| e-texts navigator |
| Wylie |
150a1 ཡང་ཐར་པ་མེད། མདོར་ན་སེམས་ཅན་སངས་རྒྱས་ཀྱང་།། སེམས་ཆོས་གཉིས་སུ་ཡོད་མེད་ལས།། རྡོ་རྗེ་ཀུན་བཟང་མི་གསུང་ངོ་།། སེམས་དང་ཆོས་ནི་གཉིས་མེད་ན།། ལྷ་རྟོགས་ལ་སོགས་གང
150a2 གིས་ཀྱང་།། དེ་བས་བྱ་བྲ་ལ་ལྷུན་རྫོགས་མོད།། དེ་བས་སྨན་པའི་ཐེག་ཕྲན་ཀུན།། སེམས་ཀྱིས་ཆོས་རྟོགས་རྟོགས་པས་སྨན།། དེ་བས་བྱ་བྱེད་དྲང་དོན་མོད།། ཅེས་ཆོས་སེམས་གཉིས་སུ་མེད་པའི་གསང་ཐིགས
150a3 སྟེ།། མན་ངག་གཉིས་པའོ།། བཅོམ་ལྡན་འདས་ལོག་པར་དད་སེལ་ལ་ཕྱག་འཚལ་ལོ།། རྩོད་དང་གདམས་དང་བཤད་དང་གསུམ།། དབྱེ་བ་འདི་ཡིས་ཤེས་པར་བྱ།། རང་བཞིན་དག་པའི་ཀུན་གཞི་དང་།། རྟོགས
150a4 པས་དག་པའི་ཀུན་གཞི་དང་།། འཛིན་པས་གསགས་པའི་ཀུན་གཞི་ལ།། འཁོར་བའི་ཀུན་བཞི་འདས་པའི་གཞི།། གཉིས་ཀའི་ཀུན་གཞི་དབྱེ་བ་ཡིས།། འབྱུང་བ་དང་ནི་འབྱུང་ཆེན་དང་།། འབྱུང་ཆུང་གཞི་སྟེ་སོ་སོར
150a5 དབྱེ།། འབྱུང་བ་ཆོས་ཉིད་འབྱུང་ཆེན་ནམ་མཁའ་ལ།། འབྱུང་ཆུང་རེ་རེ་ལ་ཡང་ལྔ།། ཆོས་ཉིད་འཁོར་འདས་ཀུན་གྱིས་གཞི།། བྱང་སེམས་འདས་པ་ཀུན་གྱིས་གཞི།། འཁྲུལ་སེམས་འཁོར་བ་ཀུན་གྱིས་གཞི།།
150a6 སེམས་དང་སེམས་ལས་བྱུང་བ་དང་།། སེམས་དང་སེམས་ལས་ཐིམ་པ་དང་།། འཁོར་འདས་གཉིས་སུ་མཁས་པར་རིག། ཅིའི་ཕྱིར་ན་སེམས་ཞེས་ན།། སེམས་ཐིམ་པ་ཡི་སེམས་ཞེས་ན།། སེམས་འཛིན་པའི་སེམས
iiif viewer powered by OpenSeadragon
