| e-texts navigator |
| Wylie |
244a1 ། བྱེད་ཀྱི་བྱིན་གྱིས་བརླབ་ཅིང་དབང་བསྐུར་ལ། འདི་སྐད་བརྗོད་དོ།། ལྕགས་སམ་ནག་པོའི་ཤིང་རྣམས་ལ།། མགོ་བོ་རྒྱ་མདུད་རྩེ་ཟུར་གསུམ། ཁྲོ་བོ་ཁྲོ་མོའི་སྐུར་བསྒོམས་ལ།། དྲག་པོར་གྱུར་པའི་ཕུང
244a2 པོ་སྟེ།། བཏབ་ན་ལྷ་ཡང་བརླག་པར་འགྱུར།། གདུག་རྩུབ་གཞན་ལྟ་སྨོས་ཅི་དགོས།། བཛྲ་ཀྲོ་དྷ་ཁ་ད། ཙྪིནྡ་ཙྪིནྡ་ཧཱུཾ། མ་ར་ན་མ་ར་ན་ཧཱུཾ་ཕཊ། ཞེས་བརྗོད་དེ་གདབ་པའི་གནས་ལྔར་གདབ་བོ།། གཞན་ཡང་ཕུར་པའི
244a3 རྒྱུད་ལས་བྱུང་བ་བཞིན་བསྐུལ་ཞིང་གདབ་བོ།། དྲག་པོ་ལས་ཀྱི་ལེའུ་ལས་གསད་པའི་ཕུར་བུའི་ལེའུ་སྟེ་གཉིས་པའོ།། །། དེ་ནས་བརྡུང་བའི་ལས་ནི་ལྕགས་སམ། རྡོའི་ནག་པོའི་གཏུན་ཁུང་གྲུ་གསུམ་ནང་དུ།།
244a4 གང་ལ་བྱ་བའི་གཟུགས་བཅུག་ལ། ལྕགས་སམ་སེང་ལྡེང་པའམ། ཤིང་ཚེར་མར་ཅན་གྱི་གཏུན་བུས་ཞིབ་ལེགས་སུ་བརྡུང་ཞིང་། ཐབས་དང་ཤེས་རབ་ཀྱིས་མཚན་ཉིད་དུ་རྟོགས་པར་བྱས་ལ། འདི་སྐད་བརྗོད་དེ།
244a5 ལྕགས་སམ་ནག་པོའི་གཏུན་ཁུང་ནི། ཁྲོ་མོ་རྣམས་ཀྱི་གཏུན་ཁུང་དུ། ཁྲོ་བོ་ཟོ་བས་བརྡུངས་བྱས་ནས།། དྲག་པོར་གྱུར་པའི་ཐོ་བ་སྟེ།། བརྡུངས་ན་ལྷ་ཡང་བརླག་པར་འགྱུར།། བརླག་པར་མ་གྱུར་གང་ཡང་མེད།།
244a6 གནོད་བྱེད་གཞན་ལྷ་ཅི་ཞིག་སྨོས།། བཛྲ་ཁ་ཏ་མ་བཛྲ་ཀྲོ་དྷ་ཁ་ཐཾ། མ་ར་ན་ཁ་ཐཾ་ཞེས་བརྡུང་ངོ་།། དྲག་པོ་ལས་ལ་གསང་བའི་གཏོར་མའི་ལེའུ་སྟེ་གསུམ་པའོ།། །། དེ་ནས་དྲག་པོ་གཏོར་མའི་ལས་ནི།
iiif viewer powered by OpenSeadragon
