| e-texts navigator |
| Wylie |
26b1 སྣ་ཚོགས་འཁྲུལ་པའི་སྒྲ།། ཆོས་ཀྱི་སྙིང་པོ་གསུང་དུ་མེད།། དེ་ཕྱིར་བརྗོད་དུ་རྡུལ་ཙམ་མེད།། གསང་མཆོག་དགེ་བ་ཞེས་བྱ་བ།། མིང་གིས་བརྒྱན་པ་སྒྲོ་བསྐུར་ཡིན།། ཚིག་ཏུ་བརྗོད་པ་རྣམ་པར་སྤང་།། རྣམ་ཤེས་སྒྲ
26b2 མས་གཟུང་བའི་ཆོས།། ཡེ་ཤེས་སྒྱུ་མ་སྦྱར་ཤེས་ན།། རྒྱུ་དང་མིའི་རྒྱུའི་དྲན་དབང་ནི།། དམིགས་བྱ་མེད་པར་དྲན་དབང་བསྒྱུར།། ཐབས་ཀྱི་རྒྱལ་པོ་སྒྱུ་མ་ལྷོ།། ཤེས་པ་དྲི་གང་མི་འབྱུང་ཞིང་།། སྣང་བ་གང་ཡང་མི
26b3 མཐོང་བ།། དེ་ནི་བདེ་བ་ཆེན་པོའི་ས།། ཡེ་ཤེས་དབྱིངས་ལས་མི་བརྩོན་ཞིང་།། དྲན་མེད་ཡེ་ཤེས་ཀློང་གནས་པ།། མཉམ་དང་མི་མཉམ་དོན་ལས་འདས།། ཕ་རོལ་ཕྱིན་པ་བཅུའི་མཚོ།། ཟབ་མོ་ཟབ་ལས་བརྒྱན་པ
26b4 ནི།། ཤེས་པ་སྙིང་པོར་ཐེམ་པས་ན། ཆོས་སྐུ་བདེ་བ་ཆེན་པོ་ཡང་།། བསམ་པ་མེད་ན་རང་འབྱུང་སྐུ།། པད་མ་དག་པས་སྣང་བ་མེད།། མི་སྣང་བའི་དོན་དེ་ལ།། བསྒོམ་པ་མེད་ན་སྒོམ་པ་ཡིན།། ཤེས་པ་གང་ལ་མི
26b5 འཇུག་པ།། ཡེ་ཤེས་སྙིང་པོ་ཐིག་ལེ་ཡིན།། རྒྱལ་བ་ཀུན་གྱིས་གཤེགས་ཤུལ་བདེ།། བྱང་ཆུབ་ཉིད་ཀྱང་མི་སྣང་བས།། བྱང་ཆུབ་ཉིད་ནི་མཐོང་བ་མིན།། ཆོས་ལས་དམིགས་པའི་ཆོས་གནས་པ།། འབྲས་བུའི་རྒྱུ་དང
26b6 རྒྱུའི་རྒྱུ།། མེད་པའི་ཡོད་པ་གཉིས་གར་འབྲེལ།། དེ་ལ་མཉམ་དང་མི་མཉམ་མཉམ།། བཤད་པར་ཐོབ་མེད་བྱ་བྲལ་ཆོས།། ཡང་དག་ཆོས་ལས་འབྱུང་བ་མེད།། འཁྲུལ་པའི་སངས་རྒྱས་ཆོས་ཀྱི་བྱེད།། བྱ་བའི་གནས
iiif viewer powered by OpenSeadragon
