| e-texts navigator |
| Wylie |
131b1 ཐོག་མ་མེད་པའི་གནས་སྔོན་བྱུང་བའི་དུས་སུ། ཧར་ཤང་འབར་ནེའི་ནགས་ཚལ་དུ། བདག་རྡོ་རྗེ་རྣལ་འབྱོར་མ་ཉིད་ཀྱིས་ཐུགས་རྗེ་རང་བྱུང་ཉི་མ་ཤར་ནས།། ང་ཉིད་ཡེ་ཤེས་སྣང་བའི་དུས་ན། ཆོས་ཀྱི་དབྱིངས་ཀྱི
131b2 ཕོ་བྲང་ན་རིག་པ་ལས་ཐ་མི་དད་པ། རང་བྱུང་གི་སྐུ་ལྔ་སྣང་ལ་རང་བཞིན་མེད་པར་རང་གསལ་བ། མནན་ན་ནེམ་ཞེས་བྱེད་པ། གདོས་པའི་སྤྱོད་ཡུལ་མིན་པ། སྟེག་ན་འཕར་ཞེས་བྱེད་པ། གསལ་བ་ཟང་ཐལ་ཡིན
131b3 པ། ངམ་འགྲོག་དང་གཡང་ས་མེད་པ། ཚེར་མ་དང་། རྣོ་ཟུར་མེད་པ། ལྕོང་རོང་བྱ་སྐྱིབས་མེད་པ། ཤེས་རབ་ཉམ་བདེ་བ་ལ་ཕྱོགས་སུ་མ་ལྷུང་བ། བུལ་བའི་ཡུལ་བདེ་བ་ཉམས་སུ་མྱོང་བའོ།། ནང་རིག་པ་ཆོས་ཀྱི
131b4 སྐུ། འགག་པ་མེད་པར་ལྷུག་པའི་ཤེས་རབ་ཁོང་ནས་ཤར་བས། ལྷན་ཅིག་སྐྱེས་པའི་ཡེ་ཤེས་རིན་པོ་ཆེ་འོད་འབར་བའི་ནང་ན་བཀོད་པ་མེད་པ་ཕྱག་རྒྱའི་དཀྱིལ་འཁོར།། རང་དེའི་ཡོན་ཏན་གྱི་སྐུ་མ་འདྲེས་པར་སོ།
131b5 སོར་གསལ་བ། བདག་མེད་པའི་བདག་ཉིད་ཆེན་པོ།། ཞི་བ་ཆོས་ཀྱི་སྐུ་མཉམ་ལ་མ་འདྲེས་པར་བཞུགས་སོ།། དེ་ཁོ་ན་ཉིད་མ་བྱས་པའི་ཆོས་ཞེས་བྱ་བའི་འབས་ཀྱི་གྲུབ་པ་ཡེ་ཤེས་རང་སྣང་དབབ་བཅས་པ་ནི།
131b6 སངས་རྒྱས་ཐམས་ཅད་ཀྱི་མཁྱེན་པ་ལ་སོགས་སོ།། ཞེས་རྡོ་རྗེ་ཅན་ལ་སྨྲས་སོ།། ས་བཅུ་པའི་བྱང་ཆུབ་སེམས་དཔའ་ཁྱོད། ཚིག་ཉུང་ལ་དོན་ཆེ་བ། སླབ་སླབ་མ་གོ་ཀ་བ། འདི་ནི་རང་བྱུང་གི་བཅོམ་ལྡན་འདས།
iiif viewer powered by OpenSeadragon
