| e-texts navigator |
| Wylie |
90b1 འདེབས་སྤྱོད་པའི་སྒོང་རྒྱ་རལ།། རང་ལ་ཤར་བའི་འོད་གསལ་སྐྱེས།། མཚན་མ་ལམ་གྱི་གོལ་ས་ཆོད།། ཀུན་གཞི་ཟང་ཐལ་གྱི་ཐིག་ལེ་དང་།། མཚན་མ་རང་སྣང་གི་ཐིག་ལེ་གཉིས།། བསྲེས་པ་མེད་པར་དཀྲུག
90b2 གིས་འདྲེས།། འབྲས་བུ་སྤངས་ཐོབ་དུས་ཀྱི་སྒོང་རྒྱ་རལ་ཨེ་མ་ཧོ།། ཞེས་གསུངས་སོ།། ཨ་ཏི་རྫོགས་པའི་རྒྱུད་ལས། ཐིག་ལེ་ལྔ་སྦྱོར་དུ་བཤད་པའི་ལེའུ་སྟེ་བརྒྱད་པའོ།། །། དེ་ནས་ཡང་བཀའ་སྩལ་པ། འགག
90b3 གི་རྣམ་པ་བསྟན་པར་བྱའོ་ཞེས་གསུངས་སོ།། སེམས་འཛིན་ཕྲ་མོ་རྩོམ་པ་ནི།། ཡེ་ཤེས་ཟང་ཐལ་སྐྱེ་བའི་འགག། ཚོགས་དྲུག་བཀག་ནས་དབུགས་ལ་གཏོད།། ཆོས་ཉིད་འོད་གསལ་སྐྱེ་བ་འགག། དབུགས་ལ
90b4 གཏོད་ཅིང་རླུང་ལ་སྦྱོང་།། རང་བྱུང་ཡེ་ཤེས་སྐྱེ་བ་འགག། ཕུང་པོ་ལྷ་དང་ལྷ་མོར་སྒོམ།། སྐུ་ཡིས་དམ་ཚིག་རྟེན་པ་དེས།། ཆོས་སྐུ་འོད་གསལ་སྐྱེ་མེད་འགག། ངག་གི་བཟླས་བརྗོད་འཕྲོ་འདུ་སྦྱོང་།། གསུང་གི་དམ
90b5 ཚིག་རྒྱུན་དུ་སྤྱོད།། དེས་ནི་རང་རིག་ཡེ་ཤེས་འགག། དམ་རྫས་རྣམ་ལྔ་རྒྱུན་དུ་རྟེན།། ཐུགས་ཀྱི་དམ་ཚིག་རྒྱུན་མི་གཅོད།། ལྷག་མཐོང་རིག་པའི་ཡེ་ཤེས་འགག། རྒྱ་ཆེ་ལྟ་བ་ཁ་འགྱང་ཁྱེར།། འགྱུ་དྭངས་ཡེ་ཤེས་སྐྱེ
90b6 བ་འགག། འགག་མེད་ཐིག་ལེ་འདི་ཡིན་གྱིས།། ཐུག་པར་མོས་ལ་སྤྱད་པར་གྱིས།། ཞེས་གསུངས་ནས་ཆོས་ཉིད་རང་སྣང་གི་དབྱིངས་སུ་གཤེགས་སོ།། ཨ་ཏི་རྫོགས་པའི་རྒྱུད་ལས་ལེའུ་དགུ་པའོ།། །། ཨ་ཏི
iiif viewer powered by OpenSeadragon
