| e-texts navigator |
| Wylie |
137a1 བག་ཆགས་སྦུབས་འདི་ན།། མ་རིག་སྒོའི་སྦུབས་ཕྱེ་བས།། རིག་པའི་ཡེ་ཤེས་རྙེད་པར་འགྱུར།། རང་བཞིན་པར་དོར་བདེན་པ་མཐོང་།། ཏིང་འཛིན་པར་དོར་བརྟན་པ་ཐོབ།། ཆོས་ཉིད་བར་དོར་དྲན
137a2 པ་སད།། སྲིད་པའི་བར་དོར་ཡེ་ཤེས་སྦུབས།། སྲིད་པའི་དྲ་བ་འཇོམས་པའོ།། སྤྲུལ་པས་ཡིད་ལ་བསམ་པ་རྫོགས།། འགྲོ་དོན་མ་ལུས་རྫོགས་པ་ནི།། སྔར་འདྲིས་མི་དང་འཕྲད་བཞིན་གྱུར།། མ་ནི་ཀུན་ཁྱབ་ཆེན་མོ
137a3 སྟེ།། བུ་ནི་རིག་པ་ཅིར་བུ་ཉིད།། སྔོན་གྱི་བག་ཆགས་གོམས་དབང་གིས།། དུད་འགྲོའི་བུ་ལྟར་ནུ་མ་འཚོལ།། ཡང་ན་རང་བཞིན་སྲོག་ཟོན་བྱེད།། མའི་སྤང་དུ་བུ་འགྲོ་བ།། མ་བུ་བརྡའ་འཇལ་མན་ངག་འདིས།། རིན
137a4 ཆེན་གསང་བའི་སྦུབས་ནང་དུ།། འདོད་པ་ཐམས་ཅད་རབ་ཏུ་འགྲུབ།། ཐོག་མའི་རང་སར་སླེབ་ཅེས་བྱ།། སྔོན་ལས་འཕྲལ་རྐྱེན་བརྩོན་འགྲུས་ཀྱིས།། སྐལ་ལྡན་རིག་ཀྱི་བུ་མཆོག་ཡིན།། འཇིག་རྟེན་བྱ་བ་བཏང
137a5 བྱས་ལ།། ཐོས་བསམ་སྒོམ་པ་སྣ་ཚོགས་ཀྱིས།། ཐིག་ལེ་གསང་སྐོར་སླབ་པར་ཅེས།། ཕྱི་རབ་ཀུན་ལ་གདམས་པར་བཞག། ཞེས་སེམས་ཕྱོགས་ཆེན་པོ་མཛོད་ཀྱི་རྒྱུད།། ཡེ་ཤེས་ནམ་མཁའ་ལས།། མཛོད་རྩ་བའི
137a6 ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་བརྡ་ངེས་པའི་ཏིང་ངེ་འཛིན་ལ་བཞུགས་ནས་འདི་གསུངས་སོ།། འདི་ལྟར་སངས་རྒྱས་བཅོམ་ལྡན་འདས།། རྫོགས་པའི་སངས་རྒྱས་ཨ་ལས་བྱུང་།། ཨ་ནི
iiif viewer powered by OpenSeadragon
