| e-texts navigator |
| Wylie |
28a1 ཡིན།། གཟུགས་སྒྲ་དྲི་རོ་རྡུལ་སྣ་ཚོགས།། རང་གི་སེམས་ཉིད་སྣང་ལས་ཤར།། ཚོར་ཞིང་ཤེས་ན་མི་བདེན་པའི།། འདུ་ཤེས་འདུ་ཤེས་མི་སྐྱེའོ།། མི་བདེན་འདུ་ཤེས་མ་སྐྱེས་ན།། དེ་ཉིད་དེ་བཞིན
28a2 གཤེགས་པའི་མཛོད།། ངོ་བོ་ཉིད་ཀྱི་ཆོས་ཉིད་ལ།། ཡང་དག་ཉིད་ཀྱང་སྐྱེ་མེད་ཅིང་།། མིང་དང་མཚན་མ་མ་སྐྱེས་པས།། དེ་ཉིད་དེ་བཞིན་ཉིད་ཅེས་གསུངས།། སྐྱེ་མེད་ཡང་དག་ཉིད་མཁྱེན་ན།། མི་བདེན་པའི་ཆོས
28a3 སྣ་ཚོགས།། མིང་དང་མཚན་མ་ཚིག་བཤད་དང་།། བྲལ་བས་ཡང་དག་ཡེ་ཤེས་སྣོད།། དོན་དམ་པའི་གདེན་པ་ཉིད།། མི་བདེན་ཆོས་སྐྱེ་མེད་ན།། མཚན་མའི་ཚོགས་དང་མ་འབྲེལ་བས།། མི་བདེན་རྒྱུན་ནི་བཅད་དུ
28a4 མེད།། སེམས་ལ་སེམས་ནི་མེད་མཁྱེན་ན།། སེམས་ཞེས་བྱ་བར་བཅད་དུ་མེད།། དེ་ནི་རང་བྱུང་ཡེ་ཤེས་ཉིད།། རྣམ་ཤེས་ཡུལ་ལ་མ་སྐྱེ་བ།། རྣམ་པར་རྟོག་པ་མེད་པ་སྟེ།། ཆོས་ཀྱི་དབྱིངས་ནི་པདྨའི་སྤྱན།། སེམས
28a5 ལ་སེམས་ནི་མེད་ཞེས་ཤིང་།། ཆོས་ལ་ཆོས་མེད་པར་ཤེས་ཏེ།། མིང་དང་གཟུགས་སྒྲ་སྣ་ཚོགས་པ།། དེ་བཞིན་གཤེགས་པ་སངས་རྒྱས་སྤྱོད།། རྡོ་རྗེ་འཆང་རྒྱལ་ཐིག་ལེའི་འོད།། ཟབ་མོ་ཡེངས་པ་ཆོས་ཀྱི
28a6 དབྱིངས།། ཆོས་ལ་གཟུགས་ནི་མེད་པ་སྟེ།། ཤེས་པ་མེད་ཤེས་མེད་པར་གསུངས།། བྱང་ཆུབ་སེམས་དཔའ་ཐིག་ལེ་ཉིད་མི་འབྲེལ།། རང་ཡེ་ཤེས་དབྱིངས་ཉིད་ནི།། ཡིན་དམ་མ་ཡིན་མི་རྟོག་པས།། ཐམས་ཅད
iiif viewer powered by OpenSeadragon
