| e-texts navigator |
| Wylie |
134b1 མེད་པ་གསང་བ་རིན་པོ་ཆེ་དབྱིག་གི་སྒྲོན་མ།། སྐད་འགྱུར་བཞི་རྫོགས་སོ།། དབུ་གྲུ་སྨོན་ལམ་སེང་གེ་ནས་བརྒྱུད་པ། ཇོ་སྲས་སྦས་ཀྱི་ཐུགས་དམ་མོ། ཁོང་ལ་མགོ་བན་ནོར་བུས་ཞུས་སོ།། འདི་རྣམས་དོ་ལ་སྨན་ཆུ
134b2 ལུང་ནས་གདན་དྲངས་པ་ཡིན།། །། དགེའོ།། །། རྫོགས་པ་ཆེན་པོ་ཡེ་ཤེས་ནམ་མཁའི་རྒྱུད་བཞུགས་སོ།། @##།། རྒྱ་གར་སྐད་དུ། ཨ་ཏི་མ་ཧཱ་བོ་དྷི་ཙིཏྟ་ཀོ་དྷརྨ་མུ་ལ་ཨ་ཀར་ཤ་འདུ་ཡེ་ཛྙཱ་ན་ཨ་ཀར་ཤ
134b3 ན་མ། བོད་སྐད་དུ། རྫོགས་པ་ཆེན་པོ་བྱང་ཆུབ་ཀྱི་སེམས་མཛོད་ཀྱི་ཆོས།། རྩ་བ་ནམ་མཁའ་གཉིས་པ་ལས།། ཡེ་ཤེས་ནམ་མཁའ་ཞེས་བྱ་བ།། བཅོམ་ལྡན་འདས་བདུད་ཀྱི་སྟོབས་རབ་ཏུ་འཇོམས་པ་ལ་ཕྱག་འཚལ
134b4 ལོ།། འདི་སྐད་བདག་གིས་ཟོས་པའི་དུས་གཅིག་ན།། འོག་མིན་གྱི་གནས་མཆོག་དམ་པ་རུ།། རིགས་ལྔ་བདེ་གཤེགས་སངས་རྒྱས་དང་།། ཡེ་ཤེས་མཁའ་འགྲོ་རྣམ་ལྔ་དང་།། སྤྲིན་གྱི་ཤུགས་ཅན་བྱང་སེམས
134b5 བདུན།། ཀུན་ཏུ་བཟང་པོས་ལུང་བསྟན་ནས།། ལྷོ་ཕྱོགས་ཡིད་འདྲེས་མཚལ་དག་དུ།། གཞོན་ནུ་རབ་ཏུ་དང་བ་ཡིས།། ལུང་བསྟན་སེམས་ཕྱོགས་ཆེན་པོའི་མཛོད།། བསྐལ་པ་དང་པོའི་ཐོག་མ་ལ།། འཁོར་འདས་ས
134b6 བོན་ཚུལ་དུ་གནས།། དེ་ནས་བར་གྱི་བསྐལ་པ་ལ།། མྱུག་གུའི་ཚུལ་དུ་འབྱུང་བའི་དུས། བསྐལ་པ་ཐ་མར་རྒྱབ་གྱེས་པ།། ཏིལ་གྱི་འབྲུ་ཙམ་དགེ་བའི་ལས།། མ་བསགས་ཀུན་བཟངས་རང་སར་གྲོལ།། ཏིལ་གྱི་འབྲུ
iiif viewer powered by OpenSeadragon
