| e-texts navigator |
| Wylie |
145b1 གསལ་བ་ཡི་གེ་ཨོཾ་ཡིན་ཏེ།། བདེ་བ་ཨའི་རྣམ་པ་ལ།། མི་འགག་པ་ནི་སྭ་རུ་གནས།། ཐོགས་པ་མེད་ཡི་གེ་ཧ།། སྟོང་པ་ལྷ་དང་ལྷ་མ་ཡིན།། ཨ་དཀར་སུ་སེར་གནས་པ་ཡིན།། གསལ་བ་བྱོལ་སོང་དུང་ཁའི་དུ།།
145b2 བདེ་བ་ཡི་དྭགས་ཏྲི་དམར་ལ།། མི་འགག་མིའི་ནི་ལྡང་དེ།། ཐོགས་མེད་དམྱལ་བའི་དྲི་ནག་པོ།། སྟོང་པས་ཉམས་ནི་སེམས་ལ་འཆར།། གསལ་བས་གར་ནི་ལུས་ལ་འཆར།། བདེ་བས་སྔགས་ནི་ངག་ལས་འཆར།།
145b3 མི་འགག་མཐོང་སྣང་ཡུལ་ལ་འཆར།། ཐོགས་མེད་བག་ཆགས་རྨི་ལམ་འཆར།། རྣལ་འབྱོར་ཉམས་ནི་སྣང་བ་ཡིན།། ཐམས་ཅད་མ་ལུས་འཁོར་འདས་ཀྱིས།། ཉམས་སྣང་འདི་རུ་འདུས་པར་བཤད།། སྟོང་པས
145b4 ཐུགས་ཀྱི་མངོན་ཤེས་དང་།། ལས་ཀྱི་མངོན་ཤེས་འཆར་བ་ཡིན།། གསལ་བས་ལུས་ཀྱི་རྫུ་འཕྲུལ་འཆར།། བདེ་བས་སྤྱན་གྱི་མངོན་ཤེས་འཆར།། མི་འགག་གནས་ཀྱི་མངོན་ཤེས་དང་།། ཐོག་མེད་སྙན་གྱི་མངོན
145b5 ཤེས་དང་།། མངོན་པར་ཤེས་པ་རྣམ་དྲུག་གི། གདུལ་བྱ་ཡུལ་དུ་གཟིགས་པ་ཡིན།། སྟོང་པས་ཆོས་ཀྱི་སྐུ་ཡིན་ཏེ།། གསལ་བས་ལོངས་སྤྱོད་རྫོགས་པའི་སྐུ།། བདེ་བས་ལོང་སྐུ་ཡུལ་དང་ལྡན།། མི་འགག་སྤྲུལ་པའི
145b6 སྐུ་རུ་སྣང་།། ཐོགས་པ་མེད་པས་འགྲོ་དོན་མཛད།། སྟོང་པས་ཆོས་དབྱིངས་ཡེ་ཤེས་ལ། གསལ་བ་མེ་ལོང་ལྟ་བུ་སྟེ།། བདེ་བས་སོ་སོར་རྟོག་པ་ལ།། མི་འགག་པས་ན་མཉམ་པ་ཉིད།། ཐོགས་མེད་བྱ་བ་གྲུབ
iiif viewer powered by OpenSeadragon
