| e-texts navigator |
| Wylie |
151a1 སོ།། འཇམ་དཔལ་འདུས་པའི་རྒྱུད་ལས།། ཞུས་པའི་ལེའུ་སྟེ་གཉིས་པའོ།། །། ཀུན་ཏུ་བཟང་པོས་བཀའ་སྩལ་པས།། ཉོན་ཅིག་རྡོ་རྗེ་སེམས་དཔའ་ཆེ།། དབང་ལ་བསྐུར་མི་དགོས་པ་ནི།། བུམ་པ
151a2 ཟཐབས་དང་གསང་དབང་དང་།། ཚིག་གི་དབང་དུ་ཐམས་ཅད་འདུས།། རང་ལུས་བུམ་པར་ཤེས་པ་ནི།། དེ་ནི་དབང་བསྐུར་དང་པོ་ཡིན།། རིག་སྣང་གཉིས་སུ་སྦྱོར་བ་ནི།། དེ་ནི་དབང་མཆོག་གཉིས་པ་ཡིན།། ཡེ
151a3 ཤེས་སྐུའི་དོན་ཆོད་པས།། དེ་ནི་དབང་བསྐུར་གསུམ་པ་ཡིན།། ཚིག་རྣམས་ཐམས་ཅད་དོན་ལ་བསྡུས།། དེ་ནི་དབང་བསྐུར་བཞི་པ་ཡིན།། དབང་རྫས་རང་ལ་རབ་རྫོགས་པས།། སྣང་བ་རྫས་ཀྱི་ཁར་མ་ལུས།།
151a4 ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། དབང་གི་ལེའུ་སྟེ་གསུམ་པའོ།། །། ལམ་སྦྱང་མི་དགོས་པའི་དོན་འདིའོ།། འབྱུང་བ་ལྔ་ལ་ལོངས་སྤྱད་པས།། དེ་ནི་ཚོགས་ཀྱི་ལམ་པའོ།། དེ་ཉིད་འོད
151a5 གསལ་ཉིད་དུ་ཤར།། དེ་ནི་མཐོང་པའི་ལམ་པ་ཡིན།། གཉིས་སྣང་མེད་པའི་ཡེ་ཤེས་གསལ།། དེ་ནི་སྦྱོར་བའི་ལམ་པ་ཡིན།། དེ་ཉིད་རིག་པ་རང་ཡིན་པས།། དེ་ནི་སྒོམ་པའི་ལམ་པའོ།། དེ་རྣམས་གཉིས་སུ་མེད།
151a6 པར་གནས།། དེ་ནི་མཐར་ཕྱིན་ལམ་པའོ།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ལམ་གྱི་ལེའུ་སྟེ་བཞི་པའོ།། །། ས་རྣམས་མི་བགྲོད་དོན་འདིའོ།། ས་རྣམས་མི་བགྲོད་རང་ལ་རྫོགས།།
iiif viewer powered by OpenSeadragon
