| e-texts navigator |
| Wylie |
145a1 སྲོག་འཛིན་རླུང་ཡིན་ལ།། གསལ་བ་ས་དང་འདྲེས་པའི་རླུང་།། བདེ་བ་མེ་དང་དྲོད་མཉམ་ལ།། མི་འགག་ཆུ་དང་འགྲོགས་པའི་རླུང་།། ཐོགས་མེད་རླུང་གི་རླུང་དུ་བཤད།། སྟོང་པ་ལུས་ལ་ནམ་མཁའི
145a2 རླུང་།། གསལ་བ་སྣ་ལ་སའི་རླུང་།། བདེ་བ་མིག་ལ་མེའི་རླུང་།། མི་འགག་ལྕེ་ལ་ཆུའི་རླུང་།། ཐོག་མེད་སྣང་བར་རླུང་གི་རླུང་།། སྟོང་པ་ནམ་མཁའི་རྩ་གསུམ་ཉིད།། ཉི་མ་ཟླ་བ་ར་ཧུ་ལ། གསལ་བ་སྤྲུལ་པའི་དཀྱིལ
145a3 འཁོར་ལ།། བདེ་བ་མགྲིན་པར་ལོངས་སྤྱོད་པས།། མི་འགག་སྙིང་ཁར་ཆོས་འཁོར་ཉིད།། ཐོགས་པ་མེད་པ་བདེ་ཆེན་སྤྱི།། གནས་པ་རྩའི་དཀྱིལ་འཁོར་གྱིས།། ལུས་ཀུན་ལ་ནི་ཁྱབ་པར་གནས།། སྟོང་པ་བྱང་ཆུབ
145a4 སེམས་ཡིན་ལ།། གསལ་བ་དྲི་ཆེན་བདུད་རྩིར་གནས།། བདེ་བ་པདྨ་རཀྟ་ཉིད།། མི་འགག་ཤེ་ཆེན་དམ་རྫས་ལ།། ཐོགས་མེད་དྲི་ཆུར་གནས་པ་རྣམས།། སངས་རྒྱས་རིགས་ལྔའི་དམ་རྫས་དེ། ཁམས་ཀྱི་བདུད་རྩི
145a5 ཆེན་པོ་ཉིད།། རྣལ་འབྱོར་འདུས་པ་ཀུན་རྫོབ་གནས།། སྟོང་པ་མིའི་ཤ་རུ་བཤད།། གསལ་བ་གླང་པོའི་ཤ་ཡིན་ལ།། བདེ་བ་བ་གླང་ཤ་ཡིན་ཏེ།། མི་འགག་པ་ནི་རྟའི་ཤ། ཐོགས་མེད་བྱའམ་ཁྱི་ཤར་བཤད། ཁམས
145a6 དགུ་འདུས་པ་དྭངས་མ་ནི།། རྣལ་འབྱོར་པ་ཡིས་ཉམས་སུ་བླངས།། བདུད་རྩི་གཏོར་མའི་མཆོད་པ་ནི།། རིག་འཛིན་བཀའ་སྲུང་ཞི་ཁྲོ་མཆོད།། དེ་ནས་གདམས་ངག་གདབ་པར་བྱ།། སྟོང་པ་ཧཱུཾ་གི་རང་བཞིན་ལ།།
iiif viewer powered by OpenSeadragon
