| e-texts navigator |
| Wylie |
29b1 གྲངས་ངེས་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ་ཀུན་བཟང་པོས།། ཉིད་ཀྱི་ཆེ་བའི་ཡོན་ཏན་ལ་ངོ་མཚར་བས།། ཉིད་ཀྱི་འདི་ལ་བརྗོད་པ། དྲག་པོ་དབེན་པ་རྡོ་རྗེའམ།། མི་ཚོར་མི
29b2 སེམས་གཏི་མུག་སེམས།། ཚིག་ཏུ་སྨྲ་བས་ལན་མི་སྨན།། རྒྱལ་བའི་ལྷ་རྒྱལ་རྒྱལ་བའི་གཙོ།། ཆོས་ལ་ཤེས་པ་བྱ་བ་དང་།། མཐོང་བྱ་བསྟན་བྱ་མེད་པ་ན།། ལན་བཏབ་པས་ན་ཆོས་ཉམས་ཏེ།། ཤེས་པ་མཐོང་ས་ཡོད
29b3 པར་འགྱུར།། ཡང་དག་ཉིད་དང་ཡང་དག་པ།། སྨྲས་ན་ཡང་དག་ཉིད་མ་ཡིན།། རྒྱུ་ལས་འབྲས་བུ་རྟེན་བྱེད་པ།། འཁྲུལ་པ་བྱིས་པ་རྣམས་ཀྱི་ལས།། སྟོང་པའི་ཐར་སྔགས་རྒྱུ་བའི་ཆོས།། སྟོང་པ་བཞིའི་ཞི་བས
29b4 བཅིངས།། ཚོར་བ་ཡང་དག་མ་ཚོར་བས།། ཞི་བའི་ཆོས་ལ་ཞི་བྱེ་མེད།། ཡང་དག་ཉིད་དང་འབྲེལ་བྱ་དགོས།། དངོས་པོ་རྣམ་པ་མཐོང་ན་ཡང་།། རྣམ་པ་ཅིར་ཡང་མི་དམིགས་ན།། དངོས་པོ་དངོས་མེད་སྒོམ
29b5 པའོ།། དེ་མ་ཟག་ཏུ་དེར་འཆོར་ན།། དེ་ལ་ཡང་དག་ནམ་མཁའ་འབྱུང་།། དགོངས་པ་མཆོག་ཏུ་གྱུར་པ་ཡི།། ཟིན་པོ་ལྟ་བ་མི་ལྟ་ན།། ལྟ་བ་ཐར་བར་འགྱུར་བ་དེ།། ལྟ་བའི་འདུས་ཤེས་ཟད་པར་མེད།། བྱང་ཆུབ
29b6 མཆོག་ཏུ་ལྟ་བ་ཡི།། སེམས་ལ་བསྟོད་པས་འཕམ་པར་མེད།། གཟུགས་སྒྲ་དངོས་མེད་ལྟ་རུ་མེད།། སྟོང་དང་སྨད་པའི་དོན་མེད་པས།། བསྒོམ་བྱ་གཟའ་གཏད་དང་བྲལ་བ།། དྲང་སྲོང་གྲོལ་བའི་ཤུག་མ་སྟེ།། རྣལ
iiif viewer powered by OpenSeadragon
