| e-texts navigator |
| Wylie |
135b1 ཨེ་མ་གསང་བ་རྨད་བྱུང་ཆོས།། ཡེ་ཤེས་དབྱིངས་ན་འོད་གསལ་སྐུ།། བྱང་ན་ཀུན་གཞི་སྙིང་པོའི་མཛོད།། ཧ་ནི་འཕྲིན་ལས་ཀུན་གྱི་བདག། ཨེ་མ་གསང་བ་རྨད་བྱུང་ཆོས།། རྡོ་རྗེ་མགོན་པོ་ཐུགས་ཀྱི་མཆོག། ཀུན
135b2 གཞིའི་མཛོད་ཆེན་ཁ་ཆེ་ནས།། གཡས་ན་ཆོས་ཉིད་རང་བྱུང་རྩ།། གཡོན་ན་ཡོན་ཏན་དང་འབྱེད་རྩ།། མདུན་ན་ཡེ་ཤེས་རང་བྱུང་རྩ།། རྒྱབ་ན་རང་རྒྱུད་ལས་ཀྱི་རྩ།། དབུས་ན་རྩ་བརྒྱད་འདུས་པར་གནས།། མི་ཟད
135b3 བརྒྱན་གྱི་འཁོར་ལོའི་སྐུ།། བདེ་གཤེགས་ཀུན་གྱི་སྐུ་གསུང་ཐུགས།། འདོད་ཁམས་རིགས་དྲུག་ས་བོན་དང་།། གཟུགས་ཁམས་བསམ་ཏན་ཨོཾ་གྱི་སྐུ།། གཟུགས་མེད་སྐྱེ་མཆེད་ཡི་གེ་ཨ།། མ་ལུས་སེམས་ཅན་ཐམས
135b4 ཅད་ལ།། གནས་པ་རྩའི་དཀྱིལ་འཁོར་དང་།། རྟེན་པ་བདུད་རྩི་ཐིག་ལེ་ཁམས།། གྲུབ་པ་སྔགས་ཀྱི་ངོ་བོ་ཉིད།། སྙིང་པོ་རླུང་གི་ལ་རྣམས་རྫོགས།། མངོས་གསུམ་སངས་རྒྱས་ཆེ་བ་ནི། འབྱུང་བ་ལྔ་པོ་བཅོམ་ལྡན
135b5 འདས།། བདག་ཉིད་སངས་རྒྱས་ཆེ་བ་ནི།། རང་ལུས་འབྱུང་བ་བཅོམ་ལྡན་འདས།། ཆོས་དབྱིངས་སངས་རྒྱས་ཆེ་བ་ནི།། འབྱུང་བ་ལྔ་ཉིད་ཆོས་ཀྱི་དབྱིངས།། དེ་ཡིན་སངས་རྒྱས་ཆེ་བ་ནི།། དེ་མིན་སངས་རྒྱས་གཞན
135b6 ན་མེད།། ཐམས་ཅད་སངས་རྒྱས་ཆེ་བ་ནི།། འཁོར་འདས་མ་བཅོས་སངས་རྒྱས་ཉིད།། སྟོང་པ་གསུམ་གྱི་སྤྲོས་བྲལ་དྲུག། དེ་ནི་ཆོས་ཉིད་ཐིག་ལེ་ཉིད།། མ་འགག་ཀུན་ཤར་སྤྲོས་མེད་དག། དབྱིངས་ཀྱི་ཐིག་ལེར
iiif viewer powered by OpenSeadragon
