| བོད་ཡིག | e-texts based on the Esukhia Input |
ming byang bris nas kyang / /tsa ra sngon mo'i thod par gzhug /mjo ltol ba lang dre'u'i yang / /thod par bcug ste chu 'gram dang / /shing gcig rtsa ru mnan par bya/ /ting 'dzin sngags dang rdzas rnams kyis/ /rang gi bya ba nan tan byos/ / zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las bstan pa la gnod pa chom la dbab pa'i le'u sngags kyi phong bstan pa ste drug pa'o// //de nas gnod sbyin gtum pos gsol pa/ /kyai bcom ldan 'das slad ma'i dus na gdug pa can phyag brnyan bcas pa'i sbyor ba'i mthu zlog pa'i thabs bka' stsal du gsol/ /de skad ces gsol pa dang / bcom ldan 'das kyis bka' stsal pa/ de nas sbyor ba'i mthu bzlog na/ /rang lus sbas te de dag gi/ /mig gi 'bras bu gcar bar bya/ /rang lus sba bar bya ba ni/ /skye 'gro mig gi 'bras bu gcar/ /nag po kha ta'i 'bras bu dang / /tsa ra rog po'i 'bras bu gnyis/ /mig la bskus te nor bu btsal/ /rnyed nas lus bcad ri khrod 'grim/ /de dag rnyed par ma gyur na/ /gser dang dngul rdo zha nye'i rdo/ /spra tshil dang ni a ru ra/ /ba ru ra dang pi pi ling / /pho ba ris rnams cha mnyam ste/ /bzhu ste rdzi dang rlangs la gzab/ /de dag gzhan gyi sbyor ba yis/ /bdag gam gzhan las 'tshe gyur na/ /dregs pa kun gyi 'bras bu gcar/ /lto 'phye'i sha dang sbal 'dra'i sha/ /sa chu dag na gnas pa'i mi/ /glang ma'i sgron shing 'bras bu dang / /me ma btang ba'i du ba dang / /nyag gcig po yi dri chen dang / /sems ma chags pa'i sha rnams kun/ /legs par nan tan byas bcas nas/ /'jig rten pa yi lha rnams kyi/ /rnam par dag pas mthong mi 'gyur/ /gdug pa'i klu rnams 'gras pa'i gdon/ /de dag 'bras bur gcar ba ni/ /phag pho rog po'i don snying lnga/ /lce bog nag po'i gser lum dang / /thar nu'i thangs nyams rnyed gdung ste/ /lus la bcangs par gyur pa na/ / sha mig rnam par dag pa yi/ /klu chen brgyad kyis bltas gyur kyang / /mthong bar 'gyur ba ma yin no/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las lus rnam par sba ba'i le'u ste bdun pa'o// //de nas lha yi dbang po dang / gnod sbyin gyi sde dpon lag na rdo rje gtum po dang / gnod sbyin gyi sde dpon lag na rdo rje gos sngon po can dang / gnod sbyin gyi sde dpon chen po lag na rdo rje stobs po che dang / gnod sbyin gyi sde dpon chen po lag na rdo rje gsang ba'i bdag po dang / de dag la sogs pa 'dus pa'i tshogs chen po rnams rab tu yi rangs te/ lan brgya stong du mar mchod cing bskor nas mngon par bstod do/ /de nas lag na rdo rje bzhi la bka' stsal pa/ lag na rdo rje bzhi po dang / rgyud 'di dag gang na gnas par khyed kyang rjes su 'brangs la rgyud 'di 'chad pa dus gsum du mchod cing bkur bar gyis shig / de'i dgos pa gang ci'ang rung pa ma lus par sgrubs shig /phyi ma'i dus na o tre yul du rgyas par 'gyur gyis der srung bar byos shig ces gsungs nas chos kyi dbyings rnam par dag pa la bzhugs so/ /dpal rdo rje gtum po thugs gsang ba'i rgyud phyi ma'i phyi ma las yongs su gtad pa'i le'u ste brgyad pa'o/ / //dpal rdo rje gtum po thugs gsang ba'i rgyud phyi ma'i phyi ma rdzogs so// //rgya gar gyi slob dpon a pa yug ti la dang / bod kyi lo ts+tsha ba bla ban chos kyi brtson 'grus kyis zhus te bsgyur cing gtan la phab pa'o/ / //@#/ /dkon mchog gsum la phyag 'tshal lo/ gnod sbyin gyi sde chen po lag na rdo rje drag po la phyag 'tshal lo/ oM mu tsi ni swA hA/ mu khe se swA hA/ mo hA ni swA hA/ dan ti swA hA/ cho ga 'di chu khyor ba gang bzlas pa byas te/ 'thungs nas sems bzhin du nyal na lag na rdo rjes rmi lam ston par 'gyur ro/ /rmi lam mthong ba zhes bya ba'i gzungs rdzogs so// //