| e-texts navigator |
| Wylie |
98b1 གནོད།། གསང་སྔགས་དོན་གྱི་ངོ་བོ་གང་ལ་བགྱི། གསང་སྔགས་དངོས་པོའི་གནས་ལུགས་ཅི་ལྟ་བུ།། དེ་ཉིད་རྟོགས་ཐབས་གང་གིས་ཅི་ལྟར། རྟོགས་ནས་ཉམས་སུ་བླངས་ན་ཅི་ལྟར་བླང་།། བླངས་ནས་འབྲས་བུ
98b2 འཐོབ་ཚུལ་ཅི་ལྟར་འཐོབ།། འབྲས་བུ་ཁྱད་པར་འཕགས་པ་ཅི་ཡིས་འཕགས།། འོག་མ་རྣམས་ལ་སྐྱོན་ནི་ཅི་ཞིག་མཆིས།། སེམས་ཅན་སངས་རྒྱས་ངོ་བོ་གཅིག་མི་གཅིག། གཅིག་ན་འཁོར་འདས་གཉིས་སྣང་ཅི་ལྟར
98b3 ལགས།། མི་གཅིག་འབྲེལ་བ་མེད་པ་ལགས་སམ་ཅི།། སེམས་ཅན་རྣམས་ལ་སྐྱོན་ནི་ཅི་ཞིག་མཆིས།། སངས་རྒྱས་རྣམས་ལ་ཡོད་ཏན་ཅི་ཞིག་མངའ།། སེམས་ཅན་བྱ་བ་གང་དང་གང་ལ་བྱ།། སངས་རྒྱས་བྱ་བའི་ཐ
98b4 སྙད་གང་ལ་གདགས།། སངས་རྒྱས་བསྒྲུབ་ན་བསྒྲུབ་རྫས་ཅི་ལ་བགྱི།། དེའི་ཚེ་ན་འགེག་ཆེན་ཅི་ཡིས་གསལ།། དེའི་ལམ་གྱི་ཆ་སྐྱེན་གང་དང་གང་།། ཡུན་ནི་ཅི་སྲིད་ཅིག་གིས་འགྲུབ་པ་ལགས།། གབ་པ་བཅོ་བརྒྱད
98b5 དུས་འདིར་འབྱུང་དུ་གསོལ།། འདོད་པའི་ཆུ་བོ་སྐེམས་མཛད་མེ་ཆེན་ཡེ་ཤེས་དབྱུང་དུ་གསོལ།། མ་རིག་མུན་པ་སེལ་མཛད་འོད་ཆེན་དུས་འདིར་དབྱུང་དུ་གསོལ།། འཁོར་བའི་ཆུ་བོ་སྒྲོལ་མཛད་གྲུ་ཆེན་དུས་འདིར
98b6 དབྱུང་དུ་གསོལ།། རྣམ་རྟོག་རླུང་དམར་ཞི་མཛད་སྐྱབས་ཆེན་དུས་འདིར་དབྱུང་དུ་གསོལ།། གཟུང་འཛིན་ཕུར་པ་འབྱིན་མཛད་དུ་འདིར་དབྱུང་དུ་གསོལ།། དུག་ལྔ་འཇོམས་མཛད་ཐོ་བ་དུས་འདིར་དབྱུང་དུ་གསོལ།།
iiif viewer powered by OpenSeadragon
