| e-texts navigator |
| Wylie |
133a1 ཡས་ཀྱི་ཞིང་ཁམས་བསམ་གྱིས་མི་ཁྱབ་པ་ཡོད་ཀྱིས། དེར་ཁྱོད་སེང་གེའི་འགྲོས་སྟངས་ཀྱིས་སོང་ལ། གླང་པོ་ཆེའི་ལྟ་སྟངས་ཀྱིས་ལྟོས་ཤིག། དེ་ན་མངོན་པར་དགའ་བའི་ཚལ་བྱང་ཆུབ་མཐའ་ཡས
133a2 ཀྱིས་བྲག་ཕུག། སེང་གེའི་སྒྲ་སྒྲོག་པ་ཞེས་བྱ་བ་ན། འཕགས་པ་ནམ་མཁའི་མཛོད་ཅེས་བྱ་བ། ཤིན་ཏུ་སྐྱེ་བུད་ཅིག་ཡོད་ཀྱིས།། དེ་ལ་མ་འཇིགས་ཤིག། དེ་འདས་པའི་ཕ་རོལ་ན། སངས་རྒྱས་མར་མེ་མཛད་རྒྱན
133a3 འོད་ཀྱི་ཕུང་པོ་སྣང་བ་ཞེས་བྱ་བ་ཡོད་ཀྱིས།། དེའི་ཚེ་དེའི་དུས་སུ་མངོན་པར་རྫོགས་པར་སངས་རྒྱས་པར་འགྱུར་རོ།། བཛྲ་པཱ་ཎི་ལ་རྡོ་རྗེ་འཆང་གི་གདམས་ངག་ཐོག་བབས་སུ་བསྟན་པའི་ལུང་བསྟན་པའོ།། བཛྲ་ས
133a4 ཏོ་ཁེ་ཧེ་བཛྲ། རྡོ་རྗེ་འཛིན་པ་ལ་ཕྱག་འཚལ་ལོ།། བཛྲ་པཱ་ནི་དུར་ཁྲོད་ཆེན་པོ་མང་གའི་གླིང་ན། མཁའ་འགྲོ་མ་ནམ་མཁའི་བུ་མོ་རྡོ་རྗེ་རླུང་གི་གཤོག་པ་ཅན་བྱ་བ་ཡོད་ཀྱིས། དེའི་ཐུགས་ཀྱི་ཕྱག་རྒྱ་སྟོན་ལ། རང་བྱུང
133a5 གི་མེ་ཏོག་སྟོན་ལ་ཞུས་ཅིག། རྒྱའི་བང་སོ་ནག་པོའི་བྱང་ཕྱོགས་ཕོ་འོད་དྲག་པ་ཅན་གྱི་འོག་ན། ལྕགས་ཀྱི་སྡིག་པ་མགོ་དགུ་པ་ཅིག་གི་འོག་ན། བྱང་ཆུབ་སྙིང་པོ་ཉི་མ་ཤར་བ་ལྟར་བུའི་གདམས་ངག་ཚིག་གསུམ
133a6 ཡོད་ཀྱིས། དེ་ཞུས་ཅིག། བཛྲ་པཱ་ཎི་བྱ་བ་མེད་པར་ཡེ་ཤེས་ཀྱི་འོད་གསལ་བ། དགོངས་པ་ཉི་ཤར་བ་ལྟ་བུའི་མན་ངག་གིས།། འཇིག་རྟེན་པའི་མུན་པ་དག་པར་བྱེད་པས། ཡུལ་དག་པ་ཆོས་ཀྱི་དབྱིངས་ཀྱི་ཕོ་བྲང་མེ
iiif viewer powered by OpenSeadragon
