| e-texts navigator |
| Wylie |
245b1 བསྲེས་ལ་ཐབ་ཏུ་གཏོར་བས། ཡེ་ཤེས་ཀྱིས་མེས་བག་ཆགས་དང་བཅས་པར་ཐུལ་གྱིས་བསྲེགས་པར་བསམས་ལ། འདི་སྐད་དོ།། རྡོ་རྗེའི་ཐུགས་རྗེས་བྱིན་བརླབས་ཀྱིས།། འཇིག་རྟེན་ཁམས་ནི་རབ་འབྱམས་ཀུན།།
245b2 རྡོ་རྗེ་གཏུན་ཁུང་ལྡན་བྱས་ཏེ།། དྲག་པོའི་མཐུ་ཡིས་ལྡན་པར་མཛད།། ཞེ་སྡང་རྡོ་རྗེ་འཁོར་བཅས་ཀྱིས།། འཇིག་རྟེན་ཁམས་ནི་མ་ལུས་ཀུན།། སྐད་ཅིག་ཡུད་ལ་བརླག་པར་མཛོད།། བརླག་པར་མ་གྱུར་གང་ཡང
245b3 མེད།། དར་ཕུ་ཙར་ཕུ་ནར་ཕུ་ཨ་ཙ་ར་མ་ར་ཡ་ཕཊ། ཆེ་གེ་མོ་ཞིག་མ་ར་ཡ་ཕཊ་ཞེས་བརྗོད་དོ།། དྲག་པོའི་ལས་ལས་རྗེས་དྲག་པོའི་ལས་བསྡུས་པའི་ལེའུ་སྟེ་བདུན་པའོ།། །། དེ་ནས་རྫོགས་ནས་ལས་ཀྱི
245b4 ལྷག་ཆད་བསྐང་བའི་ཕྱིར། མེ་ལྷ་ལྷན་ཅིག་སྤྱན་དྲངས་ནས། དཀྱིལ་འཁོར་དུ་བཞུགས་སུ་གསོལ། མཆོད་པ་རྣམ་པ་ལྔ་དང་། སྦྱིན་སྲེག་གི་རྫས་ཅི་ལྷག་པས་མཆོད་དེ། ལས་མ་དག་པ་བཟོད་པར་གསོལ། མེ
245b5 ལྷ་སླར་གཤེགས་སུ་གསོལ། དེ་ནས་དཀྱིལ་འཁོར་གྱི་ལྷ་བྱིན་ལ་བཟོད་པར་གསོལ་ཏེ། མ་རིག་བདག་ཅག་ལུས་དང་ངག་སེམས་ཀྱིས།། བག་མེད་ཚུལ་གྱི་དམ་ལས་འགལ་གྱུར་ཏེ།། རྒྱལ་བ་རྒྱ་མཚོའི་ཚོགས་དང
245b6 ཅི་འགལ་བ།། ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། ཁྱེད་ཀྱི་ཐུགས་རྗེ་ནམ་མཁའི་མཐའ་དང་མཉམ།། འགྲོ་ལ་ཕན་ཕྱིར་ཚངས་པ་བསྩལ་དུ་གསོལ།། དེ་ལྟར་བཤགས་པ་བགྱིས་ཏེ་བཟོད་པར་གསོལ།།
iiif viewer powered by OpenSeadragon
