| e-texts navigator |
| Wylie |
87a1 རྒྱས་ལུས་ཀྱི་རྒྱན་ཡང་རྫོགས།། ཕྱག་མཚན་འགྱུར་མེད་རྡོ་རྗེ་བསྣམས།། ཞི་དང་ཁྲོ་བའི་མཚན་མཆོག་མངའ།། སྙིང་རྗེ་ཆེན་པོས་གཞན་དོན་མཛད།། ཆོས་དང་ཡུལ་ལ་དམིགས་པ་ཡིས།། སྙིང་རྗེས
87a2 འགྲོ་བའི་དོན་ཡང་མཛད།། ཐབས་ཀྱི་སྒོ་ནས་ཐམས་ཅད་འདུལ།། བྱིན་རླབས་ཉི་མའི་འོད་ལྟར་འཆར། ཁུ་བྱུག་གསུང་འདྲ་དུས་ཚོད་འཛིན།། ཐམས་ཅད་རང་ལ་རྫོགས་པའི་དུས།། བརྡ་དང་སྒྲ་དང་ཚིག་དང་དོན
87a3 གྱིས་བསྡུས།། ཨེ་མ་ཧོ། ཡང་གསང་རྨད་དུ་བྱུང་བའོ།། ཨ་ཏི་རྫོགས་པའི་རྒྱུད་ལས་སྟོན་པས་གླེང་སླང་བའི་ལེའུ་སྟེ་དང་པོའོ།། །། དེ་ནས་འཇམ་དཔལ་བཤེས་གཉེན་གྱིས།། ཀྱེ་སྟོན་པ་དགའ་རབ་རྡོ་རྗེ
87a4 ལགས།། རྒྱུད་ཀྱི་ངོ་བོ་བསྟན་དུ་གསོལ།། ཞེས་ཞུས་པས། ཐུགས་རྒྱུད་ཞལ་བརྒྱུད་ཞུས་ལན་གསུམ་གསལ།། དགོངས་ཏེ་གསུམ་ཉིད་རྣམ་པར་གསུངས།། ཆོས་གསུམ་ཕུན་སུམ་ཚོགས་པས་རྒྱུད་ཅེས་བྱ།། ཞེས
87a5 གསུངས་པས། དེའི་དོན་འདི་བསྟན་དུ་གསོལ་ཅེས་ཞུས་པས། ཐུགས་སུ་རྒྱུད་པ་ཀུན་བཟང་རྒྱུད།། ཞལ་ནས་གསུངས་པའི་རྒྱུད་དག་ནི།། རྡོ་རྗེ་སེམས་དཔས་གསུངས་པའོ།། ཞུས་ལན་ཕྲ་མེད་འཕེལ་རྒྱས་རྒྱུད།།
87a6 དགའ་རབ་རྡོ་རྗེ་བདག་གི་བཤད།། བྱིན་བརླབས་ཉི་མའི་འོད་ལྟར་ཤར།། སྐྱེས་བུའི་ཐུགས་ལ་གང་ཤར་བ།། ཀུན་ཏུ་བཟང་པོའི་ཐུགས་རྒྱུད་རྫོགས།། སྣང་ལ་རང་བཞིན་མེད་པའི་དོན།། ཆུ་ཟླའི་དཀྱིལ་འཁོར་ལྟ
iiif viewer powered by OpenSeadragon
