| e-texts navigator |
| Wylie |
138a1 གོལ་བའི་དགོངས་པ་དམ་པའོ།། བར་དུ་ཡེ་ཤེས་སྒྱུ་མའི་སྦུབས།། སངས་རྒྱས་བཞི་བཅུ་རྩ་གཉིས་སྐུ།། ཆོས་ཀྱི་སྤྱན་གྱི་འཁོར་འདས་གཟིགས།། དག་པ་འཇིག་རྟེན་སྣང་བ་འདིར།། སྤྲུལ་པའི་སྐྱེ
138a2 གནས་འགྲོ་དོན་མཛོད།། འཁོར་བ་དག་ལས་གྲོལ་བ་ཡིན།། རྒྱུ་ལུས་མངོན་དུ་གྱུར་བ་ཡིན།། འཁོར་འདས་མངོན་སུམ་གཟིགས་པ་ཡིན།། ཆོས་སྐུ་རིན་ཆེན་གསང་བའི་སྦུབས།། ཡེ་ཤེས་མིག་ཅིག་དྲི་མ་མེད།།
138a3 ཆོས་ལས་གྲོལ་བས་དགོངས་པ་ནི།། རྒྱུན་ཆད་མེད་པར་གནས་པ་ན།། བསམ་གཏན་བསམ་བྱ་བློ་ལྡན་མཆོག། ཏིང་འཛིན་ལུས་ཅན་ལུས་ཀྱི་མཆོག། ཡང་དག་ཡེ་ཤེས་སྣང་བ་ཡིན།། ཕྱི་དང་ནང་དང་གསང་བ
138a4 དང་།། གསང་ཆེན་མ་ལུས་བཤད་པ་དང་།། རྩ་བར་གྱུར་པ་མ་ལུས་ཀུན།། བཅུ་གཉིས་མན་ངག་འདུས་པ་ཡིས།། བརྡ་སྒྲ་ངེས་པའི་ཛ་ལོག་ཏུ།། མ་ཁྱུད་བརྡ་སྒྲ་ངེས་པ་དང་།། ཛ་ལོག་བཤད་པའི་གནད་དུ་བསྟན།།
138a5 ཞེས་སེམས་ཕྱོགས་ཆེན་པོ་མཛོད་ཀྱི་རྒྱུད།། ཡེ་ཤེས་ནམ་མཁའ་ལས་གདམས་པའི་རྒྱུད་སྐོར་བཞི་བསྟན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཐིག་ལེ་གསང་སྐོར་གྱི་རྩ་བའི་རྒྱུད་བཞི
138a6 ཐུགས་གསང་བ་ཆེན་པོའི་མཛོད་ནས་ཕྱུང་ངོ་།། དང་པོར་སློབ་མ་དད་ལྡན་གྱིས།། བླ་མ་དམ་པ་བསྟེན་པར་བྱ།། སྲིད་པའི་དགོན་པ་ལས་རྒལ་བ།། སྟོན་པ་ཅིག་པུ་འགྲོ་བའི་བླ།། འཇིག་རྟེན་ཕྱོགས་བཅུར་རབ
iiif viewer powered by OpenSeadragon
