| e-texts navigator |
| Wylie |
21b1 རྫོགས་ཆེན་ཡེ་ཤེས་གཏན་འབེབས་པས།། ཡེ་ཤེས་དོན་གྱི་ངོ་བོ་གསལ།། ཡེ་ཤེས་ཞེས་ཀྱང་དེ་ལ་བྱ།། རྒྱུན་ཞེས་བྱ་བ་རྣམ་པ་གཉིས།། བརྗོད་བྱ་དོན་དང་།། བརྗོད་བྱེད་ཚིག། ཚིག་གི་རྒྱུན་ནི་རྣམ་པ་གཉིས།།
21b2 འཇམ་དཔལ་ཚིག་ལ་རྫོགས་ཆེན་ལུང་གི་བརྒྱན། རྫོགས་ཆེན་ཚིག་ལ་འཇམ་དཔལ་ལུང་གིས་བརྒྱན། གཅིག་ལ་མཛེས་གསེར་ལ་གཡུལ་སྦྲང་འདྲ།། དོན་གྱི་རྒྱན་ནི་རྣམ་པ་བཞི།། ཆོས་ཉིད་དག་ལ་ཆོས་ཀྱི་སྐུ
21b3 ཡིས་བརྒྱན།། ཆོས་ཀྱི་སྐུ་ལ་ཡེ་ཤེས་ཀྱི་གདངས་དང་ཆས་པས་བརྒྱན།། ཡེ་ཤེས་གདངས་ལ་ཐུགས་རྗེའི་གཟུགས་སྐུས་བརྒྱན།། ཐུགས་རྗེའི་སྐུ་ལ་བསྟན་པའི་སྙིང་པོས་བརྒྱན།། རྒྱན་ཞེས་བྱ་བ་དེ་ལྟར་རོ།། ཅེས
21b4 གསུངས་སོ།། འཇམ་དཔལ་བཤད་པའི་རྒྱུད་ལས། ཡེ་ཤེས་རྒྱན་གྱི་བཤད་པ་སྟེ། ལེའུ་གཉིས་པའོ།། དེ་ནས་ཡང་ལག་ན་རྡོ་རྗེས་ཞུས་པ། དགོངས་པ་ཞེས་ནི་ཅི་ལ་བགྱི། འདུས་པ་ཞེས་པ་ཇི་ལྟར་ལགས། ཐུགས
21b5 རྗེ་ཆེན་པོས་གསུངས་དུ་གསོལ། ཅེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པས་ངོས་ཟུངས་ཤིག། དགོངས་པ་ཞེས་པའི་བྱ་བ་ནི།། གདུལ་བྱའི་བསམ་པ་ལ་དགོངས་ནས།། རབ་འབྲིང་བློ་དང་སྦྱར
21b6 ནས་སུ།། ཐ་མ་རྣམ་ལ་མཚན་ཉིད་སྡེ་གསུམ་བསྟན། འབྲིང་ལ་གསང་སྔགས་ཕྱི་ནང་བསྟན། རབ་ལ་ཨ་ཏི་མ་ནོར་བསྟན། དགོངས་པ་ཞེས་ཀྱང་དེ་ལ་བྱ།། འདུས་པ་བྱ་བ་རྣམ་པ་གཉིས།། སྤྱིའི་དགོངས་པ་ཚད་དུ
iiif viewer powered by OpenSeadragon
