| e-texts navigator |
| Wylie |
143b1 ནོར་བསྒྲུབ་དེ།། མི་འགག་ང་རྒྱལ་ཐོག་སེར་དང་།། ཐོགས་མེད་ཕྲ་དོག་ནང་རྒྱས་རྣམས།། དུག་ལྔ་དག་ལས་སྣང་བ་ཡང་།། རྩ་བ་འདི་ལས་བྱུང་བར་ཟད།། སྟོང་པ་གཏི་མུག་དོན་ལ་རྨོངས།། གསལ་བ་མནར་མེད
143b2 སེམས་ཞེ་སྡང་ཉིད།། བདེ་བས་འདོད་ཅིང་ཆགས་པ་ལ།། མི་འགག་མངོན་པའི་ང་རྒྱལ་དེ།། ཐོགས་པ་མེད་ལས་ཕྲ་དོག་སྣང་།། ཇི་སྙེད་ཉོན་མོངས་མ་ལུས་ཀུན།། ཐམས་ཅད་འདི་ལས་སྣང་བ་འགྱུར།། རྣལ་འབྱོར
143b3 ལམ་ལ་གནས་འདོད་པ།། འགྲོ་དྲུག་སེམས་ཅན་ཀུན་ལྡན་པའི།། དུག་ལྟར་རང་ཤར་དང་གྲོལ་དུ།། ལམ་དུ་རྟོགས་པར་བྱ་བ་ཡང་།། སྟོང་བས་གཏི་མུག་ལམ་དུ་བྱ།། མཆོད་པ་ཆེན་པོ་གཏི་མུག་ཆེ།། གཏི་མུག་བློ་དེ
143b4 གཏི་མུག་སེལ།། བྱོལ་སོང་གནས་ལས་ངེས་པར་གྲོལ།། གསལ་བས་ཞེ་སྡང་ལམ་དུ་བྱ།། མཆོད་པ་ཆེན་པོ་ཞེ་སྡང་ཆེ།། ཉོན་མོངས་ཀུན་གྱི་སྒྲ་ཆེ་བ།། དམྱལ་བའི་སྡུག་བསྔལ་གྲོལ་བར་བྱེད།། དེ་བས་འདོད
143b5 ཆགས་ལམ་དུ་བྱ།། མཆོད་པ་ཆེན་པོ་འདོད་ཆགས་ཆེ།། སེམས་ཅན་ཐམས་ཅད་དགའ་བར་བྱེད།། མིའི་གནས་ལས་ངེས་པར་གྲོལ།། མི་འགག་ང་རྒྱལ་ལམ་དུ་བྱ།། དེ་ཉིད་ཁོང་ཁྲོར་འགྱུར་བ་ཡིན།། མཆོད་པ་ཆེན
143b6 པོ་ཆགས་པ་ཆེ།། ཆགས་པ་ཐམས་ཅད་སེལ་བར་བྱེད།། སེར་སྣ་ཡི་དྭགས་གནས་ལས་གྲོལ།། མཆོད་པ་ཆེན་པོ་བདེ་བ་ཆེ།། དགའ་བ་ཆེན་པོ་དགུ་བ་ཆེ།། ཁོང་ཁྲོ་ལྷ་མིན་ཡུལ་ལུས་གྲོལ།། ཐོགས་མེད་ཕྲ
iiif viewer powered by OpenSeadragon
