| e-texts navigator |
| Wylie |
4a1 དེས།། ལས་ངན་སྲིན་པོ་ལ་སོགས་ཀུན།། ཉོན་མོངས་བག་ཆགས་སྦྱང་བ་དང་། ཁམས་གསུམ་མ་ལུས་ཐམས་ཅད་ཀུན།། བདེ་བ་ལ་ནི་བཞག་པའི་ཕྱིར།། ཐུགས་རྗེ་ཆེན་པོའི་ཡེ་ཤེས་བསྐྱེད་བྱས་ནས།།
4a2 དེ་བཞིན་གཤེགས་པ་ཐམས་ཅད་ཀྱི་བདག་པོ། རྔམ་པ་ཆེན་པོ་ཡེ་ཤེས་རྒྱལ་པོ་དེ་ཉིད། འཇིགས་བྱེད་ཆེན་པོའི་རྒྱལ་པོ། རོལ་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོས་ཉིད་སྐྱེ་བ་མེད་པའི་དབྱིངས
4a3 ནས། ཉིད་ཀྱི་གསང་བའི་བདག་མོ་ཁྲོས་པའི་རྒྱལ་མོ་རོ་ལངས་མངོན་དུ་བྱུང་སྟེ། ཧི་ཧི་དགེས་པའི་གཟི་མདངས་ཀྱིས།། ཆོ་ག་གྲུ་གསུམ་རྒྱས་པར་མཛད།། གཉིས་སུ་མེད་པའི་དགེས་པ་ཆེན་པོ་ལ་ཐིམ་ནས། གསང
4a4 བའི་བྱང་ཆུབ་སེམས་ཀྱི་འཕྲིན་ལས། ཧཱུཾ་ཧཱུཾ་ཧཱུཾ། བྲུཾ་\ུ0f7fབི་ཤྲ་བི་ཤུདྡྷེ་ཀྲོ་ཏ་བཛྲ་ཛྭ་ལ་ཡ་མནྟ་ཀ་ཕཊ་ཕཊ་ཧ་ལ་ཧཱུཾ་ཧཱུཾ་ཧཱུཾ་ཞེས་བརྗོད་པས། འཇིག་རྟེན་དྲུག་གིས་ཕྱོགས་བཅུ་ཐམས་ཅད་དུ། དུར་ཁྲོད་བརྡལ་བའི་རང་བཞིན
4a5 ན། ཁྲག་གི་རྒྱ་མཚོ་ཆེན་པོ་རྦ་ཀློང་འཁྲུག་པའི་ཀློང་ན། ཀེང་རུས་ཆེན་པོའི་རི་རབ་སྟེང་དུ། རྡོ་རྗེ་མེ་དཔུང་ཀློང་དུ་འཁྱིལ་བའི་དབུས་ན། སྟེང་རྡོ་རྗེ་རྒྱ་གྲམ་མིག་མང་རིས་སུ་གཏམས་པ། ཕྱོགས་བཞི་ངོས་བཞི་ཐོད
4a6 པ་སྐམ་རློན་རྒྱ་གྲམ་དུ་བརྩིགས་ལ། འོག་རྡོ་རྗེ་རྒྱ་གྲམ་རིས་སུ་གཏམས་པ། ཡེ་ཤེས་ཀྱི་རྡོ་རྗེ་རྒྱ་གྲམ་འོད་འཕྲོ་བ། འཁྲུག་པ་འབར་བ་ཁམས་གསུམ་ཐམས་ཅད་ཁྱབ་པར་བརྡལ་བ། དབུས་གྲུ་གསུམ་ཟླ་གམ་དང
iiif viewer powered by OpenSeadragon
