| e-texts navigator |
| Wylie |
82b1 བ་འཁོར་རྒྱ་ཐེག་ཏུ་བསྟན་པའི་ཕྱིར། སྒྲུབ་པ་མ་ཧཱ་ཡོ་ག་ལ་ངོ་སྤྲད་པ་དང་། ལུང་ཨ་ནུ་ཡོ་ག་ལ་ངོ་སྤྲད་པ་དང་། མན་ངག་ཨ་ཏི་ཡོ་ལ་ངོ་སྤྲད་པ་དང་། ཡང་དག་པའི་མན་ངག་ཐིག་ལེ་འདུས་པ་ལ་ངོ་སྤྲད་པ་དང་།
82b2 རྩ་དང་རླུང་ཐིག་ལེ་ངོ་སྤྲད་པ་དང་། བརྡ་ངོ་སྤྲས་པ་དང་། འཁྲུལ་བཞི་ལ་ངོ་སྤྲད་པ་དང་།། འཁྲུལ་པ་ལ་ངོ་སྤྲད་པ་དང་།། གནས་ལ་ངོ་སྤྲད་པ་དང་། ལྡོག་པ་ལ་ངོ་སྤྲད་པ་དང་། ལོག་པ་རང་གི་མཚན་ཉིད་ལ་ངོ་སྤྲད
82b3 པའོ།། རྩ་བ་མདོར་བསྡུས་པའི་ལེའུ་སྟེ་དང་པའོ།། །། ཐོག་མ་མེད་པའི་དུས་ཉིད་ན། གནས་མེད་ངོ་བོ་གཉིས་ཀྱི་གནས།། སྟོན་པའི་ལྷུན་གྲུབ་ཆེན་པོ་སྟེ།། འཁོར་ནི་རང་གདངས་ཆེན་པོ་སྟེ།། བསྟན་པ་རང་ཤར
82b4 ཆེན་པོ་ལ།། ངོ་བོ་རང་བཞིན་ཐུགས་རྗེ་གསུམ་དུ་གནས་སོ།། ངོ་བོའི་སྟོན་པ་འོད་མི་འགྱུར་བ་ཞེས་བྱ་བ།། རང་གསལ་བརྡལ་ཁྱབ་འདུས་མ་བྱས་སུ་གནས་སོ།། ཐུགས་རྗེའི་སྟོན་པ་མར་མེ་མཛད་ཅེས་བྱ་བ།།
82b5 འགག་མེད་བརྡལ་ཁྱབ་འདུས་མ་བྱས་ལ་གནས་སོ།། རང་བཞིན་གྱིས་སྟོན་པ་འོད་བསྲུངས་ཞེས་བྱ་བ། གཉིས་མེད་བརྡལ་ཁྱབ་འདུས་མ་བྱས་ལ་གནས་སོ།། གཞི་གཏན་ལ་དབབ་པའི་ལེའུ་སྟེ་གཉིས
82b6 པའོ།། །། སྟོན་པ་གསུམ་ལ་སྲས་རྣམ་པ་གསུམ་འཁྲུངས་པ་ཡ་ཆ། ལྷུན་གྲུབ་རླུང་ཆེན་མ་འགགས་པས།། རིག་པ་རང་གསལ་ཆེན་པོར་བསྐྱོད།། སྟོང་པ་རང་གདངས་འོད་དུ་གཟུང་།། སྲས་གསུམ་དུས་མེད
iiif viewer powered by OpenSeadragon
