| e-texts navigator |
| Wylie |
94a1 གཅད། ཐམས་ཅད་མ་ལུས་པར་འོད་གསལ་ཆེན་པོའི་ངང་དུ་རྫོགས་པས་ཡོ་གསལ་བས་མ་ཧཱ་ཡོ་གའི་ལྟ་བ་སྤྱིར་གཅད། སྐྱེ་བ་མེད་པས་ཨཱ་གཉིས་སུ་མེད་པས་ནུ་རྩེས་བྱས་ཏེ། ཐམས་ཅད་གཉིས་སུ
94a2 མེད་པས། ཨཱ་ནུའི་ལྟ་བ་སྤྱིར་གཅད།། ཐམས་ཅད་འོད་གསལ་དང་རྫོགས་པས། ལྟ་བ་ཐམས་ཅད་ཆེ་བས་ན། རྫོགས་ཆེན་གྱི་ལྟ་བ་སྤྱིར་གཅད་པས། བདེ་བར་གཤེགས་པ་སྐུ་དང་ཡེ་ཤེས་སུ་འཁྲུལ་པའི་གོལ་ས
94a3 གཅད། ཅེས་གསུངས་སོ།། ཨཱ་ཏི་སྤྱི་གཅོད་ཀྱི་རྒྱུད་ལས་མཚན་མ་ལམ་གྱི་གོལ་ས་གཅད་པའི་ལེའུ་སྟེ་དགུ་པའོ།། །། ཡང་བཀའ་སྩལ་པ་ཡེ་ཤེས་ངོས་བཟུང་བཤད་པར་བྱ། ཅེས་གསུངས་སོ།། དེ་ནས་འགག་པ
94a4 མེད་པས་ཡེ་ཤེས་ཀྱི་སྐྱེ་བ་བཤད་པ། དང་པོ་ཡེ་ཤེས་ངོས་བཟུང་བ་ལ་གསུམ་སྟེ། འགྱུ་བ་དེ་ལ་ཞག་ཅིག་ཏུ་ལྟ་བ་དང་གཅིག། ནུབ་གཉིས་པ་འོད་གསལ་ཐུན་དུ་བཅུག་ལ་བསྐོར་བ་དང་གཉིས། ནུབ་གསུམ་པ་འོད
94a5 གསལ་གྱི་མལ་དུ་བཟུང་བ་དང་གསུམ་མོ།། དང་པོ་ཞག་ཅིག་ཏུ་ལྟས་པས། འགྱུ་བ་བུན་ལོང་གི་སོང་བས། མཚན་མ་ཞི་བ་ནི་ཞི་གནས་རྩེ་ཅིག་གི་བསམ་གཏན་ཞེས་བྱས་ཏེ། གང་ཟག་བདག་མེད་ཉན་ཐོས་དང
94a6 ཁྱད་མེད་དོ།། སྣང་བ་འདི་སྟོང་པ་ལ་མེ་ལོང་གི་སྐར་མ་ལྟར་མཐོང་བ་ནི། ཆོས་ཀྱི་བདག་མེད་བསམ་གཏན་དེ། དེས་ཀྱང་སངས་མི་རྒྱ་བས། ཕལ་ཆེན་ལྟ་བ་ཁ་རྐྱངས་དང་དེ་གཉིས་ན་གནས་སོ།། དབུ་མའི་ལྟ་བར
iiif viewer powered by OpenSeadragon
