| e-texts navigator |
| Wylie |
79a1 ལ་སྐད་ཅིག་མ་མེད་པ་དང་། སྐུ་གསུམ་ལ་འདུ་འབྲལ་མེད་པ་དང་། སྙིང་པོ་ལ་འཕོ་འགྱུར་མེད་པ་དང་། ཤེས་རབ་ལ་དགག་སྒྲུབ་མེད་པ་དང་། ཐིགས་ལེ་ཉག་ཅིག་ལ་གཉིས་སྣང་མེད་པའོ།། ལུང
79a2 ལས་ཀྱང་གཉིས་མེད་གཉིས་སུ་མེད་པར་བསྟོན་ཅེས་བྱ་བ་དང་། སངས་རྒྱས་སེམས་ཅན་གཉིས་མེད་དེ། ཅེས་པས་གསལ་ལོ།། བརྡའ་དོན་གྱི་ལེའུ་སྟེ་གཉིས་པའོ།། །། ཀུན་ཏུ་བཟང་པོས་བཀའ་སྩལ་པ།
79a3 དམ་ཚིག་ཐུན་ཅིག་ནི། ཡང་ཏི་ནག་པོ་གསེར་གྱི་འབྲུ་གཅིག་པ། དཔེར་ན་རིན་ཆེན་གསེར་གྱི་རྡོ་བ་ལ། བྱ་དང་ཁྱི་དང་སྐུ་གཟུགས་རྣམས།། བྱས་ཀྱང་གསེར་ལས་འགྱུར་བ་མེད། བཟང་དུ་མ་སོང་ངན་དུ་མི་འགྲོ་སྟེ།
79a4 གཟུགས་ཀྱི་རྣམ་པ་ཐ་དད་ཀྱང་། ངོ་བོ་གསེར་ལས་འགྱུར་བ་མེད།། དེ་བཞིན་དམ་ཚིག་ཐུན་གཅིག་ནི། ཐིག་ལེ་ཉག་ཅིག་དོན་རྟོགས་ན། བསྲུང་དུ་གཉིས་སྣང་མེད་པའི་ཕྱིར།། བསྲུང་བྱ་བྱུང་ན་ཡང་ཏེ་མིན། བསྲུང
79a5 བྱ་བྱུང་ན་ཉག་ཅིག་མིན། གཉིས་སྣང་བྱུང་ན་གཉིས་འཛིན་ཡིན།། སོ་སོའི་སྐྱེ་བའི་ཁྱུ་རུ་གོལ།། གོལ་ཕྱིར་ཡང་ཏིའི་དམ་ཚིག་མིན།། དེ་ཡང་ལུང་ལས་དམ་ཚིག་ཆེན་པོ་དེ་ཉིད་མཁྱེན། དབང་པོའི་བསམ་པ་མཁྱེན
79a6 མཆོག་གིས།། བརྡ་ནི་དུག་ལྔ་རང་གྲོལ་རང་ཤར་བའོ།། སྒྲ་ནི་སཾ་ཡ་ཏྲི་ཀ་ཡའི་ཨེ་ཀའོ།། ཅེས་གསུངས་སོ།། བརྡ་སྒྲ་དོན་གྱི་ལེའུ་སྟེ་གསུམ་པའོ།། །། ཀུན་ཏུ་བཟང་པོས་བཀའ་སྩལ་པ། དཔེ་བརྡ་གཅིག་ནི།།
iiif viewer powered by OpenSeadragon
