| e-texts navigator |
| Wylie |
24a1 བྲལ་བ་ཡི།། བཅོས་པ་མེད་པའི་འཁོར་ལོ་ལ།། མ་བཀོད་ཤར་བའི་དཀྱིལ་འཁོར་མཆོག། ཐམས་ཅད་མངོན་སུམ་ཤར་བ་ཡང་།། བྱིན་རླབས་མཐུ་ལ་མི་ལྟོས་པར།། ཡིད་བཞིན་ལྷུན་གྱིས་གྲུབ་པ
24a2 ནི། བསྔོ་དང་བྲལ་བས་མཆོད་པའི་མཆོག། རྟོགས་པའི་རྒྱལ་མཚན་ཤར་བའི་ཕྱིར།། ཐམས་ཅད་ངོ་བོ་བདག་ཉིད་སྐུ།། དོན་ལ་རིམ་པས་མི་འགྲུབ་པས།། ཐོགས་པ་མེད་པ་དབང་གི་མཆོག། ཕྱོགས་བཅུའི་འཇིག
24a3 རྟེན་རབ་འབྱམས་ན།། གཡོ་ཞིང་བསྐྱོད་པའི་ཆོས་རྣམས་ཀུན།། རང་བྱུང་སྤྲུལ་པ་བསམ་ཡས་ཀྱིས།། བྱ་བྱེད་མེད་པའི་ཕྲིན་ལས་ཕུལ།། མི་དམིགས་བྱམས་པ་ཆེན་པོ་སྟེ།། མཐའ་ཡས་ཐུགས་རྗེ་ཆེན་པོ་ཡིན།།
24a4 རབ་འབྱམས་བདེ་ལ་དགའ་བ་སྟེ།། སྟོང་ཉིད་གསལ་བ་བཏང་སྙོམས་སོ།། གསང་སྔགས་ཆེན་པོའི་ཁྱད་པར་ནི།། རང་རིགས་རྒྱལ་བའི་ཐུགས་རྗེ་ཡིས།། བག་ཆགས་རྡུལ་དུ་བཟློག་པ་དང་།། མཚན་མ་ཟིལ་གྱིས
24a5 གནོན་པ་ནི། ཁྱུང་ཆེན་མཁའ་ལ་ཐོགས་མེད་པས།། སྟེང་འོག་རིམ་གྱིས་མི་བགྲོད་དེ།། སྣང་བ་དུས་གཅིག་གསལ་བ་ནི།། སྐྱེ་འགྲོ་འདུལ་བའི་གཉེན་པོ་ཡིན།། སེང་གེའི་སྐད་ལ་འཇིགས་མེད་པས།།
24a6 གཅན་གཟན་རིམ་གྱི་མི་འདུལ་ཏེ།། གཞན་གྱིས་རྩོལ་བས་མི་ཆུང་པས།། དུད་འགྲོ་འདུལ་བའི་གཉེན་པོ་ཡིན།། རང་བཞིན་གསལ་བའི་བྱང་ཆུབ་སེམས།། རྒྱུ་འབྲས་རིམ་གྱི་མི་བགྲོད་དེ།། བདེ་ཆེན་མཁའ་ལ
iiif viewer powered by OpenSeadragon
