| e-texts navigator |
| Wylie |
132a1 རྩལ་སྒྲུབ་ཀྱི་མཐའ་ལས་འདས་པ། འདའ་ཆགས་ཀྱི་རྒྱལ་པོ་ཁྱུད་ལྟ་བུ་སྟེ། ལས་ཀྱི་མཐའ་གང་ལ་ཡང་མི་གནས་སོ།། དེའི་ཕྱིར་རྟོགས་པའི་དོན་ཐུགས་སུ་ཆུད་པར་རྣམ་པར་དག་པའི་ས་ནོར་རེ།།
132a2 མཁའ་འགྲོ་མ་པུདྡྷ་ཉེ་བར་ཞིང་། དཔལ་ཕྱག་ན་རྡོ་རྗེས་མགོ་བོ་ཁོས། ཞེས་དོན་མཐའ་ལ་སྩལ་བའོ།། རང་རིག་པའི་ཡེ་ཤེས་ཀྱི་རྩལ་ལས་རྡོ་རྗེ་འཆང་གི་སྐུ་བསྟན། ཆོས་ཉིད་མ་བཅོས་པའི་ངང་ན། རྡོ་རྗེ་མཁའ
132a3 འགྲོ་མ་ཕྱུང་སྟེ། དེ་གཉིས་སུ་མེད་པ་ལས། ཡེ་ཤེས་ཀྱི་མཁའ་འགྲོ་མ་བཞི་ཕྱུང་སྟེ། རྒྱུ་རྒྱུ་རུ་གནས་པ། རྒྱུ་འབྲས་བུར་སྨིན་པ། འབྲས་བུ་རྒྱུ་ལ་ཤར་བ་རྒྱུ་ཉིད་ཡེ་ཤེས་སུ་གྲོལ་བའོ།། རིན་པོ་ཆེ་དབྱིག་གི་སྒྲོན་མའི
132a4 མན་ངག། བྱ་རྩལ་མེད་པ་འདབ་ཆགས་ཀྱི་རྒྱལ་པོ་ཁྱུང་ལྟ་བུའི་མན་ངག་གི་དགོངས་པ་མཐར་ཕྱིན་པ།། ལག་ན་རྡོ་རྗེ་ལ་རྡོ་རྗེ་འཆང་གི་ལུང་བསྟན་པའོ།། བཛྲ་ཙིཏྟ་མ་ཧ། བཅོམ་ལྡན་འདས་རྡོ་རྗེ་འཛིན་པ་ལ་ན
132a5 མོ།། རྡོ་རྗེ་ཅན་ཉོན་ཅིག། དུར་ཁྲོད་ཆེན་པོ་བསིལ་བའི་ཚལ་དུ་སོང་ལ། ཐོད་པའི་ཕྲེང་བ་ཅན་ལ། སོན་ཕ་ལ་གྷ་ཚ་པྲ་ཤིག། རྡོ་རྗེ་གདན་གྱི་ཤར་ཕྱོགས་ན་རང་བྱུང་གི་མཆོད་རྟེན་ཁྲུ་བརྒྱད་པའི་འོག་ན། སྲིན་བུ
132a6 རཀྵ་ཛ་ལའི་ཐོད་པའི་ནང་དུ། རྫོགས་པ་ཆེན་པོ་གཟེར་ལྟ་བུའི་མན་ངག་ཡོད་ཀྱིས། དེ་མཁའ་འགྲོ་མ་ལ། བྱང་ཆུབ་སེམས་དཔའ་འཕགས་པ་གཙུག་ཏོར་དྲི་མ་མེད་པའི་ཕྱག་རྒྱ་སྟོན་ལ་ཞུས་ཅིག། དེ་ནས་རིན་པོ་ཆེ
iiif viewer powered by OpenSeadragon
