| e-texts navigator |
| Wylie |
139b1 ཅན་དབང་པོ་ཤེས།། རྣམ་གྲོལ་གསུམ་ལ་མཁས་པ་པོ།། སྐུ་གསུམ་ཡེ་ཤེས་ལྔ་རྟོགས་སམ།། རྟོགས་པ་མངོན་གྱུར་ཆོས་སྐུར་གནས།། ཉམས་ལེན་འཇམ་དཔལ་ཡེ་ཤེས་བརྒྱན། ཁང་ཁྱིམ་གཅིག་གི་ནང་དུ
139b2 བཤད།། དེ་ནས་མཚན་དོན་དགོངས་པ་ཡི།། འཇམ་དཔལ་དོན་ཡང་རབ་བཤད་ན།། ཡེ་ཤེས་ལུས་ཅན་འཇམ་དཔལ་གྱི།། མིང་བརྗོད་པས་ནི་དོན་ཆེ་བ།། དག་པར་བྱེད་ཅིང་སྡིག་སེལ་བ།། མཚན་ནི་ཡང་དག
139b3 བརྗོད་པར་བཤད།། ཞི་བ་རྡོ་རྗེ་འཛིན་པ་དང་།། ཁྲོ་བའི་དགོངས་པ་འདུས་པ་ནི།། རྡོ་རྗེ་ཟབ་མོ་འཛིན་ན་འཇིགས།། རྡོ་རྗེ་བློ་གྲོས་དོན་བཞིན་རིག། ས་དང་ཕ་རོལ་ཕྱིན་པ་ཡི།། དགོངས་པ་འདུས་པར་གྱུར་བས
139b4 ན།། ཕ་རོལ་ཕྱིན་པ་ཀུན་རྫོགས་ནས།། ས་རྣམས་ཀུན་གྱི་རྒྱན་དང་ལྡན།། དགོངས་པ་ཕྱི་ནང་ཀུན་འདུས་པས།། འཇམ་དཔལ་དགོངས་པ་འདུས་པའི་མཚན།། ཆོས་ཀྱི་སྐུ་ལ་ལོངས་སྐུས་བརྒྱན།། ལོངས་སྐུ་ཡེ་ཤེས
139b5 རྣམ་ལྔས་བརྒྱན།། ཡེ་ཤེས་ཐུགས་རྗེ་སྦྲུལ་སྐུས་བརྒྱན།། སྐུ་གསུམ་ཡེ་ཤེས་ལྔ་ལྡན་ཅིང་།། འཁྲུལ་ཚུལ་གྲོལ་ཚུལ་བསྟན་པ་ནི།། འཇམ་དཔལ་ཡེ་ཤེས་རྒྱན་དུ་བཤད།། མཚན་གྱི་དོན་རྣམས་སྟོན་འགྱུར་ཞིང་།། རྒྱུད
139b6 ཀྱི་དགོངས་པ་མཚན་གྱི་རྫོགས།། མཚན་དོན་སྟོན་པས་འཇམ་དཔལ་ནི། ཁང་ཁྱིམ་ཅིག་གི་ནང་དུ་བཤད།། ཞེས་སེམས་ཕྱོགས་ཆེན་པོ་མཛོད་ཀྱི་རྒྱུད།། ཡེ་ཤེས་ནམ་མཁའ་ལས།། རྩ་བའི་རྒྱུད་སྐོར་བཞི་བསྟན
iiif viewer powered by OpenSeadragon
