| e-texts navigator |
| Wylie |
246b1 རྟོགས་པའི་རྒྱལ་པོ། སྒྱུ་འཕྲུལ་དྲ་བ་ལེའུ་སྟོང་ཕྲག་བརྒྱ་པ་ལས། མཚན་ཉིད་དང་རྒྱུད་ཐམས་ཅད་ལུང་གིས་དཔྱད་པ། དེ་བཞིན་གཤེགས་པ་ཐམས་ཅད་ཀྱི་གསང་བ། གསང་བའི་སྙིང་པོ་དེ་ཁོ་ན་ཉིད་ངེས་པའི་ལེའུ
246b2 ལས། སྒྱུ་འཕྲུལ་ལེ་ལག་ཅེས་བྱ་བ། བམ་པོ་དང་པོའོ།། །། བཅོམ་ལྡན་འདས་དཔལ་ཀུན་ཏུ་བཟང་པོ་དགྱེས་པ་ཆེན་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་ན། དེ་བཞིན་གཤེགས་པ་དགྱེས་པ
246b3 ཆེན་པོས། མཉམ་པའི་དཀྱིལ་འཁོར་ལ་བཞུགས་ནས། ཉིད་ཀྱི་སྐུ་ལ་ཐམས་ཅད་མ་ལུས་པར་འདུས་པར་བསྟན་ཏེ། ཆེད་དུ་བརྗོད་པ་འདི་བརྗོད་དོ།། འདས་དང་ད་ལྟར་མ་འོངས་དང་།། འབྱུང་བར་མ་ངེས་དུས
246b4 འདི་དག། སྔ་ཕྱི་མེད་པར་མཉམ་ཡིན་པར།། ངེས་པ་མེད་པར་ཡང་དག་གསུངས།། འཇིག་རྟེན་འདས་དང་འཇིག་རྟེན་པའི།། རང་དང་སྤྱི་རུ་བསྟན་པ་དང་།། ཇི་སྙེད་བརྟན་གཡོ་ལ་སོགས་པ།། སྒྱུ་མ་མིག་ཡོར་ཚུལ
246b5 ཡིན་ཏེ།། སྐྱེས་བུ་བློ་རྩལ་རབ་ལྡན་པས།། དེ་ལ་རྟག་ཏུ་མཉམ་སྦྱོར་ཞིང་།། སེམས་ཅན་ཀུན་གྱི་ཞིང་གྱུར་པས།། དེ་དག་གཉིས་མེད་དབྱིངས་སུ་སྦྱོར།། ཐམས་ཅད་ཐབས་ཀྱིས་མཚན་ཉིད་དོ།། ཐབས་དང་ཐབས་ནི
246b6 རྣམ་པར་སྤྱོད།། ཐབས་ཆེན་ཐབས་ལས་བྱུང་བ་ཡི།། དེ་ནི་བྱང་ཆུབ་རྡོ་རྗེ་མཆོག། ཇི་སྙེད་བརྗོད་པའི་ཁ་བརྒྱུད་ཀྱང་།། ཡང་དག་དོན་གྱི་སྙིང་པོ་ནི།། གང་ནས་བཙལ་ཡང་མི་རྙེད་དོ།། རང་རིག་སྒྲིབ་མེད་དག་པ
iiif viewer powered by OpenSeadragon
