| e-texts navigator |
| Wylie |
149a1 མེད་ན། ཤེས་བྱ་ཤེས་བྱེད་ལ་སོགས་མེད།། སྦྱངས་ནས་རྟོགས་ཐོབ་ཕྱིས་འདོད་དང་།། རྟོགས་ཐོབ་ཐབས་ལ་རྟེན་པ་དང་།། བྱ་བ་མ་བྲལ་ཟབས་ཀྱིས་ཀྱང་།། ཡང་དག་འབྲས་བུ་ཐོབ་པ་མེད།། བྱ
149a2 མེད་བྱེད་བྲལ་འབྲས་བུ་དེ།། ཆོས་ཉིད་དོན་རྟོགས་བདེ་ཆེན་འགྲུབ།། འདོད་པ་མ་ཟད་འབྲས་བུ་དང་།། འདོད་པས་གྲུབ་པའི་འབྲས་བུ་དང་།། འདོད་པ་མེད་པས་ལེན་པ་ནི།། བྱ་བྲལ་ལྷུན་གྲུབ་ཤེས་པར་གྱིས།།
149a3 མདོར་ན་ཆོས་རྣམས་ཐམས་ཅད་ནི།། འཁོར་དང་མྱ་ངན་འདས་པ་སྟེ།། འཁོར་བའི་སེམས་རིག་འཁྲུལ་པའི་སེམས།། མྱ་ངན་འདས་རིག་བྱང་ཆུབ་སེམས།། སེམས་ཀྱི་ཡུལ་དང་རང་རིག་ཡུལ།། སྤྱོད་ཡུལ་དག་དང
149a4 མ་དག་བགྱིས།། འཁོར་འདས་གཉིས་སུ་རྒྱལ་བས་མངགས། སྤྱོད་ཡུལ་དག་པའི་རྣལ་འབྱོར་ནི།། འཁོར་བར་ནམ་ཡང་མི་འཁོར་ཏེ།། རྟོགས་པ་བསྟན་པར་མ་གྱུར་ནས།། རྟེན་ནི་ཁམས་གསུམ་གནས་གྱུར་ཀྱང་།།
149a5 སེམས་དགོངས་རྣམ་དག་རྫོགས་སངས་རྒྱས།། གལ་ཏེ་བསྟན་པར་མ་གྱུར་ན།། ཚོགས་དྲུག་འཇུག་པ་ལྷོད་པ་ཡིས།། དམྱལ་བའི་གནས་སུ་དེ་མི་སྐྱེ།། ཆོས་ཉིད་རྟོགས་དང་ལྡན་པ་ཡིས།། བྱོལ་སོང་གནས་སུ་དེ་མི
149a6 སྐྱེ།། འདོད་པའི་གདུང་བ་ལྷོད་པ་ཡིས།། ཡི་དྭགས་གནས་སུ་དེ་མི་སྐྱེ།། འདོད་ཡོན་ལྔ་ལ་ཆགས་མེད་ཅིང་།། སྤྱོད་ཀྱང་བསྟན་པོར་མ་མཐོང་སྟེ།། འཁྲུལ་ཞིང་རང་བཞིན་མེད་རྟོགས་པས།། ལྷའི་གནས་སུ་དེ་མི
iiif viewer powered by OpenSeadragon
