| e-texts navigator |
| Wylie |
151b1 མཉམ་པར་ཤེས་ནས་ས་རྣམས་ཀུན་དང་མཉམ།། བགྲོད་མེད་དོན་ལ་གང་གནས་པ།། དེ་ནི་ས་རྣམས་ནོན་པ་སྟེ།། གང་ཞིགས་རྣམས་བགྲོད་འདོད་པ།། ཕྱིན་པའི་དུས་མེད་ནོན་པའི་ཐབས་མེད་ཏེ།། དཔེར་ན་རི
151b2 དྭགས་སྨིག་རྒྱུ་སྙེགས་དང་མཚུངས།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས།། སའི་ལེའུ་སྟེ་ལྔ་པའོ།། །། ཚོགས་རྣམས་མི་སོག་དོན་འདིའོ།། ཚོགས་སོག་དོན་ལ་རྣམ་གཉིས་ཏེ།། རྒྱུའི་ཚོགས
151b3 དང་འབྲས་བུའོ།། རྒྱུ་ནི་ཐིག་ལེ་ལྷུན་གྲུབ་པ་ལ།། འབྲས་བུ་ཐམས་ཅད་མཁྱེན་པ་ཡེ་ཤེས་སོ།། གཉིས་སུ་མེད་པའི་ཆོས་སྐུ་ལ།། ཚོགས་ཉིད་རྣམ་པ་གཉིས་རྫོགས་པས།། ཚོགས་རྣམས་མི་སོག་ཡེ་ནས་རྫོགས།།
151b4 གཉིས་སྣང་མེད་པས་བསག་ཏུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ཚོགས་ཀྱི་ལེའུ་སྟེ་དྲུག་པའོ།། །། སྒྲིབ་པ་སྦྱང་བའི་དོན་འདིའོ།། སྒྲིབ་པ་ལ་ཡང་རྣམ་བཞི་སྟེ།། རིག་པ་སྤྲུལ་པའི
151b5 ། སྒུསྐུར་གྲུབ་པས།། ཤེས་བྱའི་སྒྲིབ་པ་དེ་ལ་མེད།། སྣང་བ་རང་སྣང་ལོང་སྐུ་ལ།། ཉོན་མོངས་སྒྲིབ་པ་སྦྱང་དུ་མེད།། གཉིས་སྣང་མེད་པའི་ཐིག་ལེ་ལ།། ལས་ཀྱི་སྒྲིབ་པ་སྦྱང་དུ་མེད།། ཆགས་པ་རང་འབྱུང་ཡེ་ཤེས་ལ།།
151b6 བག་ཆགས་སྒྲིབ་པ་སྦྲང་དུ་མེད།། ཐམས་ཅད་ཐིག་ལེ་ཆོས་སྐུ་ལ།། སྒྲིབ་པ་བཞི་པོ་གང་དུ་སྤང་།། སྦྱང་བའི་ས་དང་སྦྱང་བའི་རྒྱུ།། གཉིས་སྤྱོད་ཕྱིར་ན་ཡང་ཏི་མིན།། ཇི་སྙེད་ཐེག་པ་འོག་མར་གོལ།། གོལ་ས་བཅད
iiif viewer powered by OpenSeadragon
