| e-texts navigator |
| Wylie |
139a1 མཁྱེན་ཡེ་ཤེས་མཛོད་འཛིན་པ།། དེ་ལྟར་མཐར་ཟུག་འབྲས་བུ་ནི།། ཐོབ་ནས་ཐེག་ཆེན་གཞན་དོན་མཛད།། འཁོར་བའི་སྡུག་བསྔལ་སེལ་འགྱུར་བ། དཔེར་ན་སྨན་པ་ལྟར་འགྱུར་བ།། སྨན་པ་ཆེ
139a2 མཆོག་གཙོ་བོས་ཏེ།། ཟུག་དུ་འབྱིན་པ་བླ་ན་མེད།། སྨན་རྣམས་མ་ལུས་ལྗོན་པའི་ཤིང་།། ནད་དུ་བཅོས་ཀྱི་དགྲ་ཆེ་བ།། དེ་ལྟར་རྩ་བའི་རྒྱུད་ཆེན་ནི།། ཁང་ཁྱིམ་ཅིག་གི་ནང་དུ་བཤད།། དེ་ནས་འགྲོ་དོན་མཛད
139a3 པའི་སྐུ།། འཇམ་དཔལ་དགོངས་པ་འདུས་པ་ནི།། གཟུགས་སྐུ་མ་ལུས་འདིར་འདུས་པས།། ཞི་ཁྲོ་རྣམ་པ་གཉིས་སུ་གསུངས།། རིན་ཆེན་སྤྲུག་པའི་གཞལ་ཡས་ན།། ཞི་བའི་སངས་རྒྱས་བཞུགས་པ་དང་།། ཀླད་པ
139a4 དུང་ཁང་གཞལ་ཡས་ན།། ཁྲོ་བོའི་སངས་རྒྱས་གནས་པ་དང་།། ཡེ་ཤེས་དབང་བསྐུར་ཅོད་པན་ཅན།། རྫོགས་པའི་སངས་རྒྱས་བརྒྱན་དུ་ཐོགས།། སྡུག་བསྔལ་གསུམ་གྱི་སྡུག་བསྔལ་ཞི།། གསུམ་སེལ་མཐའ་ཡས
139a5 གྲོལ་གསུམ་ཐོབ།། འཇམ་དཔལ་དགོངས་པ་འདུས་པ་ནི། ཁང་ཁྱིམ་གཅིག་གི་ནང་དུ་གསུངས།། དེ་ནས་གདམས་ངག་སྒོམ་པར་བྱ།། རང་བཞི་ལྷུན་གྲུབ་ཆོས་སྐུ་ལས།། ལོངས་སྤྱོད་རྫོགས་སྐུ་རྩལ་དུ་ཤར།།
139a6 གདུལ་བྱ་གདུལ་བྱེད་སྤྲུལ་པའི་སྐུ།། བྱེད་པ་སེམས་ཅན་ཀུན་དོན་བྱེད།། ཕན་འདོད་སེམས་ཅན་མཉེས་ཤིང་བ།། བཟང་ངན་ཤེས་ཤིང་འདུས་ཤེས་ལ།། ཁྱབ་བདག་དམ་ཤེས་དམ་ཚིག་ལྡན།། འདུས་ཤེས་སེམས
iiif viewer powered by OpenSeadragon
