| e-texts navigator |
| Wylie |
83a1 རྟག་ཏུ་འཐབས་པ་ཡ་ཆ།། འབྱེད་པ་མེད་པའི་ཆོས་སྐུ་ལ།། སྐུ་གསུམ་སྣང་བ་གསུམ་དུ་ཤར།། སྐུ་གསུམ་རང་བཞིན་འདུག་ཚུལ་གཅིག་པ་ལ།། དུས་གསུམ་དབང་གིས་འཁོར་བར་འཁྱམས་པ་ཡ་ཆ།།
83a2 སྲས་གསུམ་འགག་པ་མེད་པ་ལ། རང་གདངས་ཡུལ་ལ་རྟོབ་ཤ་བྱེད་པ་ཡ་ཆ། བརྡའི་ངོ་སྤྲད་པའི་ལེའུ་སྟེ་གསུམ་པའོ།། །། བསྒྲུབ་པ་མ་ཧཱ་ཡོ་ག་ལ་ངོ་སྤྲད་པ་ནི། སྣང་ལ་རང་བཞིན་མེད་པའི་སྐུ་མེ་ལོང་ལོགས་ལ
83a3 ངོ་སྤྲད།། ཡུལ་གསལ་ལ་མ་འདྲེས་པ་ནམ་མཁའི་འཇའ་མཚོན་ལ་ངོ་སྤྱོད།། ཐུགས་གཉིས་སུ་མེད་པ་ཆུའི་ཟླ་བ་ལ་ངོ་སྤྲད།། མ་ཧཱ་ཡོ་ག་ངོ་སྤྲོད་གསུམ་པོ་འདིས་ནི་མ་སྒྲུབས་པར་སངས་རྒྱས་པར་བསྟན་པའོ།།
83a4 ལུང་ཨ་ནུ་ཡོ་ག་ལ་ངོ་སྤྲད་པ་ནི། འཛིན་པའི་རིག་པ་ཀུན་ཏུ་བཟང་པོ་ཡུལ་རང་གདངས་ནི། སྐུ་བདེ་བ་འགག་མེད་དུ་ངོ་སྤྲད་པས་རྩོལ་བ་མེད་པར་སངས་རྒྱས་པའོ།། མ་ཧཱ་ཨ་ནུའི་ངོ་སྤྲད་པའི་ལེའུ་སྟེ་བཞི
83a5 པའོ།། །། མན་ངག་རྫོགས་ཆེན་ཁ་འཇམ་ལ་ངོ་སྤྲད་པ་ནི། རང་བཞིན་ལྷུན་གྱི་གྲུབ་པའི་སྐུ་བརྡལ་ཁྱབ་ཆེན་པོ་ལ་བསྒོམས་དང་མ་བསྒོམས་གཉིས་སུ་མེད་ཡེ་ཤེས་སངས་རྒྱས་ཆེན་པོར་བསྟན་པའོ།། མན་ངག
83a6 ཨ་ཏི་ཡོ་ག་ལ་ཁ་འཇམ་ངོ་སྤྲད་པ་དང་།། ཡང་དག་པའི་མན་ངག་ཐིག་ལེ་འདུས་པ་ལ་ངོ་སྤྲོད་པ་གསུམ་ཏེ། རང་ཕྱིའི་སྣང་བ་ཐམས་ཅད་རང་བཞིན་གྱི་འོད་གསལ་བ་ཞེས་བྱ་གཞི་རང་གདངས་སུ་ངོ་སྤྲད་པ་དང་།།
iiif viewer powered by OpenSeadragon
