| e-texts navigator |
| Wylie |
140a1 པའི། ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ནང་སྐོར་རྟོགས་པ་ཡེ་ཤེས་ཀྱི་འཁོར་ལོ་འདི་ཐུགས་ཀྱི་གསང་མཛོད་ཆེན་པོ་ནས་གསུངས་སོ།། དཔལ་ལྡན་རྡོ་རྗེ་སེམས་དཔའ་ཡི།།
140a2 ཐིག་ལེ་མཐར་ཟུག་དགོངས་པ་ཡིས།། བཞི་བཅས་ཐུགས་རྗེའི་ལྕགས་ཀྱུས་གཟུང་།། ཡེ་ཤེས་གསང་བ་འཁོར་ལོ་ཆེ།། སངས་རྒྱས་མཉམ་སྦྱོར་དགོངས་པར་བཅས།། སྲིད་པའི་འཁོར་ལོ་དང་པོ་ཡིན།། འཇམ
140a3 དཔལ་དྲི་མེད་སྙིང་པོ་ཡིས།། རྒྱུད་ལུང་མན་ངག་ཁོག་ཕུབ་ནས།། གཞུང་དུ་དྲིལ་བར་བྱ་བ་ཡང་།། སངས་རྒྱས་འདུས་པ་མན་ངག་རྒྱུད།། རྒྱུད་རྣམས་མན་ངག་ཐུགས་ཀྱི་གཏེར།། སྲིད་པའི་འཁོར་ལོ་བཤད་པ
140a4 ལས།། དྲི་མེད་སྙིང་པོའི་དགོངས་པ་ཡིན།། སྦུབས་གསུམ་དགོངས་པས་གཞི་བཟུང་ནས།། དེ་བཞིན་གཤེགས་པའི་ཆོས་ལྔ་དང་།། བྱང་ཆུབ་སེམས་དཔའི་ཆོས་བདུན་དང་།། ཏིང་འཛིན་ལྟ་བུའི་སྲོག་ཤིང་དྲུག།
140a5 སྤྱན་རས་གཟིགས་ནི་སེང་གེ་སྒྲ།། སྲིད་པའི་འཁོར་ལོ་གསུམ་པ་ཡིན།། སེང་གེ་འཁྱིལ་བའི་དགོངས་པ་ལས།། ཕྱི་ནང་གསང་བ་སྒྲུབ་ནི།། རྟགས་བཞི་བདུད་བཞི་རྒྱས་གདབ་བཞི།། གངས་ལ་ཉི་མ་ཤར་བ་དང་།།
140a6 ཐོག་དང་གཟེར་དང་ཁྱུད་དང་ནི།། སྐར་མདའ་ལྟ་བུ་མན་ངག་གིས།། ཕྱག་ན་རྡོ་རྗེ་མེ་ལྕེ་ཕྲེང་།། སྲིད་པའི་འཁོར་ལོ་བཞི་པ་ཡིན།། རིག་གསུམ་རིགས་ཁྱབ་སྤྱི་དང་བཞིས།། མུ་ཁྱུད་གྲོང་ཁྱེར་བཞི་ཡིས་མཛེས།།
iiif viewer powered by OpenSeadragon
