na bzar stag lpags gsol bar dgyes/ /de lta bu yi sku gzugs dag /snga ma'i tshul du yongs rdzogs par/ /ci skad
 gsungs pa'i khro bo 'di/ /sngags pas bzo bo byed du gzhug /yang na shing gi snying po las/ /khro bo gtso bo'i sku gzugs dag /ci skad gsungs pa'i mtshan nyid bzhin/ /byas nas rtag tu mchod par bya/ /de nas shing las byas pa yi/ /sku gzugs tshul
 bzhin bshad par bya/ /gtsang ma 'dod pa kun ster ba/ /de yang de bzhin sbyar bar bya/ /rig 'dzin kun gyi mchog 'dod na/ /tsan+dan shing las byas pa yi/ /sku gzugs sor grangs nyi shu'i tshad/ /sngags pa dag gis byed du gzhug /tsan+dan dmar po'i
 shing dag las/ /sor ni bcu drug tshad dag tu/ /'dod pa thams cad kun ster ba'i/ /sku gzugs legs par byed du gzhug /ra dza arga'i rtsa ba las/ /byas pa 'dod pa'i don rnams ster/ /sor grangs bcu bzhi'i tshad du shis/ /bde dang phun sum tshogs
 kun 'byung / /a sho ka yi snying po las/ /bzo bo mkhas pas legs par byas/ /sar pa sor lnga'i tshad du gsungs/ /'di ni dbang du byed par bshad/ /de bzhin ta la'i shing dag las/ /sor drug par ni byas na yang / /lha dang lha min bdag po dang / /de bzhin
 klu rnams 'gugs par byed/ /nA ga ge sar shing dag las/ /de bzhin sor bdun tshad du bya/ /nad rnams 'jig par bya ba dang / /dgra rnams rmongs pa'i phyir bshad pa'o/ /mi thod dag las byas pa ni/ /rtag tu sor grangs bcu gnyis shis/ /ring por mi thogs
 mchog ster cing / /'dod pa'i dngos grub rab tu ster/ /mi thod las ni byas pa dag /sngar bsnyen la sogs ma byas par/ /mchod pa 'ba' zhig byas pas kyang / /dgos pa'i don rnams sgrub par byed/ /sku gzugs bzang po'i mtshan nyid dag /rgyas par bshad pa 'di
 yin no/ /khro bos ci skad gsungs pa bzhin/ /ri mo'i mtshan nyid bshad par bya/ /mi ro'i gos bzang bkrus pa ni/ /mkhas pas khru tshad gang dag la/ /mi ro nyid kyi skra dag gis/ /pir gyis legs par bri bar bya/ /tshon gyi kha dog kun med
 par/ /ri bong khrag gis bri bar bya/ /yang na de yi sku gzugs ni/ /snga ma bzhin du btsag gis bri/ /khros shing 'bar bas 'jigs 'jigs ltar/ /g.yon brkyang bskum pa'i tshul du gnas/ /zhal drug dbu skra gyen du brdzes/ /smin ma ser zhing spyan yang ser/ /
 spyan ni zlum po gsum dang ldan/ /bcu gnyis phyag dang ldan pa'i sku/ /de bzhin steng na bzhugs/ /zhabs ni drug gis mdzes par byas/ /g.yas kyi phyag na mchog sbyin cing / /rtse gsum ral gri dgra sta dang / /be con dang ni lcags kyu bsnams/ /khros
 pa'i phyag g.yon bsdigs par byed/ /phyag na shag ti tho ma ra/ /g.yon pa'i phyag na dbyug to bsnams/ /phyag na thod pa zhags pa bsnams/ /gshin rje'i gshed po bri bar bya/ /na bzar stag gi pags pa gsol/ /'jigs pas pha rol gnon pa'i zhal/ /de yi
 mche ba gtsigs par ni/ /mkhas pas ri mo bri bar bya/ /de nas glo gnyis dag tu yang / /phyag rgya'i gzugs dag bri ba ni/ /g.yas su skyes pa khro bo'i gzugs/ /kha gdangs pa ni 'jigs 'jigs lta/ /gyen du skra brdzes rab tu ser/ /be con phyag rgya mtshon char
 thogs/ /g.yas brkyang bskum pa'i tshul du gnas/ /bsdigs shing zhal ni khro gnyer can/ /zhal dang spyan yang khros pa'i tshul/ /g.yon du ro langs mo bri ba/ /'bar ba'i kha la gzi yang che/ /mig gsum gdong gi khro gnyer can/ /rab tu 'jigs pa'i kha
 yang gdangs/ /gyen du skra brdzes gsus po che/ /gtum po dug hrul gos gyon pa/ /de bzhin lag na tri shUl thogs/ /gzi chen rab tu bsdigs par byed/ /lus ni me lce 'bar ba la/ /gdong dang mig ni khros pa'i tshul/ /bde gshegs sras kyi bka' nod pa/ /gsang
 ba'i phyag rgya'i ri mo 'di/ /dben pa'i gnas su gzhag par bya/ /cho ga shes pas be con rgya/ /sku gzugs 'di la bzlas par bya/ /yang na ro langs phyag rgya ni/ /bzlas na phyag rgya'i dngos grub thob/ /dben zhing 'du 'dzi med par ni/ /bzhag nas nyin re mchod
 par bya/ /yang na phyag rgya'i dkyil 'khor du/ /rtag tu ri mo 'di bkram ste/ /mnyam gzhag dngos grub 'dod pa yis/ /mchod pa dang ni bzlas pa bya/ /bdag gis phyag rgya bsgrub pa la/ /ri mo tshul bzhin bshad pa'o/ /de nas gshin rje'i gshed po yi/ /ri
 mo gzhan yang bshad par bya/ /sngar bsnyen byas pa'i 'og tu ni/ /mi ro'i gos bzang bkrus pa ni/ /khru gang tshad du byas pa la/ /tshon rtsi sbyin med bzang po yis/ /sprin ni nag po 'dra ba yi/ /khro bo dpa' bo gcig bu ni/ /snga ma bzhin du bri bar bya/ /sngar
 bsnyen byas pa'i 'og tu ni/ /ji ltar rigs par bris nas kyang / /rab tu dben par bzhag nas su/ /de nas mchod pa'i cho ga bzhin/ /nyin re rtag tu mchod nas ni/ /rab tu dben par bzhag nas kyang / /de yi 'og tu bzlas pa brtsam/ /de nas gzhan yang bzlas
 pa yi/ /cho ga ji skad gsungs pa bshad/ /ri mo bkram nas mchod byas te/ /de bzhin gshegs pa kun mchod nas/ /ku sha'i stan la 'dug nas ni/ /mnyam par bzhag ste mi smra bar/ /ri mo gcig po la bltas shing / /mgo ni rma bya bzhin bkug ste/ /
 ru drA k+Sha yi phreng ba yis/ /ci srid yid ni mi skyo'i bar/ /rtse gcig sems kyis bzlas bya ste/ /skyo na bzlas pa gtang bar bya/ /de ltar 'bum phrag gsum bzlas nas/ /bsnyen pa byas pa'i 'og tu ni/ /de nas ri khar gnas bcas te/ /rlung za zhing ni bzlas
 brjod bya/ /dngos grub mchog dga' 'dod pa yis/ /de nas de yi brtul zhugs spyad/ /cho ga las gsum mi 'dod na/ /sngar gsungs pa yi bzlas pa yis/ /'bring dang tha ma'i dngos grub dang / /brtul zhugs med par legs par ni/ /bsgrubs na dngos grub thob
 par 'gyur/ /brtul zhugs des ni mchog kyang 'grub/ /de nas gzhan yang 'di ru ni/ /dpa' bo zhes bya brtul zhugs 'byung / /lam mi bzur dang mi smra ba/ /slong mo za zhing dbang po bsdams/ /seng ldeng dbyug pa 'dom gang ba/ /sra ba bzang
 po thogs nas su/ /gshin rje mthar byed bzo byed cing / /bgrod dka' ba yi lam nas 'gro/ /khro bo dpa' bo brtul zhugs dag /dpa' bo gzugs su zla drug tu/ /sgrub pa gang gis yang dag spyod/ /de nas dngos grub mchog kyang 'thob/ /dpal ldan brtul
 zhugs spyad nas ni/ /de nas sgrub pa la zhugs nas/ /gdon mi za bar dam pa nyid/ /de ltar de nyid myur du 'grub/ /mi bzad brtul zhugs bzung ba'o/ /bsgrub pa la ni bdud kyi rigs/ /lha mo 'dod pa'i gzugs dag dang / /de bzhin gzhan gyis lus su
 ni/ /rnam pa sna tshogs gzugs dag gis/ /dbang po bsdams la 'tshe bar byed/ /de dang lhan cig smra mi bya/ /cung zad kyang ni chags mi bya/ /byang chub sems dang mnyam ldan pa/ /khro bo la gzhol zlos byed pa/ /gal te de ltar 'gro ba na/ /mi bzad pa yi gzugs
 dag gam/ /gzhan yang shin tu ngo mtshar ba/ /bde gshegs bsam pas mthong na ni/ /de dag gis ni 'jigs mi bya/ /gnon dang sdang bar byed na ni/ /bde gshegs kyi ni bka' gcog pa/ /khro bdag nyid ni rnam par 'jig /bde gshegs bsams pa
 bsgom pa yis/ /rtul phod pa yi dpa' bo yis/ /brtul zhugs 'di ni bsten bya ba/ /dpa' bos bya yis gzhan du min/ /sgrub pa mchog rnams 'dod pa yis/ /lha yi brtul zhugs gsungs pa 'di/ /ji skad gsungs pa'i tshul bzhin du/ /nan tan
 gyis ni bsten par bya/ /'jam dpal gyi rtsa ba'i cho ga zhib mo khro bo rnam par rgyal ba las khro bo'i brtul zhugs rim par phye ba bdun pa'o// //