| e-texts navigator |
| Wylie |
140b1 ཞེས་སེམས་ཕྱོགས་ཆེན་པོ་མཛོད་ཀྱི་རྒྱུད།། ཡེ་ཤེས་ནམ་མཁའ་ལས།། ནང་གི་རྒྱུད་སྐོར་བཞི་གཏན་ལ་ཕབ་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་དཔག་བསམ་ཤིང་གི་ལྗོན་ཤིང་རྒྱས་པའི་ཏིང
140b2 ངེ་འཛིན་ལ་བཞུགས་ནས་འདི་གསུངས་སོ།། དཔའ་བསམ་ཡོངས་སུ་ས་བརྟོལ་ཤིང་།། རྩ་བ་རྣམ་པ་ལྔར་ཟུག་པ།། པདྨ་འཁྱིལ་པ་བསྐུའི་རྒྱུད།། ཆོས་དབྱིངས་ཡེ་ཤེས་བསྟན་པར་བྱེད།། རྡོ་རྗེ་རྩེ་མོ་གསུང་གི
140b3 བརྒྱུད།། སོ་སོར་རྟོགས་པའི་ཡེ་ཤེས་གཅོད།། རིན་ཆེན་དཔུངས་པ་ཐུགས་ཀྱི་བརྒྱུད།། མེ་ལོང་ལྟ་བུ་ཡེ་ཤེས་གསལ།། བསོད་ནམས་བྱམས་པ་རྩེགས་པ་ནི།། མཉམ་ཉིད་ཡེ་ཤེས་ཡོན་ཏན་རྒྱུད།། འཕྲིན་ལས
140b4 མཁའ་གསལ་ཉི་མ་ནི།། བྱ་བ་གྲུབ་པའི་ཡེ་ཤེས་ཡིན།། དཔག་བསམ་ཤིང་གི་རྩ་བ་ལྔ།། སྡོང་པོ་གཅིག་ཏུ་དྲིལ་ནས་གནས།། ལྟ་བའི་རང་ངོ་རང་ཤར་བས།། ཡེ་ཤེས་བླ་མ་ཆེན་པོའི་རྒྱུད།། ལྟ་བའི་གནད་རྣམས
140b5 ཡོངས་སྤྱོད་པ།། འཁོར་བ་དོང་སྦུགས་ཆེན་པོའི་རྒྱུད།། ཆོས་ཉིད་དོན་ལ་བསྒོམ་དུ་མེད།། གང་ཟག་བློ་ལ་སྒོམ་དུ་ཡོད།། མཉམ་པར་བཞག་པས་བསམ་གཏན་བསྒོམ།། རྗེས་ཀྱི་ཤེས་པ་སྤྱོད་པ་བྱེད།། རྣལ་འབྱོར
140b6 རབ་འབྲིང་ཐ་མས་བཅད།། རྨ་བྱ་འཇིང་སྣོལ་རྒྱུད་ཆེན་གཉིས།། འབྲས་བུ་སྐུ་དང་འོད་ཟེར་ནི།། མཛེས་པའི་ལྷ་མོ་འོད་ཟེར་ཅན།། དཔག་བསམ་ལྗོན་ཤིང་ཆེན་པོ་ལ།། ཡལ་ག་སྐྱེས་ནས་ལོ་འདབ་རྒྱས།། ལྟ་བ
iiif viewer powered by OpenSeadragon
