| e-texts navigator |
| Wylie |
82a1 བདེ་སྟོང་ཉིད་དུ་ལྟ་སྟངས་བྱ།། འོད་གསལ་ཉིད་དུ་ལྷངས་ཀྱིས་འབྱུང་།། ཞེས་གསུངས་སོ།། ཐིག་ལེ་མཐོང་རྟོལ་གྱི་རྒྱུད། རིག་པ་ལྷུར་འབྱུང་གི་བརྡ། སྲོག་གི་ཆན་པ་ཡང་ཏི་ནག་པོའི་རྒྱུད་རྫོགས
82a2 སོ།། །། ཤུ་བྷཾ།། །། དགེའོ།། ། ཕྱི་ནང་གསང་བ་གསུམ་གྱི་ཡང་ཞུན་ཐིག་ལེ་འདུས་པ་བཞུགས་སོ།། @#།། ཕྱི་ནང་གསང་བ་གསུམ་གྱི་ཡང་ཞུན་ཐིག་ལེ་འདུས
82a3 པ། སངས་རྒྱས་འོད་དཔག་ཏུ་མེད་པ་དང་། འོད་སྲུང་དང་མར་མེ་མཛད་གསུམ་གྱིས་དགོངས་པ་གཅིག་ཏུ་བསྟན་པ། སངས་རྒྱས་ཐམས་ཅད་ཀྱི་དགོངས་པ་བསྡུས་པ་ཐིག་ལེ་འདུས་པའི་རྒྱུད་ཅེས་བྱ་བ། འཁོར་བ
82a4 རྒྱ་ཐེག་ཏུ་བསྟན་པའི་ཕྱིར། ཐོག་མའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ།། རྒྱུད་ཐམས་ཅད་ཀྱི་སྙིང་པོ། ལུང་ཐམས་ཅད་ཀྱི་རྩ་བ། མན་ངག་ཐམས་ཅད་ཀྱི་ཉིང་ཁུ། གསང་བ་བས་ཀྱང་གསང་བ།
82a5 ཀུན་ཏུ་བཟང་པོ་མ་འཁྲུལ་པའི་དགོངས་པ། གཞིའི་འདུག་ཚུལ་འཁོར་བ་དོང་སྦུགས་སུ་བསྟན་པ། རྒྱུད་ཉི་ཤུ་རྩ་ལྔའི་རྩ་བ། མན་ངག་གསུམ་བརྒྱ་རྩ་གཉིས་ཀྱི་རྩ་བ། ཕྱི་ནང་གསང་གསུམ་གྱི་ཡང་ཞུན། ཐིག་ལེ
82a6 འདུས་པས། སངས་རྒྱས་འོད་དཔག་ཏུ་མེད་པ་འོད་སྲུང་དང་། མར་མེ་མཛད་གསུམ་གྱི་དགོངས་པ་གཅིག་ཏུ་བསྟན་པ། སངས་རྒྱས་ཐམས་ཅད་ཀྱི་དགོངས་པ་འདུས་པ། ཐིག་ལེ་འདུས་པའི་རྒྱས་རྒྱུད་ཟེར་ཞེས་བྱ
iiif viewer powered by OpenSeadragon
