| e-texts navigator |
| Wylie |
78b1 ཅིང་།། མཐར་ཕྱིན་ཀུན་གྱིས་དོན་མཐར་མཛད་འགྱུར་ཅིག། བསྟན་པའི་ཉི་མའང་མི་ནུབ་རྒྱལ་མཚན་ཤོག། རྣལ་འབྱོར་ཆེན་པོའི་ལམ་གྱི་རིམ་པའི་རྒྱུད་ཀྱི་མཆོག་རྫོགས་སོ།། །
78b2 དམ་ཚིག་བཀོད་པ་བཞིའི་རྒྱུད་བཞུགས་སོ།། @#།། རྒྱ་གར་སྐད་དུ། ས་མ་ཡ་ཨ་གྲ་ཛཱ་ཏནྟྲ། བོད་སྐད་དུ། དམ་ཚིག་བཀོད་པས་གཞིའི་རྒྱུད་རིན་པོ་ཆེའི་རྒྱན་ཞེས་བྱ་བ། བཅོམ་ལྡན་འདས་དཔལ
78b3 ཀུན་ཏུ།། བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་དཔལ་ཀུན་ཏུ་བཟང་པོ་འོག་མིན་གྱི་གནས་མཆོག་ཆེན་པོ་ན་བཞུགས་པའི་ཚེ། དཔལ་རྡོ་རྗེ་སེམས་དཔས
78b4 ཡང་ཏིའི་ཆོས་ཞུས་པས། ཀུན་ཏུ་བཟང་པོས་བཀའ་སྩལ་པ། སྙན་རྒྱུད་ཀྱི་གདམས་ངག་རྣམ་པ་གསུམ་སྟེ། སངས་རྒྱས་ཉག་གཅིག་དང་།། དམ་ཚིག་ཐུན་གཅིག་དང་། དཔེ་བརྡ་གཅིག་གོ། སངས་རྒྱས་བརྡའི་ལེའུ
78b5 སྟེ་དང་པོའོ།། །། རྡོ་རྗེ་སེམས་དཔས་ཞུས་པ། སངས་རྒྱས་ཉག་གཅིག་ནི། རིག་པ་དངོས་མེད་ཡེ་ཤེས་ལ། སྐུ་གསུམ་བཀའ་ནས་མ་གྲུབ་བོ།། ཅི་སྟེ་ལོག་སྣང་མེད་པའི་ཕྱིར། བརྡའ་ནི་མིག་གི་རྣམ་པར་ཤེས
78b6 པའོ།། དོན་ནི་ཡེ་ཤེས་རང་ལ་ལྷུན་གྱིས་གྲུབ་པའོ།། སྒྲ་ནི་ཛྙཱ་ན་ཀཱ་ཡའི་ཨའོ།། སངས་རྒྱས་ཉག་ཅིག་ནི། དགོངས་པ་ལ་ཐུན་མེད་པ་དང་། ཆོས་ཉིད་ལ་བར་དོ་མེད་པ་དང་། ཡེ་ཤེས་ལ་སྐྱེ་བ་མེད་པ་དང་། ཆོས་སྐུ
iiif viewer powered by OpenSeadragon
