| e-texts navigator |
| Wylie |
76a1 རྣམས།། བསླབ་པ་སྦྱོང་བའི་བརྩོན་འགྲུས་རྩོམ།། དག་དང་མ་དག་གིས་སྤྱོད་པས།། འཕྲ་མིན་སྤྱོད་པའི་ཚུལ་དུ་འགྱུར།། དཔའ་བོ་སྒེག་ཆེན་ཧེ་རུ་ཀ། བརྟགས་པའི་སྤྱོད་ཡུལ་སྙིང་པོར་དག། ཀུན
76a2 བཟང་བསྟིང་པའི་བླ་དགས་བྲལ།། རྣལ་འབྱོར་བསྒྲུབ་པའི་ལུང་ཉིད་ལས།། འབྲས་བུ་རྣལ་འབྱོར་གྱི་ལེའུ་སྟེ་གསུམ་པའོ།། །། རྒྱལ་བ་རྒྱ་མཚོ་རྣམས་ཀྱི་ཡུམ།། རིགས་འཛིན་སེམས་དཔའ་རྣམས་ཀྱི་ཡབ།། རྣལ
76a3 འབྱོར་ས་བཅུར་འགྲོ་བའི་ཤུལ།། ལམ་གྱི་ནང་ནས་ཉི་ལམ་འདི།། ཚིག་འགའ་ཐོས་པ་ཙམ་གྱིས་ནི།། ཆོག་པའི་འདུ་ཤེས་མ་སྐྱེས་པ།། ཕྱོགས་ཆས་མྱ་ངན་འདས་འདོད་ཅིང་།། བསླབ་བྱ་གང་ཡིན་ཆུབ་པ་ན།།
76a4 དཔའ་བོ་གཉིས་ལ་རྒྱབ་ཕྱོགས་པ།། རྣལ་འབྱོར་རིམ་པའི་སྣོད་མིན་ཕྱིར།། མཚན་ཉིད་ཤེས་ནས་སྤང་བའི་རིགས།། སྙིང་རྗེས་བཏང་སྙོམས་ཡང་རབ་བྱ།། གྲུ་དང་མཉམ་པ་མཁས་དག་ལ།། བརྟེན་ནས་རིན་ཆེན
76a5 ལོན་པ་ལྟར།། ཐབས་མཁས་བླ་མ་གྲུབ་མཁན་ལག། བརྟེན་པས་བསྐོར་བདུན་དབུལ་བ་སེལ།། ཤིན་ཏུ་གསང་བའི་རྣལ་འབྱོར་དོན།། སྣོད་མ་ཡིན་པར་གྱུར་པ་དང་།། ཕྱི་ནང་གསང་བ་གསུམ་དག་ཏུ།། སྦ་བའི
76a6 ཐབས་སུ་སྤྱད་ནས་ཀྱང་།། གསང་བའི་ཆོས་རྣམས་གསང་བར་བྱ།། བརྟན་པའི་སྣོད་མེད་སྣོད་ན་དག། རྣམ་པ་བཞིས་བསྡུས་བྱེ་བྲག་རྣམས།། མ་འོངས་རྣལ་འབྱོར་བཅུད་ཅན་གྱིས།། ཤེས་ནས་སྤང་བར་བྱ་ཕྱིར
iiif viewer powered by OpenSeadragon
