| e-texts navigator |
| Wylie |
81a1 ཀྱི་རྩ་ལྔ་ནི།། གཉིས་སྣང་མེད་པའི་ཤེས་རབ་ལ།། ཐོགས་པ་མེད་པའི་ཤེས་རབ་ཀྱིས།། འགག་པ་མེད་པའི་རིག་པ་ལ།། རང་རིག་ཡེ་ཤེས་ཟང་ཐལ།། ལྷངས་ཀྱིས་ཤེས་པ་ཤེས་རབ་ཡིན།། ཞེས
81a2 གསུངས་སོ།། རྩ་རླུང་ཐིག་ལེའི་ལེའུ་ལས་ཡང་གསང་རང་གྲོལ་གྱི་ལེའུ་སྟེ་དྲུག་པའོ།། །། བཛྲ་ས་ཏ་ཁྱོད་ཉོན་ཅིག། རྒྱས་པའི་རྩ་ལ་བསམ་མི་ཁྱབ།། བསྡུ་ན་རྣམ་པ་གཉིས་སུ་འདུས།། ཆོས་རྣམས་ཚིག་གི་རྩ
81a3 རྣམས་ནི།། ཡང་དག་དོན་གྱི་རྩ་གཉིས་སོ།། འདི་ནི་ཡང་དག་དོན་གྱི་རྩ།། ཞེས་གསུངས་སོ།། ཀུན་ཏུ་བཟང་པོས་གསུངས་པ་ཡིས།། ཡེ་ཤེས་རྩ་རླུང་གི་རྒྱུད་ཆེན་འདི།། ཀུན་ཏུ་བཟང་པོའི་ཐུགས་ཀྱི་བཅུད།། རྡོ
81a4 རྗེ་སེམས་དཔའ་སྲོག་གི་ཐིགས་པ།། དགའ་རབ་རྡོ་རྗེའི་སྲོག་གི་འཁོར་ལོ།། སྲོག་གི་ཆན་པ། ཐུགས་ཀྱི་རེག་ཆོད། རིག་པ་སྲོག་གི་འཁོར་ལོ་ཞེས་གསུངས་སོ།། རྩ་རླུང་རྒྱུད་འཇམ་དཔལ་འདུས་པའི་རྒྱུད་ལས།
81a5 བསྡུས་པ་རྫོགས་སོ།། །། བཅོམ་ལྡན་འདས་ཀུན་ཏུ་བཟང་པོ་ཡིས།། ལྷུན་གྲུབ་སྐུ་ལ་ཕྱག་འཚལ་ནས།། ཐིག་ལེ་མཐོང་རྟོལ་རྒྱུད་གསུངས་པ།། སྟོན་པ་ཀུན་ཏུ་བཟང་པོ་ཡིས།། གནས་ནི་ཐིག་ལེ་མཁའ་ཁྱབ
81a6 ཏུ། འཁོར་ནི་རང་བྱུང་ཡེ་ཤེས་ལ།། དུས་ནི་ཐམས་ཅད་རང་བྱུང་དུས།། བསྟན་པ་གཉིས་མེད་ཐིག་ལེའོ།། ཞེས་གསུངས་སོ།། ཀུན་ཏུ་བཟང་པོས་བཀའ་སྩལ་པ།། འཁོར་གྱི་རྡོ་རྗེ་སེམས་དཔའ་ཁྱོད།། ཐིག་ལེ
iiif viewer powered by OpenSeadragon
