| e-texts navigator |
| Wylie |
81b1 མཐོང་རྟོལ་རིག་པའི་འཁོར་ལོ་སྐོར།། ཕུང་མགོ་ཆན་པས་ཐོབ་ལ་སྒྲོལ།། སྲིད་གསུམ་དབང་དུ་བསྡུས་ལ་སྦྱོར་སྒྲོལ་གྱིས།། ཞེས་གསུངས་སོ།། ཡང་བཀའ་སྩལ་པ། རིག་པ་འགག་པ་མེད་པ་ལ།། ཤེས་རབ་འགག
81b2 པ་མེད་པ་ཡིས།། སྣང་སྲིད་བྱུང་ཐོབ་སྲོག་གི་རྩ་བ་ཆོད།། ཐུགས་ཀྱི་རེག་ཆོད་སྤུ་གྲི་ཚོལ།། འཛིན་བྱེད་ཞགས་པ་ཆོད་ལ་ཐོང་།། ཞེས་གསུངས་སོ།། ཡང་བཀའ་སྩལ་པ། ཐིག་ལེ་མཐོང་ནས་རྟོལ་བ་ནི།། ཙིཏྟའི་ནང
81b3 དུ་རབ་བཏགས་པ།། རིག་པ་སྟོང་པར་གསལ་བ་ནི།། དེ་ནི་ནང་གི་ཐིག་ལེ་ཡིན།། སྣང་བར་སྟོང་པར་ཤེས་པ་ནི།། དེ་ནི་ཐིག་ལེའི་སྤྱི་རྟོལ་ཡིན།། ཉམས་མྱོང་འདྲེས་པའི་བདེ་གསལ་ནི།། ཐིག་ལེ་ཕྱི་ནང་རྟོལ་བ
81b4 ཡིན།། ཞེས་གསུངས་སོ།། ཡང་བཀའ་སྩལ་པ། ཐིག་ལེ་ཐོག་མ་མཐོང་ནས་མ་རྟོལ་ན།། རིག་པའི་གནད་དུ་བརྡེག་པར་བྱ།། ཚོགས་དྲུག་རོལ་པ་ཤར་བ་ལ།། རིག་པ་བདེ་བར་རང་ཤར་ལྟོས།། དེ་ནི་ཐིག་ལེ་ཕྱི
81b5 རྟོལ་ཡིན།། དཀར་པོ་དུས་སུ་རབ་ཏུ་སྦྱངས། ཁོང་ནས་ཡིད་ཀྱི་འགྱུར་བ་ལ།། འགྱུ་བས་འགྱུ་བའི་དུས་ཚོད་དུ།། བདེ་གསལ་ཉིད་དུ་ལྗང་ངེ་བལྟ།། དེ་ནི་ཐིག་ལེ་ནང་རྟོལ་ཡིན།། གཉིས་སུ་མེད་པའི་ཡེ་ཤེས་ལ།། རྒྱུ
81b6 དང་རྐྱེན་གྱིས་མ་བསྐྱེད་པས།། རང་ཡན་ཉིད་དུ་ཤེས་པར་གསལ།། དེ་ནི་ཕྱི་རྟོལ་ནང་རྟོལ་ཡིན།། ཞེས་གསུངས་སོ།། ཡང་བཀའ་སྩལ་པ། རིག་པ་ནང་སྐྱིལ་ངས་གསུངས་དང་།། བདེ་སྟོང་ཉིད་དུ་ལྷུར་གྱིས་འབྱུང་།།
iiif viewer powered by OpenSeadragon
