| e-texts navigator |
| Wylie |
2b1 སྲིན་གྱི་གཞུ་ཅན། འཁོར་ལོ་འབར་བའི་ཀ་གདན་ཅན། ཞིང་ཆེན་བསྣོལ་མ་རིས་ཀྱི་གདུང་། རུ་ཏྲ་ཆེན་པོ་བསྒྲལ་བའི་མཆོག་ཕྱམ་ལ། ཨུར་མོ་ཚ་ཚ་འཕྲོ་བ། དུར་ཆེན་གྱི་བུམ་པར་འཁྲིལ་བ། ཞིང་ཆེན་གྱི་བླ་རེ་སྤྲིན
2b2 ལྟ་བུར་བཀླུབས་པ། ཆུ་སྲིན་གྱི་མགོ་བོས་གཏམས་པ་ན། འཇིགས་བྱེད་ཀྱི་རྒྱལ་པོ་ཡ་མནྟ་ཀ། ཧེ་རུ་ཀའི་རྒྱན་ཐུན་མོང་མ་ཡིན་པའི་མཚན་དང་དཔེ་བྱད་དུ་ལྡན་པ། སྦྱོར་སྒྲོལ་གྱི་ཡུམ་དང་། གཉིས་མེད་འབེལ་བའི
2b3 ལ་གྱིས་བཞུགས་སོ།། ཡེ་ཤེས་སྤྲུལ་པའི་གཤེད་བཞི་ལ་སོགས་ཏེ། གཤིན་རྗེའི་འཁོར་ཚོགས་ཉིད་ལས་མི་ཞན་པ་དང་། ཉིད་ལས་ཞན་པ་དང་། རིག་པ་ཁྱད་པར་ཅན་སྨོན་ལམ་གྱི་མོས་པའི་སྐལ་བ་ཅན་ལ
2b4 སོགས་སྟེ། དཔག་གི་མི་ལང་པ་ཏིལ་གྱི་གང་བུ་བཞིན་དུ་བཞུགས་སོ།། དེ་ནས་འཇིགས་བྱེད་ཁྲག་འཐུང་གི་རྒྱལ་པོ་ཡ་མནྟ་ཀ་དེས། སྒྱུ་མ་ལ་དབང་བསྐུར་བའི་ཏིང་ངེ་འཛིན་ཆོས་ཉིད་སྒྱུ་མ་ལ་དབང་སྒྱུར་བའི་ཏིང
2b5 ངེ་འཛིན་དང་། གོ་འཕང་ཆེན་པོ་ལ་སྦྱོར་བ་ཐབས་ཀྱི་ཏིང་ངེ་འཛིན་དང་། བྱང་ཆུབ་ཀྱི་སེམས་གཉིས་སུ་མེད་པའི་ཏིང་ངེ་འཛིན་དང་། བྱམས་པ་ཆེན་པོའི་ཏིང་ངེ་འཛིན་དང་། སྙིང་རྗེ་ཆེན་པོའི་ཏིང་ངེ་འཛིན་དང་། རྫུ
2b6 འཕྲུལ་ཆེན་པོའི་ཏིང་ངེ་འཛིན་དང་། རྗེས་སུ་སྟོན་པའི་ཆོ་འཕྲུལ་དང་ལྡན་པའི་ཏིང་ངེ་འཛིན་དང་། ཐུགས་རྗེས་ཞེ་སྡང་སྒྲོལ་བའི་ཏིང་ངེ་འཛིན་དང་། ཤེས་རབ་ཀྱིས་འདོད་ཆགས་སྒྲོལ་བའི་ཏིང་ངེ་འཛིན་དང་། ཡེ
iiif viewer powered by OpenSeadragon
