| e-texts navigator |
| Wylie |
77b1 གསང་སྒོ་དབྱེ་བར་བྱ།། བླ་མེད་སྙིང་པོར་སྨོན་པའི་རྐྱེན།། བློ་གྲོས་ཆེན་པོ་དྲི་བའི་ཡུལ།། ལམ་སྟོན་ས་མཁན་བཤེས་གཉེན་མགོན།། མུན་སེལ་སྒྲོན་མ་རིན་པོ་ཆེ།། མཐོང་མིག་དབང་པོ་ཡིད་རྣམ་ཤེས།། ཆུ་བོ་རབ
77b2 མེད་སྒྲོལ་བའི་གྲུ།། འཇིགས་པའི་རྫོང་ཆེན་རྟེན་པའི་མཁར།། འཁོར་བའི་ལྕོང་འབྱིན་སྨན་པའི་མཆོག། མཚོ་གླིང་རིན་ཆེན་ལེན་བྱེད་པའི།། དེད་དཔོན་དམ་པའི་བླ་མ་དེ།། མངོན་དུ་ངེས་པར་ཤེས་པར་བྱ།།
77b3 བརྟག་པ་བསྔོ་བ་ཀུན་ལྡན་ན།། གཞན་གྱི་ཡུལ་ལ་འགྲོ་མི་བྱ།། དམ་པའི་ཡོ་བྱད་ལྔ་རྫོགས་ན།། དམན་པའི་ཡོ་བྱད་མེད་ལ་མིན།། ངེས་པར་ཀུན་ཏུ་བཟང་ཉིད་ན།། གང་གི་ལྷ་ཡུལ་ངན་ལ་མིན།། སྒྲོན་མེ་འཚུབ
77b4 རླུང་སྐྱོན་ལ་མིན།། འདོད་ཆགས་ཚིག་འཆལ་དམན་ལ་མིན།། བླུན་རྨུགས་རྨོངས་ལ་ག་ལ་སྲིད།། འདུན་པ་ནས་བཟུང་ལས་རུང་བའི།། བར་དུ་དེ་ལ་ལྟོས་དགོས་སོ།། བསྐལ་པ་འབུམ་གྱི་སངས་རྒྱས་པས།། སློབ
77b5 དཔོན་གཉེན་པར་ཤེས་པར་བྱ།། ཅི་ཕྱིར་བསྐལ་པའི་སངས་རྒྱས་རྣམས།། སློབ་དཔོན་དག་ལ་བརྟེན་ཏེ་བྱུང་།། སློབ་དཔོན་དག་ལ་མ་བརྟེན་པའི།། སངས་རྒྱས་གང་ཡང་མི་འབྱུང་སྟེ།། བྱུང་ན་དམ་པའི་ལུང་དང
77b6 འགལ།། རང་བཞིན་ཀུན་དང་མི་ལྡན་ཡང་།། མན་ངག་དམ་པའི་མཛོད་དང་མཉེར་ལྡན་ན།། དམ་པར་བཟུང་ཞིང་དམ་པར་བྱ།། དམ་པའི་ཡོ་བྱད་ལྔས་དབུལ་བའི།། འཕོངས་པ་དེ་ཡིས་གཞན་བསྒྲལ་ན།། དེ་ཡང
iiif viewer powered by OpenSeadragon
