| e-texts navigator |
| Wylie |
22a1 འདུས།། མཚན་གྱི་དགོངས་པ་ལེའུ་ལྔར་འདུས་པས།། འདུས་པ་ཞེས་ནི་བྱ་བའོ།། ཅེས་འཇམ་དཔལ་བཤད་པའི་རྒྱུད་ལས། དགོངས་པ་འདུས་པའི་དོན་བཤད་སྟེ། ལེའུ་གསུམ་པའོ།། །། དེ
22a2 ནས་ཡང་ལག་ན་རྡོ་རྗེས་ཞུས་པ། མཚན་བརྗོད་ཞེས་ཀྱང་ཅི་ལ་བགྱི།། ཐུགས་རྗེ་ཆེན་པོས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གི་བཀའ་སྩལ་པ།། ལག་ན་རྡོ་རྗེས་ངོས་ཟུང་ཞིག། མཚན་དང་བརྗོད་བྱེད
22a3 རྣམ་པ་གཉིས།། མཚན་གྱི་སྐུ་དང་ཡེ་ཤེས་མཚན་ནས་བརྗོད་པས། རྟོགས་པའི་ཡེ་ཤེས་རྒྱུད་ལ་ཤར། ཚིག་གི་རྒྱུད་ཀྱི་མཚན་བརྗོད་པས། རང་གིས་དོན་གྱི་དགོངས་པ་ལོངས།། བརྗོད་བྱེད་སྤྱི་རྒྱུད་ཆེན་པོ་ཡིན།།
22a4 མཚན་བརྗོད་ཞེས་ཀྱང་དེ་ལ་བྱ།། ཅེས་གསུངས་སོ།། འཇམ་དཔལ་བཤད་པའི་རྒྱུད་ལས། མཚམ་བརྗོད་ཀྱི་དོན་བཤད་པ་སྟེ་ལེའུ་བཞི་པའོ།། །། དེ་ནས་ཡང་ལག་ན་རྡོ་རྗེས་སྣ་དྲངས་ནས་བསྐོར་བ་བྱ་སྟེ།
22a5 འདི་སྐད་ཅེས་གསོལ་ཏོ།། ཨེ་མ་ཧོ། བཅོམ་ལྡན་རྡོ་རྗེ་འཆང་། རྒྱུད་གསུམ་མཚན་གྱི་ངེས་དགོངས་ཀྱིས། བདག་གཞན་དོན་གྱི་སྣང་བ་གསལ།། རྒྱུད་ཆེན་མཚན་དོན་དགོངས་ལ་བཀྲོལ།། འགྲོ་བའི་མགོན་པོ་རྗེ་ཡི
22a6 རང་།། ཅེས་གསུངས་སོ།། འཇམ་དཔལ་བཤད་པའི་རྒྱུད་ལས། རྗེས་སུ་ཡི་རང་བ་སྟེ། ལེའུ་ལྔ་པའོ།། །། འཇམ་དཔལ་བཤད་པའི་རྒྱུད་ལས། དོན་གྱི་སྒྲོན་མ་བསྟན་པའི་ལེའུ་སྟེ། ཡང་སྙིང་རྫོགས་སོ།། །
iiif viewer powered by OpenSeadragon
