| e-texts navigator |
| Wylie |
146b1 གྱི་རྣམ་པ་ཅན།། གསལ་བ་ངོ་སྤྲད་བརྡ་བཞི་སྟེ།། ལོངས་སྐུ་འདྲ་འབག་ཕྱེད་སྐུར་སྤྲད།། སྦྲུལ་སྐུ་འོད་ཁྱིམ་ཁ་སྦྱོར་སྤྲད།། ཆོས་སྐུ་རིན་ཆེན་མེན་ཤེལ་སྤྲད།། འདུ་འབྲལ་མེད་པ་ཉི་མ་ཡི།། སྙིང་པོ་ཉིད་ལ་སྤྲད་པར
146b2 བྱ།། བརྡ་དང་ངག་གིས་བསྟན་པ་ནི།། ཤེས་པ་བརྒྱད་པོ་རྟོགས་པ་འཆང་།། བདེ་བ་སྤྲད་པའི་དགོངས་པ་ནི།། སྐུ་གསུམ་འདུ་འབྲལ་མེད་པ་ཡིས།། བག་ཆགས་སྦུབས་ཀྱི་དགོངས་པ་མཆོད།། ལོངས་སྐུས་ལྔ་ལྡན
146b3 དགོངས་པ་ཆོད།། སྦྲུལ་སྐུས་རྫོགས་ལྡན་དགོངས་པ་ཆོད།། ཆོས་སྐུས་རྫོགས་ལྡན་ཆེན་པོ་ཆོད།། བདེ་ལྡན་རྣམ་པ་བཅུ་གཉིས་ལྡན།། མི་འགག་པ་ལ་སྤྲད་པའི་སྐྱོན།། སྔར་འདྲིས་མི་བཞིན་མི་རྟོགས་པས།། སྐྱོན
146b4 བཞི་དག་དང་ལྡན་པས་ན།། དེ་ཉིད་རྣམ་པ་བཅུ་དྲུག་རིག། ཐོགས་པ་མེད་པས་མཐའ་བཞི་བྲལ།། རྟག་མཐའ་དང་ནི་ཆད་མཐའ་དང་།། ཡོད་མཐའ་དང་ནི་མེད་མཐའ་དང་།། མཐའ་བཞི་དག་དང་བྲལ་བ་ནི།།
146b5 རྣམ་པ་ཉི་ཤུ་བྱང་ཆུབ་པ།། ངོ་སྤྱོད་རྟོགས་པ་ཐོབ་པ་ཡིན།། ངོ་བོས་སྟོང་པ་ཡི་གེ་ཨེ།། རང་བཞིན་གསལ་བས་ཡི་གེ་བཾ།། རྣམ་པ་བདེ་བ་ཡི་གེ་མ།། ཡོན་ཏན་མི་འགག་ཡི་གེ་ཡ།། འཕྲིན་ལས་ཐོགས་པ་མེད་པས
146b6 ཁྱབ།། སྟོང་པས་ཨེ་ནི་ཆོས་ཀྱི་དབྱིངས།། གསལ་བས་བམ་ནི་སྟོན་པར་བཤད།། བདེ་བས་མ་ནི་འཁོར་དང་ལྡན།། མ་འགག་པ་ནི་བསྟན་པ་དེ།། ཐོགས་པ་མེད་པར་ཡོངས་ལ་སྤྲོ།། ཕུན་སུམ་ཚོགས་པས་རྒྱུད་ཀུན
iiif viewer powered by OpenSeadragon
