| e-texts navigator |
| Wylie |
80b1 ང་དུ་ནི།། ཚོགས་དྲུག་རོལ་པའི་ངོ་སྤྲད་པས།། འདོད་ཡོན་ལྔ་དང་ཆགས་སྡང་ལྔ།། རང་བྱུང་རང་གྲོལ་རང་ཤར་གསལ།། བདེ་གསལ་དང་དུ་ངོ་སྤྲད་དོ།། ཅེས་གསུངས་སོ།། རྩ་ལུང་གི་ལེའུ་ལས་ཕྱི་རང་གྲོལ་གྱི
80b2 ལེའུ་སྟེ་གསུམ་པའོ།། །། རྡོ་རྗེ་སེམས་དཔའ་ཁྱོད་ཉོན་ཅིག། ནང་དུ་བཤད་པའི་རྩ་ལྔ་ནི།། ཡེ་ཤེས་ཆེན་པོའི་རོལ་པའི་རྩ་ལྔ་སྟེ།། གསལ་བྱེད་ཤེས་རབ་རྒྱས་གདབ་པས།། ནང་གི་རྩ་ལྔ་གཅིག་ཏུ་འཁྱིལ།།
80b3 ཤེས་རབ་ཆེན་པོ་ཅིག་ཏུ་གསལ།། ཡེ་ཤེས་ལྔ་པོ་གཅིག་ཏུ་གྲོལ།། དབྱིངས་ལྔ་རིག་པའི་ཀློང་དུ་གྲོལ།། རང་གྲོལ་རང་ཤར་ངོ་བོ་ཤེས་པས།། དེ་ནི་རྣལ་འབྱོར་མ་ཡིན་ཞེས་གསུངས་སོ།། རྩ་རླུང་ཐིག་ལེའི་ལེའུ་ལས།།
80b4 ནང་རང་གྲོལ་ལེའུ་སྟེ་བཞི་པའོ།། །། རྡོ་རྗེ་སེམས་དཔའ་ཁྱོད་ཉོན་གཅིག། གསང་བར་ཤར་བའི་རྩ་ལྔ་ནི།། ཐིག་ལེ་ཉག་གཅིག་རོལ་པ་ལྔ།། རང་བྱུང་ཡིན་པར་ངོ་ཤེས་པས།། སྒོམ་སྒྲུབ་མེད་པའི་རང་ཤར
80b5 བ།། ད་ལྟར་སྒོམ་སྒྲུབ་བྱེད་པ་ནི།། ང་ཡི་གཞི་ལ་འཆོས་པ་སྟེ།། ཤེས་རབ་ཆུང་བའི་གོལ་ས་ཡིན།། ལྟ་བ་རང་ཤར་ཆེན་པོ་ལ།། སྒོམ་པ་རང་གྲོལ་ཆེན་པོ་ཡིན།། སྤྱོད་པ་ཚོགས་དྲུག་ལྷུག་པ་ལ།། འབྲས་བུ་ཡུལ་སྣང
80b6 མེད་པ་ཡིན།། ཡེ་ཤེས་ཟང་ཐལ་ཆེན་པོ་ལ།། བར་དོ་མེད་པའི་རང་གྲོལ་ཡིན།། ཞེས་གསུངས་སོ།། རྩ་རླུང་གི་ལེའུ་ལས་གསང་བ་རང་གྲོལ་གྱི་ལེའུ་སྟེ་ལྔ་པའོ།། །། བཛྲ་ས་ཏྭ་ཁྱོད་ཉོན་ཅིག། དེ་ཁོ་ན་ཉིད
iiif viewer powered by OpenSeadragon
