| e-texts navigator |
| Wylie |
150b1 ཞེས་སོ།། གང་ལྟར་བྱུང་ཡང་དེ་དེ་ཉིད།། དེ་དེ་བསྲེག་ཤད་པར་བུ་བསྣམས།། མ་རིག་མུན་པ་གསལ་བའི་ཕྱིར།། ཆོས་ཀྱི་པུ་ཏི་རབ་ཏུ་བསྣམས།། བཀྲེས་བསྒོམ་སྡུག་བསྔལ་ཞི་བྱའི་ཕྱིར།། རིན་ཆེན་སྒྲོམ་བུ་ཕྱག
150b2 ན་བསྣམས། ཚ་གྲང་སྡུག་བསྔལ་ཞི་བྱའི་ཕྱིར།། མེ་ཆུའི་བསིལ་སྒྲོམ་ཕྱག་ན་བསྣམས།། གང་འཐད་ཐེག་པ་དེ་ལ་སྟན།། རྫོགས་པ་ཆེན་པོ་སྙིང་ཁྲིད་མན་ངག་གི་རྒྱུད།། སློབ་དཔོན་དགའ་རབ་རྡོ་རྗེས་ཡི་གེར་བཀོད
150b3 པ་རྫོགས་སོ།། ཡང་ཏི་ནག་པོའི་འབྲུ་གཅིག་པ་བཞུགས་སོ།། @##།། རྒྱ་གར་སྐད་དུ། ཤྲཱི་མན་ཛུ་ཏན་ཏྲ་དུ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ།།
150b4 འདི་སྐད་བདག་གིས་ཐོས་པ་དུས་གཅིག་ན། འོག་མིན་དུ་ནི་བཞུགས་ནས་ནི།། སངས་རྒྱས་སེམས་ཅན་རྒྱབ་གྱེས་དུས།། འཁོར་གྱི་རྡོ་རྗེ་སེམས་དཔའ་ལ།། ཡང་ཏི་ནག་པོའི་བསྟན་པ་ཤར།། བསྡུད་བྱེད་རོ་ལངས
150b5 བདེ་བས་བསྡུས།། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། ཀྱེ་སྟོན་པ་ཀུན་ཏུ་བཟང་པོ་ལགས།། རྫོགས་པ་ཆེན་པོའི་དོན་ཆེན་ལ།། དབང་ལ་བསྐུར་བའི་དོན་རྣམས་དང་།། ལམ
150b6 སྦྱངས་བགྲོད་ཚོགས་བསགས་པ་དང་།། སྒྲིབ་སྦྱང་དམ་ཚིག་དཀྱིལ་འཁོར་དང་།། ལྷ་སྒོམ་སྔགས་བཟླས་ཏིང་འཛིན་དང་།། སྦྱིན་དང་ཚུལ་ཁྲིམས་སྨོན་ལམ་དང་།། དེ་རྣམས་དོན་ཀྱང་བཤད་དུ་གསོལ།། ཅེས་ཞུས
iiif viewer powered by OpenSeadragon
