| e-texts navigator |
| Wylie |
93b1 ལས། མེ་ལོང་གནད་ཏུ་བརྡེག་པའི་ལེའུ་སྟེ་བདུན་པའོ།། །། ཡང་བཀའ་སྩལ་པ། རིག་པ་ཆོས་ཀྱི་སྐུའི་དོན་རྟོགས་ན། འགྱུ་བ་ཟང་ཐལ་གཅད་པས་དམྱལ་བ་ཡང་རྫོགས་པས་ཕྱིར་གཅད།། ཐིག་ལེ་རང་གྲོལ
93b2 དུ་ཤར་བས་ལྷ་མ་ཡིན་རྫོགས་ཏེ་སྤྱིར་གཅད། བྱང་ཆུབ་སེམས་ཀྱི་འོད་གསལ་རིན་པོ་ཆེ་ལ་ལོངས་སྤྱད་པས་ལྷ་རྫོགས་རི་སྤྱིར་གཅད། འགྲོ་དྲུག་རང་གྲོལ་དུ་ཤེས་ན། ཁམས་གསུམ་ལུས་དང་བག་ཆགས་འཁྲུལ་ཏེ
93b3 མཆིའོ།། ཅེས་གསུངས་སོ།། ཨ་ཏི་སྤྱི་གཅོད་ཀྱི་རྒྱུད་ལས། འགྲོ་དྲུག་གཡང་ས་གཅད་པའི་ལེའུ་སྟེ་བརྒྱད་པའོ།། །། ཡང་བཀའ་སྩལ་པ། འོད་གསལ་དུ་མུ་གཅད་ནས་རིག་པ་ལ་སྟེགས་བཅས་པས་མུ་སྟེགས
93b4 ཀྱི་ལྟ་བ་སྤྱིར་གཅད། ཐིག་ལེ་ཟང་ཐལ་ཡིད་ལ་འདོགས་པས་ཡི་དྭགས་རྫོགས་ཏེ་ཕྱིར་གཅད། ཐིག་ལེ་སྦྱོར་བ་ལས་བྱོལ་ནས་ཟང་ཐལ་དུ་སོང་པས། བྱོལ་སོང་རྫོགས་ཏེ་ཕྱིར་གཅད། དེ་ལ་ཞེན་པ་མི་མངའ་བས།།
93b5 མི་ཡང་རྫོགས་ཏེ་ཕྱིར་གཅད། རང་དོན་འོད་གསལ་ཟབ་མོ་ལ་སྤྱད་པས་རང་སངས་རྒྱས་སངས་རྒྱས་ཀྱི་ལྟ་བ་སྤྱིར་གཅད། སྒྲིབ་པ་ཐམས་ཅད་ཟང་ཐལ་དུ་བྱང་ནས་འོད་གསལ་དུ་སེམས་དཔའ། བྱང་ཆུབ་སེམས
93b6 དཔའི་ལྟ་བ་སྤྱིར་གཅད། ཀྲི་ཡ་ནི་འོད་གསལ་དུ་བསྒྲི་ནས་ཡང་དག་པའི་དོན་རྟོགས་པས། ཀྲི་ཡའི་ལྟ་བ་སྤྱིར་གཅད། འོད་གསལ་རྒྱ་ཆུང་དུ་མ་ཡིན་ཏེ། སྣང་སྲིད་ཡོ་ག་འོད་གསལ་དུ་རྟོགས་པས་ཡོ་གའི་ལྟ་བ་སྤྱིར
iiif viewer powered by OpenSeadragon
