| e-texts navigator |
| Wylie |
243b1 སོགས་པར་སོར་བརྒྱད་དང་བཅུ་གཉིས་པར་བྱས་ལ། མགོ་མཇུག་མ་ནོར་བར་རྩ་བའི་ངོས་སུ་མགོ་བྱས་ཏེ། མགོ་སོར་གཅིག་ལ་རྒྱ་མདུད། སྟོད་ཟེར་བརྒྱད། རྐེད་པ་སོར་གཅིག་ལ་རྒྱ་མདུད། སྨད་ཟུར་གསུམ་པར
243b2 བྱས་པ་ལ། དང་པོ་ཁོ་ནར་སྟོང་པ་ཉིད་དུ་བསྒོམས་ཏེ། ཆོས་ཀྱི་སྐུར་བྱིན་གྱིས་བརླབས། དེ་ནས་སྤྱི་བོ་རྒྱ་མདུད་གཞལ་ཡས་ཁང་དུ་བསྒོམས། ཕྱོགས་བཞི་དབུས་དང་ལྔར་ཧཱུཾ་སྦྲེལ་མ་ལྔ་བསྒོམ། དེ་ནས་དཔལ་ཧེ་རུ
243b3 ཀ་དང་ཁམས་གསུམ་རྣམ་པར་རྒྱལ་བ་དང་། གཤིན་རྗེ་གཤེད་པོ་དང་། རྟ་མགྲིན་དང་། སྟོབས་པོ་ཆེ་དང་། འདི་རྣམས་སོ་སོའི་སྙིང་པོ་བརྗོད་པས། ཡུམ་དང་གཉིས་སུ་མེད་པར་བསྒོམ་མོ།། དེ་ནས་ཧེ་རུ
243b4 ཀའི་ཐུགས་ཀ་ནས། ཧཱུཾ་མཐིང་ནག་ལས་སྲས་ཕུར་བུ་སྐྱེས་ཏེ། ལྟེ་བ་མན་ཆད་མཐིང་ནག་ལ། དབུ་རལ་པ་ཁམ་ནག་ཟུར་གསུམ་དུ་འགྲེང་བ། སྦྲུལ་དཀར་ནག་གི་བརྒྱན་པ། ཐོད་རློན་གྱི་ཕྲེང་བས་བརྒྱན་པ། སྤྱན
243b5 གསུམ་བགྲད་ནས་གཡོན་དུ་གཟིགས་པ། མཆེ་བ་གཙིགས་ནས་ཞལ་རྔམ་པ། ཕྱག་བཞི་པ་ལ་དང་པོ་གཉིས་ན་དགྲ་སྟ་རྡོ་རྗེ་བསྣམས་པ། འོག་མ་གཉིས་ནི་རི་རབ་དང་ཕུར་བུ་ཟུར་གསུམ་བསྣམས་པ། སྟོབས་དང
243b6 མཐུ་དཔུང་ལ་སོགས་པ་ནི། ཁྲོ་བོ་ཐམས་ཅད་འདུས་པ་ལས་ཀྱང་ལྷག་པར་ཆེ་བ་ཞིག་བསྒོམ་མོ།། དེ་ནས་གནས་ལྔར་འབྲུ་ལྔར་བྱིན་གྱིས་བརླབས། སྐུ་གསུང་ཟགས་སུ་བྱིན་གྱིས་བརླབས། དེ་ནས་ལག་གི་འདུ
iiif viewer powered by OpenSeadragon
