| e-texts navigator |
| Wylie |
24b1 ཐོགས་མེད་པས།། རྣམ་རྟོག་སྒྲོལ་བའི་གཉེན་པོ་ཡིན།། བྱང་ཆུབ་སེམས་མི་འགྱུར་བའི་རྡོ་རྗེ།། ཐུགས་རྗེ་ཆེན་པོའི་དོན།། གནམ་སྤར་འདེབས་རྫོགས་སོ།། །
24b2 བྱང་ཆུབ་སེམས་དཔའ་འཁོར་ལོ་རྡོ་རྗེ་ཞེས་བྱ་བའི་རྒྱུད་བཞུགས་སོ།། @#།། རྒྱ་གར་སྐད་དུ། བཛྲ་ཙཀྲ། བོད་སྐད་དུ། འཁོར་ལོ་རྡོ་རྗེ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག
24b3 འཚལ་ལོ།། ཡངས་པ་ཆེན་པོ་ཡུམ་གྱི་མཁའ་ན། སྙིང་པོ་རྡོ་རྗེ་རབ་ཏུ་འབར་རོ།། ཀུན་ཏུ་བཟང་པོ་རྡོ་རྗེ་སེམས་དཔའ་རྣམས་ཀྱང་འོད་ཟེར་དུ་འབར་རོ།། བཅོམ་ལྡན་འདས་གསང་བའི་དཀྱིལ་འཁོར་ན། རྡོ་རྗེ
24b4 དཀྱིལ་འཁོར་ཤིན་ཏུ་གནང་བར་གྱུར་ཏོ།། ཡང་དག་པར་རྫོགས་པའི་བཅོམ་ལྡན་འདས་ནི། དགྱེས་པ་ཆེན་པོ་རོལ་པའི་ངང་དུ་འབྲལ་མེད་དོ།། ཡེ་ཤེས་ཐིག་ལེའི་སྙིང་པོ་ལས། སངས་རྒྱས་སེམས་ཡོངས་ཀྱིས་མེད།།
24b5 རྟོག་པ་བརྟགས་པ་ལས་འབྱུང་བ། ཆོས་བཅོས་ལ་ནི་མཐའ་ཡས་མཆོག། རྣམ་ཤེས་ཕྱི་ནང་ཡུལ་རོལ་ན།། ལམ་ལྔ་བསྡུས་པ་ཟག་མེད་ཆོས།། བརྗོད་ཀྱི་མི་ལང་རྟོག་པའི་རྡུལ།། དེ་བཞིན་དབྱིངས་ལས་བསམ
24b6 ཡང་ཆར།། སྟོང་པ་ཞི་བ་རྣམ་ཤེས་ཀྱིས།། ཆོས་རྣམས་མ་ལུས་ཐམས་ཅད་བསྡུས། སྟོང་ཞིང་དེ་ལས་འགྱུར་བ་མེད།། ཀུན་གྱི་རང་བཞིན་ལམ་མཆོག་འདི།། སྤྱོད་ཡུལ་གང་དུ་རྟག་མེད་པས།། ཇི་ལྟར་རྟག་པར
iiif viewer powered by OpenSeadragon
